San Lucas 18:23 - Qheshwa Biblia DC

²³ Kayta uyarispataj runaqa mayta llakikorqa, imaraykuchus ancha qhapaj karqa.

DIOSPA QHELQACHISQAN DEUTEROCANONICAL

²³ Chayta uyarispa, runaqa mayta llakikorqa, may jina qhapaj kasqanrayku.

DIOSPA QHELQACHISQ

²³ Chayta uyarispa, runaqa mayta llakikorqa, may jina qhapaj kasqanrayku.

Quechua South Bolivia: Dios Parlapawanchej

²³ Camachejrí uyarispaka mayta phuticorka may khapaj caskanraycu.

San Lucas 18:23 Iomraidhean Croise

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

San Mateo 19:22

Waynataj chay nisqanta uyarispa, llakisqa riporqa, imaraykuchus, payqa ashkha jallp'asniyoj karqa.

Marcos 10:22

Kayta uyarispataj chay runaqa, phutisqa, llakisqataj riporqa; imaraykuchus payqa ashkha kapuyniyoj karqa.

San Lucas 12:15

Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

San Lucas 18:22

Chayta uyarispataj Jesusqa payman nerqa: Chaywampis, uj imataraj ruwanayki tiyan: Vendemuy tukuy kapuyniykita, wajchasmantaj qomuy. Chantaqa kapuyniyoj kanki janaj pachapi. Chaymantaraj jamuy, qhatiwaytaj.

San Lucas 18:24

Runata llakisqata rikuspataj nerqa: Qhapajkunaqa ñak'ayllata Diospa reinonman yaykonqanku.

San Lucas 19:8

Chantá Zaqueoqa, sayaykukuspa Señorman nerqa: Señor, tukuy kapuwasqanta qosaj khuskanninta wajchasman. Pimantachus ch'aukiyaspa imatapis suwarqani chayqa, tawa jinatawan kutichipusaj.

San Lucas 21:34

Qhawarikuychej, pajtataj sonqoykichej atipachikunman mikhunawan, machaykuywan, kay mundoj kusiyninwan ima. Jinallapitaj juicio p'unchay taripasunkichejman.

San Lucas 8:14

Khishkas ukhuman urmajtaj, Diospa palabranta uyarejkunawan ninakun; paykunaqa kay pacha imaswan, qhapaj kaykunaswan, aychankoj munayninwan ima atipachikunku; chayraykutaj poqoyta mana apankuchu.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

Filipenses 3:8

Cheqamanta tukuy imata chinkasqasta jina qhawani Señor Jesucristota allinta rejsisqayrayku. Paypa munakuyninraykutaj tukuy imata saqepuni. Chaykunataqa q'opata jina qhawani, Cristojta kanaypaj.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

1 Juan 2:15

Ama mundota munakuychejchu, nitaj mundopi kaj imastapis. Pillapis mundota munakun chayqa, Dios Tataj munakuynenqa mana paypichu kashan.