San Lucas 24:29 - Qheshwa Biblia DC

²⁹ Paykunataj jark'arqanku Jesusta: Qhepakuy ari noqaykuwan, intipis yaykushanña, ch'isiyamonqaña, nispa. Jesustaj yaykuspa paykunawan qhepakorqa.

DIOSPA QHELQACHISQAN DEUTEROCANONICAL

²⁹ Paykunatajrí Jesusta jark'arqanku: Noqaykuwan qheparikuy ari. Intipis yaykushanña, ch'isiyamonqañataj, nispa. Jesustaj paykunawan khuska wasinkuman rerqa.

DIOSPA QHELQACHISQ

²⁹ Paykunatajrí Jesusta jark'arqanku: Noqaykuwan qheparikuy ari. Intipis yaykushanña, ch'isiyamonqañataj, nispa. Jesustaj paykunawan khuska wasinkuman rerqa.

Quechua South Bolivia: Dios Parlapawanchej

²⁹ Paycunataj jarc'arkancu: —Nokaycuwan khepacuy ch'isiyaycushaskanraycu, —nispa. Jesustaj wasiman yaycorka paycunawan khepacoj.

San Lucas 24:29 Iomraidhean Croise

Génesis 19:3

Chaywampis Lotqa nillarqapuni qhepakunankuta. Paykunataj yasta nispa paywan wasinman rerqanku. Wasinman chayaspataj Lotqa sumaj mikhunata wayk'uporqa, jinallataj ruwaporqa mana levadurayoj t'antata, paykunataj mikhorqanku.

2 Reyes 4:8

Uj p'unchay Eliseoqa Sunem llajtanejta pasasharqa. Chaypitaj uj qhapaj warmi tiyakorqa, paytataj wasimpi mikhunampaj sapa kuti wajyaj. Chanta Eliseoqa sapa kuti chay llajtaman rispaqa, chay warmej wasinmampuni mikhoj rej.

San Lucas 14:23

Chantataj patrón nerqa: Jina kajtenqa, riy tukuy chaki ñankunasman, jatun ñankunaman ima, usqhay usqhaytataj pusaramuy wajkunata, wasiy junt'a kanampaj.

San Lucas 24:28

Mayqen llajtamanchus risharqanku chayman chayaspataj, Jesusqa aswan karuman rej tukorqa.

San Lucas 24:30

Ajinataj karqa, Jesusqa paykunawan mesapi kashaspa t'antata oqharispa, graciasta qospataj, partiytawan paykunaman jaywarqa.

Hechos 16:14

Ujnin warmitaj Lidia sutiyoj karqa, Tiatira llajtamanta. Payqa qhatoj may sumaj puka kulli generosta, Diostataj yupaychaj. Señortaj Lidiaj sonqonta kicharerqa, Pabloj nisqanta uyarinampaj.