San Mateo 10:26 - Qheshwa Biblia DC

²⁶ Chayrayku, ama paykunata manchachikuychejchu. Mana imapis qhatasqaqa kanchu, mana sut'inchakojqa; nitaj pakaypi kajpis mana yachakojqa.

DIOSPA QHELQACHISQAN DEUTEROCANONICAL

²⁶ Jesús nillarqataj: Chayrayku, ama runakunata manchachikuychejchu. Tukuy pakasqa kajpis, jinallataj mana sut'inchasqa kajpis sut'inchakonqapuni.

DIOSPA QHELQACHISQ

²⁶ Jesús nillarqataj: Chayrayku, ama runakunata manchachikuychejchu. Tukuy pakasqa kajpis, jinallataj mana sut'inchasqa kajpis sut'inchakonqapuni.

Quechua South Bolivia: Dios Parlapawanchej

²⁶ ‘Runataka ama manchachicuychejchu. Arí, tucuy sumaj khataska cajpis k'ala khataraska canka. Tucuy pacaska cajpis sut'inchaska callankataj.

San Mateo 10:26 Iomraidhean Croise

Proverbios 10:9

Pichus allinta purejqa ni imamanta manchachikunchu; pichus sajrata ruwajqa, sajrallapitaj tukukonqa.

Proverbios 28:1

Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

Eclesiastés 12:14

Diosqa tukuy ima ruwasqasninchejmanta cuentata mañawasunchej, pakasqa kajmanta, sut'ipi kajmanta, allin kajmantapis, mana allin kajmantapis.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Jeremías 1:8

Ama pitapis manchachikuychu. Noqaqa qanwan kasaj waqaychanasuypaj. Noqa Señor chayta nini.

Ezequiel 2:6

Qanqa runa, paykunamanta ama manchachikuychu imata nisojtinkupis, khishkas chaupipi jina tarikuspapis; chayri atoj atoj chaupipi jina kashaspapis. Amapuni paykunaj parlasqankumanta manchachikuychu, amataj kharkaychu paykunaj ñaupaqenkupi, imaraykuchus contraypi oqharikoj ayllumin.

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

Marcos 4:22

Imallapis pakaypi kajqa, sut'inchakonqa; jinallataj mana ima pakasqapis kanmanchu mana sut'inchakojqa.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

San Lucas 8:17

Mana imapis pakasqa kanchu mana rikuchikojqa; nitaj pakasqallapuni kayta atinchu mana yachakoj, nitaj sut'inchakojqa.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

Hechos 4:13

Paykunaqa mayta t'ukuspa, qhawarqanku Pedrota Juantawan mana manchachikuspa parlajta, astawanqa yachaspa mana yachakuyniyoj runaslla kasqankuta. Rejserqankutaj kay runasqa Jesuswan khuska purisqankuta.

Hechos 4:19

Pedrowan Juanwantaj, paykunaman kuticherqanku: Qankuna unanchaychej Diospa ñaupaqempi imachus cheqan kasqanta. Allinchu kanman qankunataraj ñaupajta kasunayku, chayrí Diostachu?

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

1 Pedro 3:14

Cheqanta kausaspachus imallatapis ñak'arinkichej chayqa, kusikuyniyojmin kankichej. Chayrayku, ama kharkatitispa paykunata manchachikuychejchu, nitaj musphaykachaychejchu.