San Lucas 22:18 - Qheshwa Biblia DC

¹⁸ Nillaykichejtaj manaña ujtawan ujyasajchu uvas poqoymanta, Diospa reinon chayamunankama.

DIOSPA QHELQACHISQAN DEUTEROCANONICAL

¹⁸ Nillaykichejtaj: Manaña uva poqoymanta ujtawan ujyasajchu Dios kamachiyta qallarinankama, nispa.

DIOSPA QHELQACHISQ

¹⁸ Nillaykichejtaj: Manaña uva poqoymanta ujtawan ujyasajchu Dios kamachiyta qallarinankama, nispa.

Quechua South Bolivia: Dios Parlapawanchej

¹⁸ Niyquichej: Cunanmantapachaka cay uvasmanta ruwaskata manaña ujyasajchu Dios tucuyta camachejtin, chay p'unchaycama, —nispa.

San Lucas 22:18 Iomraidhean Croise

Salmos 104:15

vinota sonqonta kusichinampaj, aceiteta uyanta lliphipichinampaj, t'antatarí kallpachakunampaj.

TAKIYKUNA 5:1

Noqa huertayman yaykuniña, hermanitáy, noviáy. Noqaqa mirraytawan, sumajta q'apashaj jawinasniytawan jap'ikapuniña. Panalniypa, misk'intapis mikhuniña. Vinoytawan, lecheytawampis ujyaniña. Munasqa kausaqesníy, mikhurikuychej, ujyarikuychej sajsanaykichejkama.

Isaías 25:6

Tukuy Atiyniyoj Señorqa Sión orqopi tukuy llajtaspa uj jatun mikhunata ruwanqa, misk'i mikhuykunawan sumaj kaj vinosta ujyachenqa. Chantá sumaj kaj aycha kankasta mikhuchenqa, sumaj allin kaj ch'uwachasqa kaj vinostawan ujyachenqa.

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Zacarías 9:15

Tukuy Atiyniyoj Señor waqaychanqa tukuy paypata kajkunata, wawasninrí warak'ajkunaspa rumisninkuta saruraspa phiriranqanku chay enemigosninkutataj oqoykonqanku.

Zacarías 9:17

May walej, may k'achitupunitaj kanqa chay jallp'ankoqa! May chhika trigo poqojtin, vinopis ch'irwakojtenqa; wayna wawasninchej sipaskunasninchejpis k'achitus wiñarenqanku.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.

San Mateo 26:29

Kayta niykichej: Kunanmantaqa manaña ujyasajchu kay uvas sach'aj poqoyninmanta vinota; Tataypa reinompi mosoj vinota qankunawan ujyanaykama.

Marcos 14:23

Copata oqharispataj, Diosman graciasta qorqa, paykunamantaj jaywarqa; tukuyninkutaj copamanta ujyarqanku.

Marcos 14:25

Cheqamanta niykichej, manaña jayk'ajpis uvas sach'aj poqoyninmanta ujyasajchu; Diospa reinompi watejmanta ujyanaykama.

Marcos 15:23

Jesusmantaj qorqanku vinota, mirrawan chajrusqata. Paytaj mana munarqachu ujyayta.

Marcos 9:1

Chaymanta Jesús nillarqataj: Sut'inta niykichej. Wakin kaypi kajkunamanta mana wañuyta rikonqankuchu, Diospa reinonta manchay atiywan jamushajta rikunankukama.

San Lucas 21:31

Jinallatataj qankunapis, kay tukuy imasta rikuspa, yachaychej Diospa reinon qayllapiña kasqanta.

San Lucas 22:16

Noqaqa niykichej, manaña ujtawan Pascuata qankunawan mikhusajñachu, kay mundopi Diospa reinon junt'akunankama.

San Lucas 9:27

Cheqamanta niykichej: Kaypi kajkunamanta wakenqa mana wañonqankuchu, Diospa reinonta rikunankukama.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

Jueces 9:13

Uvas sach'aqa manallataj munarqachu, nerqataj: Rey kanaypajqa saqenaychá kanman vinota poqoyta. Chaywan kusichini runasta jinataj Diostapis.