San Mateo 13:44 - Qheshwa Biblia DC

⁴⁴ Janaj pacha reinoqa, jallp'api pakasqa qolqeman rijch'akun. Uj runa chayta tarispa, pachallanmantaj watejmanta p'ampaykun. Kusisqa ripuspataj tukuy imasninta vendemun; chay jallp'atataj rantikapun.

DIOSPA QHELQACHISQAN DEUTEROCANONICAL

⁴⁴ Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

DIOSPA QHELQACHISQ

⁴⁴ Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

Quechua South Bolivia: Dios Parlapawanchej

⁴⁴ ‘Dios runasta camachishajtin uj chajrapi khapaj capuy p'ampaskaman rijch'acun. Chayta taricoj runaka pacaycun. Cusiywan rispataj tucuy capuyninta vendemun chay jallp'atataj ranticapun.

San Mateo 13:44 Iomraidhean Croise

Job 28:13

Chay jina valorniyoj yachay kasqanta, runaqa mana reparallampischu, nitaj kay mundopipis tarinchu.

Proverbios 16:16

Qorita rantinamanta nisqaqa aswan allin yachayniyoj kana; qolqeyoj kanamantaqa, aswan allin sumaj yuyayniyoj kana.

Proverbios 17:16

Imapajtaj wampoqa qolqe oqharisqa yachayta rantej jamunrí, mana yuyaynin kashajtinri?

Proverbios 18:1

Imatapis payllapaj munaj runaqa, imatachus mask'asqasnin junt'akunallanta munan; imachus allin kashan chaytaqa pantachillampuni.

Proverbios 23:23

Cheqa kajta jap'eqaypuni, amataj kacharikuychu, yachaymanta, unanchaymanta, yuyaychaymantawanqa.

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

San Mateo 13:24

Waj rijch'anachinawan Jesús yachachin, nispa: Janaj pacha Diospa reinonqa rijch'akun sumaj mujuta jallp'ampi tarpoj runaman.

San Mateo 13:46

Uj sumaj perlata tarispataj, tukuy kapusqanta vendespa, chay sumaj perlata rantikaporqa.

San Mateo 13:47

Janaj pacha reinoqa rijch'akullantaj, uj challwa jap'ina ch'ipaman, qochaman wijch'uykusqa, tukuy laya challwasta jap'ejman.

San Mateo 19:21

Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.

San Mateo 19:27

Pedrotaj Jesusman kuticherqa: Noqaykupis tukuy imaykuta saqerparispa qanwan purishayku. Imataj noqaykupaj kanqari?

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

San Mateo 6:21

Maypichá kapuyniyki kashan, chayllapitaj sonqoykipis.

San Lucas 14:33

Jinata ari, pillapis qankunamanta, tukuy tiyapusqanta mana saqejqa, mana yachachisqay kayta atinmanchu.

San Juan 6:35

Jesustaj paykunaman nerqa: Noqa kausay t'anta kani; noqaman jamojqa mana jayk'ajpis yarqhachikonqachu; noqapi creejtaj, ni jayk'aj ch'akichikonqachu.

Romanos 15:4

Ñaupajta escribisqas karqanku chaykunaqa, yachachinawanchejpaj escribisqas karqanku; Escriturapi pacienciakuspa sonqochakuspataj suyayniyoj kananchejpaj.

Colosenses 2:3

Cristopi yachaypa, yuyaypatawan qhapaj kaynin pakasqa kashan.

Colosenses 3:16

Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

Hebreos 10:34

Presosta khuyarqankichej, kapuyniykichejta suwajtinkupis kusiywan aparqankichej, yachaspa qankunapaj aswan sumaj chayaqe kasqanta janaj pachapi, mana jayk'aj tukukuyniyoj.

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.