San Lucas 11:34 - Qheshwa Biblia DC

³⁴ Ñaweqata cuerpota k'anchaykun. Ñawiyki allin kajtenqa, tukuy cuerpoykipis k'anchayniyoj kanqa; ñawiyki mana allin kajtinrí, tukuy cuerpoyki laqhapi kanqa.

DIOSPA QHELQACHISQAN DEUTEROCANONICAL

³⁴ Jinallataj ñawiykeqa ukhuykipaj k'anchay jina. Ajinamanta ñawiyki allin kajtenqa, tukuy ukhuykipis k'anchayniyoj kanqa. Ñawiyki mana allin kajtinrí, tukuy ukhuykipis laqhalla kanqa.

DIOSPA QHELQACHISQ

³⁴ Jinallataj ñawiykeqa ukhuykipaj k'anchay jina. Ajinamanta ñawiyki allin kajtenqa, tukuy ukhuykipis k'anchayniyoj kanqa. Ñawiyki mana allin kajtinrí, tukuy ukhuykipis laqhalla kanqa.

Quechua South Bolivia: Dios Parlapawanchej

³⁴ Ñawiyqui c'anchayllawan ricun cuerpopaj. [Ajinallataj sonkoyquipis Diospa c'anchayninwan reparan. Sichus llimphu sonkoyoj canqui chayka, tucuy causayniyqui c'anchayniyojmin. Sajra sonkoyoj canquirí tucuy causayniyqui lakhapachamin.]

San Lucas 11:34 Iomraidhean Croise

Génesis 19:11

Runastataj tukuyninta ciegoyarpacherqanku juch'uy jatunta jawapi kajkunata. Jinamanta runasqa sayk'unankukama punkusta mask'arqanku, imaraykuchus ñawisninku mana rikorqachu.

Salmos 119:18

Ñawisniyta kichariy qhawanaypaj chay jina k'acha kamachisqasniykita.

Salmos 81:12

Chayrayku munasqampi saqerqani; yuyasqankuman jinataj kausarqanku.

Proverbios 21:4

Leqhoywan wapuykachaywan, juchasapaspa sajra unanchayninkuwanqa juchas kanku.

Proverbios 28:22

Mich'a runaqa usqhayllata qhapajyayta munan, manataj yachanchu paypa patanman wajchayay jamunantaqa.

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 42:19

Pitaj ciegori, manachu kamachiy? Pitaj kachasqay runa jina joq'arari? Mana pipis ajllakusqay jina ciegoqa kanchu, nitaj kachasqay Señorpa kamachin jinapis.

Isaías 44:18

Chay runasqa mana yachankuchu, manataj unanchankuchu imatachus ruwashasqankuta, imaraykuchus qhawaykachashaj ciegos kanku, manataj yuyayninkupipis imachus kasqanta jap'inkuchu.

Isaías 5:20

Ay, qankunamanta, mana allin kajta allin ninkichej, allin kajtataj mana allinchu ninkichej; k'anchaytaqa laqhaman tukuchinkichej, laqhatataj k'anchayman; Jaya kajta, misk'i ninkichej, misk'i kajtataj jaya ninkichej.

Isaías 6:10

Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

Jeremías 5:21

Kayta uyariy wampu, rumi sonqo Israel ayllu. Ñawisniyoj kanki, manataj rikunkichu, ningrisniyoj kanki, manataj uyarinkichu.

Marcos 4:12

Chayrayku qhawashaspapis mana rikunkuchu; uyarishaspapis nillataj entiendeyta atinkuchu, chay jawa, ama Diosman kutirinankupaj, nitaj juchasninkupis pampachasqa kanampaj.

Marcos 8:18

Ñawisniyoj kashaspa, manachu rikunkichej? Ningrisniyoj kashaspapis, manallatajchu uyarinkichej?

San Lucas 11:35

Pajtataj qampi kaj k'anchay, laqhaman tukunman.

Hechos 13:11

Kunanqa Señorpa makin pataykipi kanqa, ciegoyanki, nitaj intej k'anchaynintapis unayta rikunkichu. Kikimpachataj Elimas laqhapi, tutayajpitaj rikhurerqa. Muyuykachaspataj mask'arqa pillapis makinmanta pusanampaj.

Hechos 2:46

Templopitaj tukuyninku uj sonqolla, sapa p'unchay tantakojpuni kanku. Wasisninkupipis t'antata partispa, khuska mikhoj kanku, may kusiywan, llamp'u sonqowantaj.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

Efesios 1:17

Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

Efesios 6:5

Kamachis, kay jallp'a patapi uywaqesniykichejta kasuychej, manchachikuywan, kharkatitiywantaj llamp'u sonqolla, Cristota jina.

Colosenses 3:22

Kamachis, kay jallp'api uywaqesniykichejta tukuy imapi kasuychej. Amataj paykunaj rikunallankutachu, imaynatachus wakin runas allimpaj qhawasqa kanankupaj ruwanku jinataqa; astawanqa tukuy sonqowan Diosta manchachikuspa.