San Lucas 11:13 - Qheshwa Biblia DC

¹³ Chayrayku, qankunachus sajra runas kashaspa, allin kajta wawasniykichejman qoyta yachankichej chayqa, mashkhatarajchus janaj pachapi kaj Tataykichejqa Santo Espirituta qonqa mañakojkunaman.

DIOSPA QHELQACHISQAN DEUTEROCANONICAL

¹³ Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

DIOSPA QHELQACHISQ

¹³ Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

Quechua South Bolivia: Dios Parlapawanchej

¹³ Nipunichá. Kancuna tatas, pantaj runas cashaspapis, yachanquichej allin cajta koyta wawasniyquichejman. May astawanraj Dios Tatayquichejka janaj pachamanta Santo Espirituta konka paymanta mañacushajcunaman, —nispa.

San Lucas 11:13 Iomraidhean Croise

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

Salmos 51:5

Paqarikusqaymantapacha sajra kani. Mamaypa wijsanmantapacha sajra kani.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Isaías 49:15

Uj warmeqa wawitanta qonqarparinmanchu? Wijsanmanta llojsej wawanta manachu munakunman? Pay qonqapunman chaypis, noqaqa ni jayk'aj qonqasqaykichu.

Ezequiel 36:27

Espirituyta qosqaykichej. Leyesniyman jina purichisqaykichej, kamachisqasniytataj junt'ankichej.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

San Mateo 5:45

Ajinata ruwaspaqa, janaj pachapi kashaj Tataykichejpa wawasnin kankichej. Payqa, sajra runaspaj, k'acha runaspajpis intita llojsichimun. Kikillantataj parachimun tukuypaj; allin runaspaj, sajra runaspaj ima.

San Mateo 6:14

Chayrayku, runakuna qankunapaj juchallisqankuta perdonankichej chayqa; ajinallatataj, janaj pachapi kashaj Tataykichejpis juchasniykichejta pampachanqa.

San Mateo 6:30

Chay campo qhora, kunan p'unchay kashan, q'ayataj hornoman wijch'usqa; chay qhoratapis Diosqa k'achituta p'achallichin. Pisi feniyoj runas! Manachu qankunapajqa aswan sumajtaraj ruwanman?

San Mateo 6:32

Diosta mana rejsej runasqa, kay imasllata anchata mask'anku. Janaj pacha Dios Tataykichejqa yachanña kay tukuy imamanta pisichikusqaykichejta.

San Mateo 7:11

Sichus qankuna sajra runas kaspa, allin imasta wawasniykichejman qoyta yachankichej chayqa; imaraykutaj mana janaj pachapi kashaj Tataykichej aswan allin imastaraj qonmanchu, paymanta mañakojkunaman?

San Lucas 11:12

Chayrí, runtuta mañajtimpis, atoj atojtachu qonman?

San Lucas 11:2

Jesustaj paykunaman nerqa: Diosmanta mañakuspaqa niychej: [Janaj pachapi kashaj] Tatayku, sutiyki yupaychasqa kachun. Reinoyki jamuchun. [Munayniyki ruwasqa kachun, imaynatachus janaj pachapi, ajinallatataj kay pachapipis.]

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

San Juan 4:10

Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.

Hechos 2:38

Pedrotaj paykunaman nerqa: Diosman kutiriychej sapa ujniykichej; bautizachikuychejtaj Jesuspa sutimpi, juchasniykichej pampachasqas kanampaj. Diostaj Santo Espirituta qhasilla qosonqachej.

Romanos 5:17

Sichus uj runaj juchanrayku wañuy atiyniyoj karqa chayqa, aswan atiyniyojraj kanqanku mosoj kausaypi Jesucristonejta, pikunachus qhasimanta jatun salvacionta jap'inku, cheqan kaypa regalontawan.

Romanos 7:18

Yachani ari cheqa kaj mana noqapi kasqanta, chay niyta munan aychaypi. Cheqa kajta ruwayta munayqa noqapi kashan, manataj atinichu.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.