San Lucas 12:32 - Qheshwa Biblia DC

³² Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

DIOSPA QHELQACHISQAN DEUTEROCANONICAL

³² Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

DIOSPA QHELQACHISQ

³² Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Quechua South Bolivia: Dios Parlapawanchej

³² Dios Tatayquichejka yuyaskanmanjina munan Camachejniyquichej cayta. Chayraycu ama manchachicuychejchu, juch'uy tropa ovejasníy.

San Lucas 12:32 Iomraidhean Croise

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

San Mateo 14:27

Kikimpachataj Jesús parlapayamuspa nerqa: Kallpachakuychej. Noqa kani, ama mancharikuychejchu!

San Mateo 20:16

Ajinata qhepapi kajkuna ñaupajpi rikhurenqanku. Ñaupajpi kajkunataj qhepapi kanqanku, imaraykuchus wajyasqas ashkha; pisistaj ajllasqasqa kanku.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 7:15

Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku.

San Lucas 10:21

Chay kikimpachataj, Jesusqa Santo Espiritunejta may kusisqa kaspa nerqa: Tatáy, janaj pachajta kay pachajtawan Señornin, yupaychayki kay imasta pakasqaykimanta, yachayniyojkunamanta yuyayniyojkunamantawan; wawasmantaj kay imasmanta willasqaykimanta. Arí Tatáy, ajinata qanqa munarqanki.

San Juan 18:36

Jesús kuticherqa: Reinoyqa mana kay mundomantachu. Reinoychus kay mundomanta kanman karqa chayqa, kamachisniy noqarayku maqanakunkuman judioswan ama jap'ichisqa kanaypaj; kunanrí reinoyqa mana kay mundomantachu.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Hechos 20:29

Noqa yachani ripusqaymanta chaupiykichejman wajkuna phiña atojkuna jina yaykonqanku tropata mana khuyaspa.

Romanos 6:23

Juchaj pagonqa wañuymin, Diospa regalonrí wiñay kausay, Cristo Jesús Señorninchejpi.

1 Corintios 1:21

Diospa yachayninman jina, kay mundoqa Diosta mana rejserqachu, runaj yachayninrayku. Chayrayku Diosmanqa allin rijch'arqa, paypi creejkunata salvayta chay locoyasqa yachachiynejta.

Filipenses 2:13

Diosqa qosunkichej allin munayta, ruwaytataj sumaj munayninman jina.

2 Tesalonicenses 1:11

Chayrayku, mañakuykupuni Diosninchej allimpaj jap'isunaykichejta, wajyayninman jina; junt'anantataj tukuy k'acha munayninta, creespa ruwasqaykichejtapis paypa atiyninwan.

2 Tesalonicenses 1:5

Kay imasqa Diospa cheqan juicionta rikuchishanku; qankunarí, chay Diospa kamachiynimpaj ajllasqas kankichej. Chayrayku kay jinata ñak'arishankichej.

Hebreos 12:28

Chayrayku noqanchejpis mana kuyurej reinota jap'ispaña, graciasta qona, Diostataj yupaychana tukuy sonqo, jatumpitaj payta jap'ina. Chaykunata Diosqa munan.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

2 Pedro 1:11

Chay jinamanta, Señor Jesucristo Salvadorninchejpa wiñay reinonman yaykunaqa allin, sumaj kichasqa qankunapaj kanqa.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.