San Mateo 1:21 - Qheshwa Biblia DC

²¹ Mariataj uj qhari wawata nacichikonqa, sutichankitaj Jesús sutiwan; imaraykuchus pay ayllunta salvanqa juchasninmanta.

DIOSPA QHELQACHISQAN DEUTEROCANONICAL

²¹ Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

DIOSPA QHELQACHISQ

²¹ Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

Quechua South Bolivia: Dios Parlapawanchej

²¹ Mariaka uj khari wawata onkoconka. Paytajmin wiñaspa paypa cajcunanta juchamanta cacharichenka. Chayraycu Jesusta sutichanqui.

San Mateo 1:21 Iomraidhean Croise

Génesis 17:19

Diostaj kuticherqa: Chay tukuywampis warmiyki Sara wawayoj kapusonqa, chay wawaykitataj sutichanki Isaacta. Paywan tratoyta wiñaypaj sayachisaj, jinallataj mirayninmampis.

Génesis 17:21

Tratoytaqa Isaacwan ruwasajpuni, warmiyki Saraqa wawata onqopusonqa uj watamantawan, chaywan.

Génesis 18:10

Ujnin kaj nerqa: Watapaj kutimuspa watukusqayki, chaypaj warmiyki Sara wawayojña kanqa. Jinata nishajtintaj Saraqa Abrahampa wasanmanta toldo punkumanta uyarimusharqa.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Mateo 1:25

María warminwanqa, manaraj casado jinachu tiyakusharqa wawata nacichikunankama; paytaj wawataqa Jesús sutiwan suticharqa.

San Lucas 1:13

Chantá angeltaj payman nerqa: Ama mancharikuychu Zacarías. Mañakusqaykita Dios uyarinña, warmiyki Isabel wawayoj kanqa, paytataj Juanta sutichanki.

San Lucas 1:31

Kunanqa wijsayoj rikhurinki. Nacichikunki uj qhari wawata, Jesustataj sutichanki.

San Lucas 2:11

Kunan qankunapaj nacikun Davidpa llajtampi uj Salvador. Chayqa Cristo Señor.

San Lucas 2:21

Pusaj p'unchayninmantaj wawata circuncidarqanku, suticharqankutaj Jesusta, manaraj María wijsayoj kashajtin, angelpa nisqanman jina.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

San Juan 4:42

Warmimantaj nerqanku: Kunanqa creeyku mana qan willawasqaykuraykullachu. Noqayku kikiyku uyariyku yachaykutaj cheqamanta payqa kay mundota Salvaj Cristo kasqanta.

Hechos 13:23

Davidpa mirayninmanta nisqanman jina Dios jataricherqa Jesusta, Israelpa Salvajnin kanampaj.

Hechos 3:26

Chayrayku Diosqa kamachinta kausarichimuspa, qankunamanraj ñaupajta kachamorqa, bendicisqa kanaykichejpaj, maypachachus sajra kausayniykichejta saqespa Diosman kutirejtiykichej.

Hechos 4:12

Salvacionqa Jesucristollapi tarikun. Kay pachapi mana waj suti runasman qosqa kanchu, mayqempichus salvasqas kananchejpaj.

Hechos 5:31

Diostaj atiyninwan Jesusta jatunman churarqa, kamachinampaj, salvanampajtaj. Diosqa munarqa Israel runakuna juchasninkuta saqespa Diosman kutirinankuta, juchasninku pampachasqa kanampaj.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Juan 3:5

Yachankichej jina, Jesucristoqa jamorqa juchasninchejta chinkachinampaj; manataj paypeqa ni ima jucha kanchu.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Jueces 13:3

Señorpa angelnin payman rikhurispa nerqa: Qanqa mana jayk'ajpis wawayojchu karqanki, kunanrí wijsallisqa rikhurinki, qhari wawatataj nacechikunki.

1 Samuel 1:20

Ajinamanta Anaqa wijsallisqa rikhurerqa. Nacechikunan tiempo chayamojtinñataj, uj qhari wawata nacechikorqa, suticharqataj Samuelta, nerqataj: Kaytaqa Señormanta mañakorqani, nispa.