San Lucas 10:21 - Qheshwa Biblia DC

²¹ Chay kikimpachataj, Jesusqa Santo Espiritunejta may kusisqa kaspa nerqa: Tatáy, janaj pachajta kay pachajtawan Señornin, yupaychayki kay imasta pakasqaykimanta, yachayniyojkunamanta yuyayniyojkunamantawan; wawasmantaj kay imasmanta willasqaykimanta. Arí Tatáy, ajinata qanqa munarqanki.

DIOSPA QHELQACHISQAN DEUTEROCANONICAL

²¹ Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

DIOSPA QHELQACHISQ

²¹ Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

Quechua South Bolivia: Dios Parlapawanchej

²¹ Chay quiquinpacha Santo Espíritu Jesuspa sonkonman jatun cusiywan junt'acherka. Jesustaj nerka: —Tucuy cay pachata janaj pachatawan Camachej Tatáy, agradececuspa yupaychayqui. Imaraycuchus yuyaskayquita pacarkanqui ancha yachayniyoj runasmanta. Chaytarí wawajina llamp'u sonkoyojcunaman sut'incharkanqui. Arí, Tatáy, ajinata ruwaskayquipi cusicunqui, —nispa.

San Lucas 10:21 Iomraidhean Croise

Salmos 24:1

Tukuy jallp'a Señorpata, tukuy ima chaypi kajpis; tukuy kay pachaqa paypata, tukuy ima chaypi kajkunapis.

Salmos 25:14

Señorqa payta manchachikojkunawan khuska kausakun, tratontataj rejsichenqa.

Salmos 8:2

Juch'uy wawas ñuñojkunapis atiyniykita qhaparinku. Chay qhaparisqaykutawanqa, qan enemigosniykoj ñaupaqempi jark'anata sayachinki, chejnisojkunata, contraykipi oqharikojkunatawan ch'inyachinaykipaj.

Isaías 29:14

Chayrayku, kay runastaqa jatuchaj t'ukuna imasta ruwaspa t'ukushajta saqesaj. Yachayniyojkunasniyoj yachaynenqa chinkaponqa, yuyayniyojkunaj yuyayninkupis manaña kanqachu.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Isaías 62:5

Imaynatachus uj waynaqa sipaswan casarakun, ajinallatataj wawasniykeqa jampusonqanku may munakuywan. Imaynatachus qhari warmi kusikunku, ajinata Diosniyki qanwan kusikonqa.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

San Mateo 21:16

Nerqankutaj Jesusman: Uyarinkichu kaykuna imatachus nisqankuta? Jesustaj kuticherqa: Arí, uyarini. Qankunarí, manachu jayk'ajpis Escrituraspi leerqankichej: Wawaspa siminwan ñuñojkunawan ima, allinta yupaychasqankuta?

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Marcos 10:15

Cheqamanta niykichej, pillapis mana wawa jina Diospa reinonta jap'enqa chayqa, mana jayk'aj yaykonqachu chayman.

San Lucas 15:5

Tariytawantaj q'epiriykukun may kusisqa.

San Lucas 15:9

Tariytawantaj kausaqesninta, qayllampi kajkunata ima tantaykuspa paykunaman nin: Kusikuychej noqawan khuska, imaraykuchus tarikapuni chinkasqa qolqeyta.

San Juan 11:41

Chantá rumita oqharerqanku, maypichus wañusqa churasqa karqa chaymanta. Jesustaj janaj pachata qhawarispa nerqa: Tatáy, graciasta qoyki uyariwasqaykimanta.

2 Corintios 4:3

Evangelio willasqaykuchus pakasqallaraj kashan chayqa, chinkay ñampi kajkunapaj pakasqallaraj kashan.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Efesios 1:5

Munakuspa wiñaymantaña ajllawarqanchej, Cristonejta paypa wawasnimpaj rejsisqas kananchejpaj, cheqa munayninman jina; khuyakuynimpa jatun kayninta yupaychananchejpaj. Chaywantaj allin qhawasqa kananchejpaj, munakusqan Churimpi.