San Lucas 16:11 - Qheshwa Biblia DC

¹¹ Sichus kay juchallikoj mundoj kapuyninwan mana allintachu ruwankichej chayqa, pitaj cheqa kajta qosunkichejman?

DIOSPA QHELQACHISQAN DEUTEROCANONICAL

¹¹ Jinallataj sichus kay pachapi kapuyniykichejwan mana allinta ruwankichej chayqa, pitaj aswan valorniyoj janaj pachaj qhapaj kayninta qosunkichejmanri?

DIOSPA QHELQACHISQ

¹¹ Jinallataj sichus kay pachapi kapuyniykichejwan mana allinta ruwankichej chayqa, pitaj aswan valorniyoj janaj pachaj qhapaj kayninta qosunkichejmanri?

Quechua South Bolivia: Dios Parlapawanchej

¹¹ Cay pachapi kolkewan mana chekanta ruwajtaka ¿pitaj churanka wiñay capuyta khawananpaj?

San Lucas 16:11 Iomraidhean Croise

San Mateo 6:24

Mana pipis iskay patronespa kamachin kayta atinchu, imaraykuchus ujninta chejnenqa, ujnintataj munakonqa; chayrí, ujninman kutikonqa, ujnintataj qhesachanqa. Mana atinkichejchu ujllapi k'umuykukuyta Diosman qolqemampis.

San Lucas 12:33

Kapuyniykichejta vendeychej, wajchasman rak'inaykichejpaj; chantá ruwakuychej mana thantakoj wayaqata, waqaychaychejtaj kapuyniykichejta janaj pachapi, chaypeqa mana tukukonqachu; maymanchus suwa mana yaykunchu, nitaj thutapis k'utunchu, chayman.

San Lucas 16:12

Manachus wajpata kajwan junt'arqankichej chayqa, pitaj qopusunkichejman qankunajta kajtari?

San Lucas 16:9

Chaynejta, kausaqesta mask'akuychej mana allin kaj qolqewan; chay qolqe tukukojtintaj, wiñay tiyakunasman wajyachikunaykichejpaj.

San Lucas 18:22

Chayta uyarispataj Jesusqa payman nerqa: Chaywampis, uj imataraj ruwanayki tiyan: Vendemuy tukuy kapuyniykita, wajchasmantaj qomuy. Chantaqa kapuyniyoj kanki janaj pachapi. Chaymantaraj jamuy, qhatiwaytaj.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.