Levítico 7:12 - Qheshwa Biblia DC

¹² Sichus uj agradecekuy rikuchikuta Señorman jaywayta munanku chayqa, apamuchunku mana levadurayoj t'antata, aceitewan ruwasqata, mana levadurayoj torillatawan aceitewan jawisqata, sumajnin kaj ñut'u jak'umanta aceitewan ruwasqa t'antatawan.

DIOSPA QHELQACHISQAN DEUTEROCANONICAL

¹² Sichus pipis Tata Diosta pachis nispa jaywanata Diosman apamonqa chayqa, ñak'aspa jaywanapaj uywatawan khuska aceitewan puñasqa mana levadurayoj tortillata apamonqa. Apamullanqataj aceitewan jawisqa mana levadurayoj tortillata, chantá sumaj jak'umanta aceitewan puñaspa ruwasqa t'antawan.

DIOSPA QHELQACHISQ

¹² Sichus pipis Tata Diosta pachis nispa jaywanata Diosman apamonqa chayqa, ñak'aspa jaywanapaj uywatawan khuska aceitewan puñasqa mana levadurayoj tortillata apamonqa. Apamullanqataj aceitewan jawisqa mana levadurayoj tortillata, chantá sumaj jak'umanta aceitewan puñaspa ruwasqa t'antawan.

Levítico 7:12 Iomraidhean Croise

2 Crónicas 29:31

Chaymantataj Ezequiasqa runasman nerqa: Qankunaqa ña Señorpaj llimphuchakunkichejña, qayllaykuychej uywa wañuchisqata apamuspa, agradecespa jaywanaswan ima Señorpa yupaychana wasimpaj. Chaypacha chay runasqa uywasta apamorqanku wañuchinankupaj, agradecespa jaywanastapis, pischus sonqonkupi khuyakuyniyoj kajkuna, chay q'olachinapaj jaywanasta apamorqanku.

2 Crónicas 33:16

Chaymantataj Señorpa altarninta allinchacherqa, chaypitaj allinyakunapaj nisqa uywa wañusqasta jaywarqa Diosman graciasta qona jaywanastapis. Judá ayllumantaj kamacherqa Israelpa Señor Diosninman yupaychanankuta.

Nehemías 12:43

Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

Salmos 107:8

Señorta khuyakuyninrayku agradecekuychej, runaspaj allin imasta ruwasqanrayku.

Salmos 116:17

Yupaychana jaywanata agradecekuspa jaywasqayki, Señorpa sutinta wajyakuspa.

Salmos 50:23

Pichus agradecekuwajqa noqata jatunchawan chayqa munakuwan, ñanniymanta mana t'aqakojtataj noqa salvani.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Levítico 2:4

Maypachachus hornopi chayasqa rikuchikuta apamunkiman chayqa, sumajnin ñut'u jak'umanta aceitewan ruwasqa mana levadurayoj t'antata apamunki, manachayri mana levadurayoj t'antaqa aceitewan jawisqa kachun.

Levítico 2:5

Sichus paylapi chayasqa rikuchikuta apamunki chayqa, sumajnin kaj ñut'u jak'umanta mana levadurayojta aceitewan ñatusqata apamunki.

Levítico 22:29

Señorman graciasta qoy rikuchikuta apamunki chayqa, allinta ruwanki chay ofrenda allin jap'isqa kanampaj.

Levítico 6:16

Chay rikuchikusmanta puchojtataj Aaronwan wawasninwan mikhonqanku mana levadurayojta uj sumaj t'aqasqa cheqapi, Dioswan tinkukuna toldoj ñaupaqempi kaj patiopi.

Levítico 7:15

Allinyakunapaj agradecekuy uywaj aychantaqa chay p'unchaypacha mikhonqanku. Q'ayantinpajqa mana imapis puchonqachu.

Amós 4:5

Mana levadurayoj t'antasta ruphachiychej graciasta qona ofrendata jina, ofrenda qosqaykichejtataj tukuyman willaychej. Chaymin qankunapajqa sumaj. Ajinata nin Señorqa.

Números 6:15

Chanta jaywamullanqataj uj canasta t'antata, sumajnin kaj jak'umanta mana levadurawan ruwasqata, aceitepi chayachisqatataj; tortillastapis mana levadurayojta aceitewan jawiykuspalla, ch'aki mikhuykunamanta ofrendastawan, vinotawan khuska.

San Lucas 17:16

Jesuspa ñaupaqenman qonqoriykukuspataj, pampakama k'umuykuspa graciasta qorqa. Chay runataj samaritano karqa.

San Lucas 17:18

Manachu pipis kutimorqa, Diosta yupaychaj; kay waj llajtayoj runallachu kutimorqa?, nispa.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

Efesios 5:20

Señorninchej Jesucristoj sutimpi tukuy imamanta Dios Tataman graciasta qoychejpuni.

Hebreos 13:15

Chayrayku, Jesucristonejta Diosman yupaychay rikuchikuta jaywanapuni. Kay niyta munan, simispa yupaychaynin, maypachachus Jesucristoj sutinta oqharinku, chaypacha.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.