San Lucas 6:20 - Qheshwa Biblia DC

²⁰ Chantá Jesús yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.

DIOSPA QHELQACHISQAN DEUTEROCANONICAL

²⁰ Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

DIOSPA QHELQACHISQ

²⁰ Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

Quechua South Bolivia: Dios Parlapawanchej

²⁰ Jesús yachacojcunanta sumajta khawarispa nerka: —Mayta cusicuychej, kancuna, wajcha runas. Imaraycuchus Dios kancunata munacuywan camachin.

San Lucas 6:20 Iomraidhean Croise

Salmos 37:16

Cheqan runaj pisi kapuynenqa, aswan allin, qhapaj sajra runaj ashkha kapuyninmanta nisqaqa.

Proverbios 16:19

Wajchaswan llamp'u sonqowan tukunaqa aswan allinmin, runaykachajkunawan qhapajyanamanta nisqaqa.

Proverbios 19:1

Cheqanta kausakoj wajcha runaqa aswan allin, pipajpis rimaj wampu runamanta nisqaqa.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Sofonías 3:12

Noqa saqesaj qankuna ukhupi llamp'u sonqoyoj runasta, pisi kapuyniyoj runastapis. Paykunataj sutiypi confianzankuta churanqanku.

Zacarías 11:11

Chay p'unchaypi chay trato p'akisqa karqa. Chay ovejasta rantikojkunaqa, noqata rikuwajkunataj ruwasqasniynejta, Dios parlasqanta repararqanku.

San Mateo 11:5

Ciegos rikunku, cojos puririnku, lepra onqoyniyojkuna llimphuchasqas kanku, lojt'us uyarinku, wañusqas kausarinku, wajchasmampis evangelio willakun.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 5:1

Jesús ashkha runasta rikuspa orqoman wicharerqa. Chaypi tiyaykukojtintaj yachachisqasnin payman qayllaykorqanku.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

San Lucas 13:28

Chaypimá waqayqa, kiru k'arukuypis kanqa. Chaypacha rikunkichej Abrahamta, Isaacta, Jacobta, tukuy profetastawan Diospa reinompi; qankunataj t'aqasqas qhepakunkichej.

San Lucas 14:15

Kayta uyarispa mesaman tiyaykojkunamanta ujnin kaj nerqa Jesusman: Kusikuyniyoj kanqa Diospa reinompi mikhojqa.

San Lucas 16:25

Abrahamtaj nerqa: Yuyarikuy wawáy, kausashaspa allin imasta jap'isqaykita. Lazarorí mana walejpichu karqa. Chaynejta kunanqa sonqochasqa kashan, qantaj ñak'arishanki.

San Lucas 4:18

Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

2 Corintios 6:10

Llakisqas jina kayku, chaywampis kusisqaspuni; wajchas jina kayku. Chaywampis ashkhasta qhapajyachiyku. Mana kapuyniyoj jina kashajtiykupis, astawan tukuy ima kapuwayku.

2 Corintios 8:2

May phutiykunapi kashajtinku, may kusikuyniyoj karqanku; wajchas kashaspapis qorqanku tukuy sonqo, qhapajyarqankutaj sumaj sonqowan qosqankurayku.

2 Corintios 8:9

Ña rejsinkichejña Señorninchej Jesucristoj khuyakuyninta. Qhapaj kashaspa qankunata munakuspa wajchaman tukorqa. Chay wajcha kayninwantaj qankunata qhapajyachisorqachej.

1 Tesalonicenses 1:6

Qankunataj noqaykumanta, Señormantapis yachakorqankichej ancha llakiypi. Santo Espíritoj kusikuyninwantaj Diospa palabranta jap'erqankichej.

2 Tesalonicenses 1:5

Kay imasqa Diospa cheqan juicionta rikuchishanku; qankunarí, chay Diospa kamachiynimpaj ajllasqas kankichej. Chayrayku kay jinata ñak'arishankichej.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Apocalipsis 2:9

Rejsini llakiyniykita, pisipasqa kasqaykitapis. Chaywampis qhapaj kanki. Yachani qampaj sajrata rimasqankuta judíos kayku nikojkuna. Paykunaqa mana judioschu, astawanqa Satanaspa tantakuna wasi kanku.

1 Samuel 2:8

Dioslla wajchastaqa pampamanta oqharin, mañakoj runatapis q'opamantaña orqhomun, wiraqochi runastawan tiyaykuchinampaj, uj sumajpaj qhawasqa tiyanasta qonampaj, imaraykuchus Señorllamin dueñoqa, kay jallp'aj ura chukusninmanta, chaykunamantaj kay pachata churaykorqa.