San Lucas 22:32 - Qheshwa Biblia DC

³² Noqataj mañakuni feniyki ama pisiyanampaj. Qantaj noqaman kutirimuspa kallpachay wauqesniykita.

DIOSPA QHELQACHISQAN DEUTEROCANONICAL

³² Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

DIOSPA QHELQACHISQ

³² Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

Quechua South Bolivia: Dios Parlapawanchej

³² Nokari kanpaj Diosmanta mañaporkayqui, Diospi jap'icuyniyqui ama chincapunanpaj. Nokaman cutiricamuskayquimanta cay hermanosniyquita sonkoncupi callpachanqui, —nispa.

San Lucas 22:32 Iomraidhean Croise

San Mateo 26:75

Chantá Pedro yuyarikorqa Jesús nisqanmanta: Manaraj gallo waqayta, kinsa kutita, mana rejsinichu niwanki. Jawaman llojsispataj sonqo nanayta waqarqa.

Marcos 14:72

Chantá ujtawan gallo waqallarqataj; Pedrotaj chayta uyarispa Jesuspa nisqanmanta yuyarikorqa: Manaraj iskay kutita gallo waqashajtin, qanqa kinsa kutita ninki mana rejsiwasqaykita. Kayta yuyarispataj Pedroqa waqarqa.

Marcos 16:7

Kunanqa rispa willamuychej yachachisqasninman, Pedroman ima. Jesusqa ñaupaqeykichejta Galileaman rishan, chaypitaj payta rikunkichej, nisqanman jina.

San Lucas 8:13

Rumiraraman urmaj mujustaj, rijch'akunku uyarejkunaman; chaykunataj Diospa palabranta kusiywan jap'inku. Paykunataj mana allin saphichasqa kasqankurayku, pisi tiempollata creenku; phutiy jamojtintaj ithirikapunku.

San Juan 14:19

Uj chhikamantawan mundoqa mana rikuwanqañachu; qankunarí rikuwankichej. Noqa kausasqayrayku, qankunapis kausankichej.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

Romanos 8:34

Pitaj juchachanmanri? Chaypajqa Cristo wañorqaña, wañusqasmantapis kausarimorqa; kunantaj Diospa pañampi kashan noqanchejpaj mañaspa.

2 Timoteo 2:18

Paykunaqa cheqa kajmanta t'aqakuspa, yachachinku kausarimoyqa ña ruwasqaña kasqanta. Ajinapi wakinkunaj creesqankuta pantachinku.

Tito 1:1

Noqa Pablo, Diospa kamachin, Jesucristoj apostolnintaj kani; Diospa ajllasqasninta creeyman pusanaypaj, cheqa kajtataj rejsinankupaj, Diosta yupaychana kasqanman jina.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

1 Pedro 1:1

Noqa Pedro, Jesucristoj apostolnin kani. Kay cartata escribimuni llajtasninkumanta qharqosqas ch'eqerasqasman; pikunachus tiyakunku Pontopi, Galaciapi, Capadociapi, Asiapi, Bitiniapi ima chaykunaman.

1 Pedro 1:13

Chayrayku, allinta yuyayniykichejta wakichiychej, maychus kajtataj kausakuychej. Tukuy suyayniykichejtataj churaychej chay khuyakuypi; mayqentachus Dios Tata qosonqachej, Jesucristoj rikhurimuynimpi.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.

2 Pedro 3:14

Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj.

1 Juan 2:19

Chay runasqa noqanchej ukhumanta llojserqanku. Chaywampis mana noqanchejmantachu karqanku. Noqanchejmantachus kankuman karqa chayqa, paykunaqa noqanchejwan qhepakunkuman karqa. Ajinamanta rejsichikunku, mana tukuyninchu noqanchejmanta kasqankuta.