San Lucas 1:17 - Qheshwa Biblia DC

¹⁷ Señorpa ñaupaqempi purenqa, profeta Eliaspa espiritunwan, atiywan ima; tatasta wawasninkuwan allinyachispa, mana kasukojkuna kasukuyta yachanankupaj. Ajinata, runasta allinta wakichenqa Señorta recibinankupaj.

DIOSPA QHELQACHISQAN DEUTEROCANONICAL

¹⁷ Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

DIOSPA QHELQACHISQ

¹⁷ Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

Quechua South Bolivia: Dios Parlapawanchej

¹⁷ Unay tiempopipis Diospa willajnin, Elías sutiyoj, atiywan Diospaj llanc'arka. Ajinallatataj cay wawaka runayaspa Diospaj llanc'anka. Tatasta wawasnincuwan allinyachenka. Payka Diosta mana casoj runasta chekanta yuyanancuta yachachenka casucoj wawasjina causanancupaj. Chayta ruwaspa Diospa runasninpa sonkosnincuta waquichenka pay jamunanpaj, —nerka angelka.

San Lucas 1:17 Iomraidhean Croise

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Reyes 18:18

Paytaj kuticherqa: Mana noqachu Israeltaqa musphachini, aswampis qanwan tataykej ayllunwan ima musphachishankichej Señorpa kamachisqasninta saqerpayaspa, baalestataj yupaychaspa.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

2 Reyes 1:16

Paytaj nerqa: Señorqa ajinata nin: Qanqa kachanki tapumojta Ecrompa diosnin Baal-zebuta, manapis Israelpi Diosqa palabranta tapurinaykipaj kanmanchu karqa jina. Chayrayku kunanqa chay camaykimanta mana jatarinkiñachu, cheqamanta kikimpi wañunki.

1 Crónicas 29:18

Qanqa ñaupa tatasniykoj Señor Diosnin kanki, Abrahampata, Isaacpata, Israelpatawan. Kay aylluykej sonqonman churaypuni ari, wiñaypaj chay jina k'uchi sonqoyoj kayta, qanmantaj astawan sonqonkuta wajyay.

2 Crónicas 29:36

Ezequiaspis tukuy runaspiwan kusikorqanku, jinata Dios ruwasqanmanta tukuy ayllunwan, chay imasqa usqhayllata ruwakusqankurayku.

Salmos 10:17

Señor, qan jap'inki llamp'u sonqo runaspa mañakusqankuta. Qan paykunata kallpachanki uyarinkitaj.

Salmos 111:10

Yachaypa qallarikuynenqa, Señorta manchachikuymin. Kamachisqasninta waqaychajkunaqa, sumaj yuyayniyoj kanku. Diosninchejtaj wiñaypaj yupaychasqapuni kanqa!

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Isaías 29:24

Pantasqa yuyayniyojkunaqa, yachayniyojman tukonqanku. Thutojkunapis Diosmanta yachaqakonqanku.

Amós 4:12

Chayrayku Israel, qantapis kikinta ruwasqayki, chaytaqa ruwasajpuni. Wakichikuy Diosniykiwan tinkunaykipaj.

San Mateo 11:14

Sichus qankuna Juampa nisqanta creeyta munankichej chayqa, paymin jamunan karqa chay Eliasqa.

San Mateo 14:4

Juanqa Herodesman nerqa: Mana atinkichu warmiykipaj jap'ikapuyta.

San Mateo 3:3

Kay Juanmanta profeta Isaías nerqa: Uj runaj qhaparisqan ch'innejpi uyarikun: Señorpa ñanninta wakichiychej, purinasnintataj cheqanyachiychej.

San Mateo 3:4

Juantaj camello millmamanta ruwasqa p'achawan p'achallisqa karqa: qara chumpiwantaj chumpiykusqa. Mikhojtaj langostasta, lachiwana misk'ita ima.

San Lucas 1:16

Ashkha israelitasta kutirichenqa Señor Diosninkuman.

San Lucas 1:76

Qanri wawáy, jatun Diospa profetan sutichasqa kanki. Señorpa ñaupaqenta rinki, purinasninta wakichispa.

San Juan 1:13

Paykunaqa mana yawarmantachu kanku, nitaj aychaj munayninmantachu, nillataj qharej munayninmantachu; astawanqa Diosmanta.

San Juan 1:34

Noqataj ajinata rikuni, rejsichinitaj payqa Diospa Churin kasqanta.

San Juan 3:28

Qankunaqa allinta yachankichej nisqayta. Mana noqachu Cristo kani; ñaupajninta kachamusqallan kani.

Hechos 10:33

Chay kikimpachataj qanman kachamorqani. Qantaj allinta ruwanki kayman jamuspa. Kunanqa tukuyniyku kaypi kakushayku, Dios imatachus kamachisusqanta noqaykuman willanawaykupaj.

Romanos 9:23

Ajinata ruwarqa janaj pachapi qhapaj kayninta rikuchinampaj, khuyakuyninmanta kajkunaman. Kaytaqa ñaupajmantaña wakicherqa janaj pacha k'anchaynimpi paykunapis kanankupaj.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

2 Timoteo 2:21

Ajinaqa, pikunachus kay imasmanta llimphuchakun chayqa, uj sumaj vaso jina allin qhawasqa, ajllasqa Señorpaj, allin imasta ruwanampaj, tukuy imata allinta ruwanampajtaj wakichisqa.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

1 Samuel 7:5

Chaymanta Samuelqa kamacherqa: Tukuy Israel aylluta Mizpa llajtapi tantaykuychej, noqataj Señormanta qankunapaj mañapusqaykichej, nispa.