San Lucas 11:42 - Qheshwa Biblia DC

⁴² Ay, qankunamanta fariseos! Qankunaqa diezmota qonkichej mentamanta, rudamanta, tukuy q'omerkunamantawan; Diospa cheqanchayninta, munakuynintawan qonqapunkichej. Kayta ruwana karqa, mana jaqayta saqespa.

DIOSPA QHELQACHISQAN DEUTEROCANONICAL

⁴² Ay qankunamanta, fariseokuna. Qankuna sapa chunkamanta ujta Diosman qonkichej mentamanta, rudamanta, tukuy q'omerkunamantawan. Chaywanpis mana wajkunapaj cheqan kajta ruwankichejchu nitaj Diosta munakunkichejchu. Chay chunkamanta ujta qonaqa allinpuni. Chaywanpis mana chay waj ruwanata qonqanachu tiyan.

DIOSPA QHELQACHISQ

⁴² Ay qankunamanta, fariseokuna. Qankuna sapa chunkamanta ujta Diosman qonkichej mentamanta, rudamanta, tukuy q'omerkunamantawan. Chaywanpis mana wajkunapaj cheqan kajta ruwankichejchu nitaj Diosta munakunkichejchu. Chay chunkamanta ujta qonaqa allinpuni. Chaywanpis mana chay waj ruwanata qonqanachu tiyan.

Quechua South Bolivia: Dios Parlapawanchej

⁴² ‘¡Phutiy, ari, kancuna fariseospajka! Sapa chuncamanta ujta Diosman koshanquichej. Chayta koshanquichej yerbabuenamanta, rudamanta, chayjina juch'uy imasmantawanpis. Astawanpis runasman chekanta ruwayta Diosta munacuytawan konkapunquichej. Chaycunata ruwanayquichej carka, juch'uy imastapis ama konkaspalla.

San Lucas 11:42 Iomraidhean Croise

Nehemías 10:37

Jinallatataj parlanakorqayku Diosniykoj yupaychana wasimpi jallch'anasninman, sacerdotesman apanaykuta aswan allin kaj jak'usniykuta, poqoj sach'asniykoj poqoykunasninta, vinosniykumanta, jinataj aceiteykumanta aswan allin kajninta. Chanta nillarqaykutaj apanaykuta, levitasman tukuy chajra poqoykunasniykumanta chunkaman t'aqaspa ujnin kaj t'aqata. Paykunapuni tukuy llajtasniykupi chay chunkamanta ujnin t'aqa kajta, chay chajra poqoykunasniykumanta jap'inanku karqa.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Eclesiastés 7:18

Allimpuni kay imasta jap'ikunaykeqa, chay imasmanta mana kacharikunaykipis. Pichus Diosta manchachikuspa kasukojtaqa, tukuy imapi allimpuni renqa.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Malaquías 2:17

Señorqa sayk'usqaña qankunata uyarispa, chaywampis qankuna tapunkichejraj: Imatapunitaj niyku sayk'unampajri noqaykumanta uyarispa? Qankuna ninkichej, mayqellampis sajra imasta ruwajqa Diosta kusichisqanta, paywantaj kusisqalla Dios kakusqanta. Qankuna mana creenkichejchu Diosqa cheqan kasqanta.

Malaquías 3:8

Kayta tapuriykichej: Uj runa Diosmanta suwanmanchuri? Arí, qankuna noqamanta suwawankichej. Chanta tapunkichejraj: Imapi qanmanta suwaykuri?, nispa. Sapa chunkamanta ujta qonawaykichejpi, chanta, ofrendaspiwan suwawankichej.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

San Mateo 23:23

Ay qankunamanta, leymanta yachachejkuna, fariseos puraj uyas! Qankunaqa diezmota qonkichej mentamanta, anismanta, cominomanta ima. Leypi aswan allin kajtataj mana kasunkichejchu: Cheqan kajta, khuyakuyta, creeyta ima. Kaykunata ruwanaykichej karqa, ama chay ujkunata saqespa.

San Mateo 23:27

Ay qankunamanta, leymanta yachachejkuna, fariseos puraj uyas! Qankunaqa yurajchasqas sepulturasman rijch'akunkichej. Chay sepulturasqa jawamanta k'achitus rikukunku. Ukhunkurí aya tullus, tukuy millay asnawan ima, junt'a kashanku.

San Lucas 18:12

Noqaqa semanapi iskay kutita ayunani. Tukuy kapuyniymantataj sapa pachajmanta chunka kajta qoni nispa.

San Juan 5:42

Astawanqa, noqa yachani Diospa munakuynenqa qankunapi mana kasqanta.

1 Juan 4:20

Pillapis Diosta munakuni ninman, wauqentataj chejninman chayqa, llulla runa. Pichus wauqenta rikushaspa, mana munakunchu chayqa, manallataj Diostapis munakuyta atinchu, mayqentachus mana rikunchu.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.