Levítico 8:15 - Qheshwa Biblia DC

¹⁵ Chaymantataj Moisesqa chay waka uñata ñak'arqa, pisi yawarta jap'ispataj maki dedonwan altarpa cantosnimpi wajras jina ruwasqa karqanku chaykunata jawerqa tukuy muyuynintinta t'aqasqa kanampaj. Chaymanta puchoj yawarwantaj altarpa muyuyninta jich'arqa. Ajinamanta altarqa t'aqasqa karqa, allinyakuytataj tarinankupaj.

DIOSPA QHELQACHISQAN DEUTEROCANONICAL

¹⁵ Chaymantataj Moisés torillota ñak'arqa. Chantá torilloj yawarninta jap'erqa, maki ruk'ananta yawarman chhapuspataj, altarpa tawantin wajrankunata jawerqa. Puchoj yawartataj altarpa uranman jich'arqa. Ajinata ruwaspa, Moisés altarta Tata Diospaj t'aqarqa, chaypi tukuy runaj juchan pampachasqa kananpaj.

DIOSPA QHELQACHISQ

¹⁵ Chaymantataj Moisés torillota ñak'arqa. Chantá torilloj yawarninta jap'erqa, maki ruk'ananta yawarman chhapuspataj, altarpa tawantin wajrankunata jawerqa. Puchoj yawartataj altarpa uranman jich'arqa. Ajinata ruwaspa, Moisés altarta Tata Diospaj t'aqarqa, chaypi tukuy runaj juchan pampachasqa kananpaj.

Levítico 8:15 Iomraidhean Croise

2 Crónicas 29:24

Chaymantataj sacerdotesqa chay uywasta wañucherqanku, yawarninta jap'ispataj altar pataman ch'ajchumorqanku juchasmanta jaywanata jina, tukuy Israelpa juchasninmanta perdonta tarinapaj. Imaraykuchus rey kamachisqa tukuy Israel ayllurayku jaywanankuta chay q'olachinapaj kajta, chay jucharayku kajtapis.

Ezequiel 45:20

Kikillantataj ruwanki chay killamanta qanchis p'unchaynimpi, pichus mana reparaspa, chayri ch'aukiyasqa kaspa juchallikojpaj. Ajinata Diosta yupaychana wasitaqa llimphuchanki.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Levítico 1:11

Chaymantataj ñak'anqa Señorpa ñaupaqempi altarmanta pata ladonnejpi. Chaymantataj Aarompa mirayninmanta sacerdotesqa chay uywaj yawarninwan ch'ajchonqanku, chay altar patata, tukuy muyuynintinta ima.

Levítico 1:5

Chay runaqa Señorpa ñaupaqempi torotaqa ñak'anqa. Chaymantaqa chay toroj yawarninta Aarompa mirayninmanta kaj sacerdotes Señorman jaywanqanku. Chaymantataj Dioswan tinkukuna toldo punku yaykuypi kashan chay altarta yawarwan ch'ajchonqanku patanta tukuy muyuyninta ima.

Levítico 16:20

Aaronqa Diospa tiyakunanta, Dioswan tinkukuna toldota, altartawan llimphuchayta tukuytawanqa, kausashallarqaraj chay chivota apachimonqa.

Levítico 3:2

Chay rikuchikuta Señorman apamojqa, makinta churanqa chay uywaj umanman. Chaymantataj Dioswan tinkukuna toldo punkupi ñak'anqa. Sacerdotestaj chay uywaj yawarninwan ch'ajchonqanku chay altar patasninta tukuy muyuynintinta ima.

Levítico 3:8

Chay rikuchikuta Señorman apamojqa makinta churanqa chay uywaj umanman, Dioswan tinkukuna toldo punkupitaj ñak'anqa. Sacerdotestaj chay uywaj yawarninwan ch'ajchumonqanku chay altar patasta, tukuy muyuyninta ima.

Levítico 4:25

Chaymantataj sacerdoteqa uj dedonwan chhapuspa juchaspa cuentanmanta ñak'asqa uywaj yawarninwan jawenqa chay ruphachina altarpa wajras jina kaj esquinasninta. Chay tukuynin puchoj yawarwantaj jich'anqa rikuchikuta ruphachina altarpa uranman.

Levítico 4:30

Chaymantataj sacerdoteqa uj dedonwan chhapuspa juchaspa cuentanmanta ñak'asqa uywaj yawarninwan jawenqa chay ruphachina altarpa wajrasnin jina kaj esquinasninta. Chay tukuynin puchoj yawartataj altarpa uranman jich'anqa.

Levítico 4:7

Chantaqa sumajta q'apashaj incienso altarpa wajras jina kaj esquinasninta uj pisi yawarwan jawiykonqa, Señorpa ñaupaqempi Dioswan tinkuna toldopi. Tukuynin puchoj yawartataj, rikuchikusta ruphachina altarpa uranman jich'aykonqa Dioswan tinkukuna toldo punkupi.

Levítico 6:30

Mana mikhuyta atenqankuchu ni mayqen uywata juchaj cuentanmanta rikuchiku jina jaywasqa kajtin. Mayqen yawarchus apasqa kanqa Dioswan tinkukuna toldo ukhuman juchas pampachasqa kanampaj. Kay rikuchikusqa ninapi ruphachisqas kananku tiyan.

Números 8:12

Chaymantataj levitasñataj chay aysamusqa waka uñaspa umanman makisninkuta churanqanku. Jinamanta ujnin kaj wakaqa juchaspa cuentanmanta Señorman jaywasqa kanqa; ujnin kajtaj Señorpaj ruphachinapaj kanqa, levitasta Señorpaj t'aqapunapaj.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

Efesios 2:16

Cristo cruzpi wañuyninwan iskaynin ayllusta, ujllaman tukuchispa, Dioswan allinyacherqa, chejninakuyninkuta chinkachispa.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.