San Lucas 18:13 - Qheshwa Biblia DC

¹³ Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

DIOSPA QHELQACHISQAN DEUTEROCANONICAL

¹³ Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

DIOSPA QHELQACHISQ

¹³ Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

Quechua South Bolivia: Dios Parlapawanchej

¹³ Cay impuesto jap'ej runarí carullapi sayaricorka. Manchachicuskanraycu janaj pachata mana khawarillarkapischu. Astawanpis phutiywan pechonta tacacushaspa nerka: “Diosníy, qhuyacuwaspa juchasniyta khechupuway. Tucuy runas yachancu juchayoj caskayta”, nispa.

San Lucas 18:13 Iomraidhean Croise

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

2 Crónicas 33:23

Manataj Señorpa ñaupaqempeqa k'umuykukorqachu imaynatachus tatan Manasés k'umuykukorqa jinataqa, manachayqa aswan juchasta yapaykukorqa.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Salmos 106:6

Noqaykupis tatasniyku jina juchallikorqayku, sajrasman tukorqayku, millay kajtataj ruwarqayku.

Salmos 119:41

Señor, khuyakuyniykita rikuchiway, salvacionniykitawan nisqaykiman jina.

Salmos 130:7

Imaynatachus qhawasiris sut'iyamunanta suyanku, ajinata Israelqa Señorta suyan. Paypi munakuy, salvaciompis tiyan.

Salmos 25:11

Jatun sutiykirayku Señor, jatun juchayta pampachapuway.

Salmos 25:7

Wayna kashaspa juchallikusqasniymanta ama yuyarikuychu, nitaj contraykipi oqharikusqasniymantapis. Señor, uj jatun munakuyniykiman jina, k'acha kayniykiman jinataj noqamanta yuyarikuy.

Salmos 40:12

Chay chhika llakiykuna qhatiriwan. Willakunaypaj ni yupaytapis atinichu, sajra ruwasqasniy ch'ipaykuspa urmachiwanku. Niña qhawaytapis atiniñachu. Juchasneyqa chujchasniymantapis aswan jatun. Chaytaj kallpayta wañuchin.

Salmos 41:4

Noqa nerqani: Señor khuyakuway, thañichiway, contraykipi juchallejtiypis.

Éxodo 33:10

Tukuynin israelitastaj, Dioswan tinkukuna punkuman phuyu uraykamojtinkama, tukuyninku jarasninku punkuspi k'umuykukoj kanku, yupaychaspa.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Ezequiel 16:63

Qantaj yuyarikuspa may chhikata p'enqakunki, k'umuykunkitaj, simiykitapis mana ujtawan kicharinkichu, maypachachus noqa tukuy ima ruwasqasniykimanta perdonasqayki chaypacha. Noqa Señor chaytaqa nini.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

San Mateo 6:5

Diosmanta mañakuspaqa, ama puraj uyas jina kaychejchu. Paykunaqa sayaykukuspa Diosmanta mañakunku, sinagogaspi, plaza esquinaspi ima, runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Mateo 9:13

Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.

Marcos 11:25

Diosmanta mañakushaspa, piwampis phiñanasqa kaspaqa, allinyakapuy; ajinamanta, janaj pachapi kaj Tataykichejpis juchasniykichejta pampachanqa. [

San Lucas 17:12

Uj ranchoman qayllaykushajtintaj, chunka runas lepra onqoyniyoj payta taripaj llojsimorqanku. Paykunataj karullapi sayaykukorqanku.

San Lucas 22:41

Paykunamantataj karunchakorqa, uj rumi choqayman jina; qonqoriykukuspataj mañakorqa: Tatáy, munanki chayqa, kay ñak'arinaymanta jark'away; chaywampis, ama noqaj munasqaychu ruwakuchun, manachayqa qampallata. [

San Lucas 23:48

Tukuy runas chaypi kajkunataj, chayta rikuspa, riporqanku pechonkuta takakuspa.

San Lucas 5:8

Chayta rikuspa Simón Pedroqa, Jesusman qonqoriykukuspa nerqa: Señor ithirikuy noqamanta, imaraykuchus juchasapa runa kani, nispa.

Hechos 2:37

Chayta uyarispataj, maytapuni sonqo nanayta phutikorqanku. Pedroman wakin apostolesmanwan nerqanku: Kunanqa, wauqes, imatataj ruwasqaykuri?, nispa.

Romanos 5:8

Chay tukuywampis Dios munakuyninta rikuchiwanchej, juchasapasllaraj kashajtinchej, Cristoqa wañorqaña noqanchejrayku.

2 Corintios 7:11

Kay llakiyta jap'erqankichej Diospa munasqanman jina. Qhawaychej mashkha phutichikuytachus apamusunkichej: Kutichikuyta, phiñakuyta, mancharikuyta, k'ajaj munakuyta, atipanakuyta, jasut'iyta ima; chay tukuypi rikusqas kankichej mana juchayoj llimphus.

1 Timoteo 1:15

Kay palabraqa cheqamin, allintaj tukuy jap'inankupaj; Cristo Jesús kay pachaman jamorqa juchasapasta salvanampaj; chay juchasapasmantataj noqa aswan kuraj kani.

Hebreos 4:16

Mana manchachikuspa ari, yanapaynimpaj tiyakunanman qayllaykuna, khuyakuyninta jap'inanchejpaj, yanapayninta tarinanchejpajtaj maychus tiempompi.

Hebreos 8:12

Mana allin ruwasqasninkumanta khuyasaj, juchasninkumantapis manaña astawan yuyarikusajchu.