San Lucas 7:12 - Qheshwa Biblia DC

¹² Llajta qayllapitaj tinkorqa uj wañusqata p'ampaj apashajkunawan. Ayaqa, viudaj uj k'ata wawan karqa. Ashkha runastaj llajtamanta paywan risharqanku.

DIOSPA QHELQACHISQAN DEUTEROCANONICAL

¹² Llajta qayllapitaj Jesús tinkukorqa uj wañusqata p'ampaj apashajkunawan. Chay wañusqaqa warmisapaj uj k'ata churin karqa. Ashkha runataj llajtamanta chay warmiwan risharqanku.

DIOSPA QHELQACHISQ

¹² Llajta qayllapitaj Jesús tinkukorqa uj wañusqata p'ampaj apashajkunawan. Chay wañusqaqa warmisapaj uj k'ata churin karqa. Ashkha runataj llajtamanta chay warmiwan risharqanku.

Quechua South Bolivia: Dios Parlapawanchej

¹² Jesús llajta puncuman chayamushajtin, runas uj joven ayata llajta jawaman p'ampaj apasharkancu. Payka mamanpa sapan c'ata wawan carka. Mamantaj viuda carka. Ashqha runas viudawan risharkancu llajtamanta.

San Lucas 7:12 Iomraidhean Croise

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

2 Samuel 14:7

Kunantaj tukuy ayllusniy contraypi oqhariykukunku, munankutaj noqa jaywanayta chay pichus hermanonta wañuchejta, vengakuspa wañuchinankupaj, pay sapallan herenciata jap'inan kasqanrayku. Jinamanta thasnonqanku chay k'ata nina brasayta, qosaytaj mana piniyojta saqenankupaj manaña pi sutinta kay pachapi apanampaj.

1 Reyes 17:12

Paytaj kutichispa nerqa: Señor Diosniykipis yachan, mana chayasqa t'antay kanchu; uj chhika jak'ullay tiyapuwan uj wich'ipi, uj yurupi uj chhika aceitepiwan; kunantaj uj iskay llant'ata pallakusharqani, yaykuspataj noqapaj wawaypajwan ruwarqonaypaj, chayta mikhuykuspataj yarqhaywanchá wañupusqayku.

1 Reyes 17:18

Paytaj Eliasman nerqa: Diospa runan, ima ruwanay tiyan noqa qanwanri? Juchasniymanta yuyarichiwajchu kayman jamunki, wawaytapis wañuchej?

1 Reyes 17:23

Chanta Eliastaj chay wawata uraykuchimorqa mamampa chayman, jaywaporqataj: Qhaway, wawaykeqa kausashan, nispa.

2 Reyes 4:16

Eliseotaj warmiman nerqa: Wata kunan jina, wawata ichuykachashanki, nispa. Paytaj kuticherqa: Ama, Diospa runan, wiraqochíy, kay kamachiykita ajinata ch'aukiyaychu, nispa.

2 Reyes 4:20

Paytaj pusamuspa mamanman pusarqa. Mamantaj arphin patapi ichuykacharqa khuskan p'unchaykama, wawataj wañuporqa.

Job 29:13

Pichus chinkapunampaj jinaña kasharqa chay runa agradecekuwarqa, viudasqa paykunata yanapajtiy mayta kusikorqanku.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

San Lucas 7:11

Chaymanta Jesús risharqa Naín llajtaman; yachachisqasnintaj ashkha runas ima paywan risharqanku.

San Lucas 7:13

Señortaj viudata waqashajta rikuspa, khuyaspataj, nerqa: Ama waqaychu.

San Lucas 8:42

Uj k'ata ususin, chunka iskayniyoj watayoj jina, wañunayasharqaña. Rishajtintaj, runasqa maytapuni k'iskikorqanku.

San Lucas 8:52

Tukuyninkutaj uj phutiyta waqasharqanku sipasmanta. Jesustaj nerqa paykunaman: Ama waqaychejchu, manamin wañunchu, puñushallan, nispa.

San Juan 11:19

Ashkha judiostaj jamusqanku Martata, Mariatawan watukoj, turan wañusqanrayku, paykunata sonqochayta munaspa.

Hechos 9:39

Pedrotaj paykunaman rerqa. Jopeman chayajtinkutaj viudas altopataman wicharicherqanku, viudastaj waqaspa rikucherqanku p'achasta, almillasta ima Dorcaspa ruwasqasninta paykunawan kashaspa.

Hechos 9:41

Pedrotaj makinmanta aysarispa sayaricherqa. Chaymantataj creejkunata, viudastawan wajyaspa, Dorcasta kausashajta paykunaman rikucherqa.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.