Levítico 6:10 - Qheshwa Biblia DC

¹⁰ Sacerdoteqa p'achasta, calzoncillostawan linomanta ruwasqa churakunan tiyan. Chay ruphachisqa uywaj ushphasninta oqharispa altarpa ladonman churanqa.

DIOSPA QHELQACHISQAN DEUTEROCANONICAL

¹⁰ 10 (3) Chantá sacerdoteqa linomanta ruwasqa p'achata, calzoncillotawan churakuspa, ñak'asqa uywa q'olasqa ushphaman tukusqanta oqharenqa. Jinaspataj, altarpa qayllanman churanqa.

DIOSPA QHELQACHISQ

¹⁰ 10 (3) Chantá sacerdoteqa linomanta ruwasqa p'achata, calzoncillotawan churakuspa, ñak'asqa uywa q'olasqa ushphaman tukusqanta oqharenqa. Jinaspataj, altarpa qayllanman churanqa.

Levítico 6:10 Iomraidhean Croise

Salmos 20:3

Yuyarikuchun tukuy jaywasqasniykimanta. Tukuy sonqotaj jap'ichun altarpi uywasta q'olachisqasniykimanta.

Salmos 37:20

Sajra runasqa ch'aki qhora jina lauranqanku. Señorpa enemigosnimpis q'osñi jina chinkanqanku.

Ezequiel 44:19

Jawa patioj jawankama, maypichus runas kashanqanku chayman llojsinankupajqa, ima p'achaswanchus Diosta yupaychana wasipi runastapis ruwarqanku chay p'achasta orqhokonqanku, Diosta yupaychana wasipi kashanku chay wasispitaj saqenqanku, waj p'achastataj churakonqanku, runasta chay llimphu p'achaswan ama llimphuchanankupaj.

Levítico 1:13

Chanta chay runa mayllanqa, uywaj ch'unchulasninta, chakisnintapis. Chaymantataj sacerdoteqa, tukuy chaykunata ruphachenqa altar patapi. Chay ruphachispa jaywasqampa q'apaynenqa Señorpaj allin kanqa.

Levítico 1:9

Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Levítico 16:4

Linomanta ruwasqa p'achata churakuspa jamuchun Diospa tiyakunanman. Ukhunmampis churakuchun linomanta ruwasqa calzoncillosta, jinaspataj linomanta chumpiwan chumpikuchun. Umanmampis churakuchun linomqanta ruwasqa muru ch'uluta. Chaykunaqa llimphupaj qhawasqa p'achas kanku. Churakunampajqa ukhusninta yakuwan mayllakuchun.

Levítico 2:11

Chay tukuy ch'aki mikhuy rikuchikusmanqa amapuni levadurata churankichejchu, Señorman jaywamunaykichejpaj. Levadurayojta, chayri misk'iyoj kajtapis amapuni Señorpaj altar patapi ruphachimunkichejchu.

Levítico 21:22

Chay Diospa t'antanmanta, may jina llimphuchasqamanta, Diospaj t'aqasqa imasmantapis mikhuyta atenqa.

Levítico 6:11

Chaymantataj sacerdoteqa p'achasninta lluch'ukuspa waj p'achasta churaykukuytawan, chay ushphata jaramanta jawaman uj llimphu cheqaman apanqa.

Levítico 6:18

Qhepamanqa wiñaypaj tukuy qharis Aarompa mirayninmanta kajkuna kay mikhunasmanta chayaqenkuta mikhuyta atenqankupuni; Señorpaj ruphachisqa rikuchikusmanta, imaraykuchus kayqa kanqa uj ley jina. Pillapis, chaypi imallapis kay rikuchikusman chayajqa llimphuchasqa kanqa.

Levítico 6:22

Chay kikin rikuchikuta jaywallanqataj. Aarompa mirayninmanta jawisqaqa kuraj kaj sacerdote kanampaj. Chay rikuchikoqa Señorpatapuni kanan tiyan, tukuynintaj ruphachisqa kanqa.

Números 16:35

Chantapis Señorqa ninata apachimorqa, pikunachus Dioswan parlana toldopi inciensota jaywasharqanku chaykunata iskay pachaj phishqa chunkayoj runasta ruphaykorqa.

Apocalipsis 19:14

Janaj pachapi yupa soldadostaj sumaj awasqa, yuraj llimphu linowan p'achallisqas, payta yuraj caballospi qhatikusharqanku.

Apocalipsis 19:8

Chay warmimantaj Dios atiyta qorqa, sumaj awasqa ch'uwa lliphipej linowan p'achallikunampaj. Sumaj awasqa linoqa niyta munan ajllasqaspa allin ruwasqasninku.

Apocalipsis 7:13

Chay kuraj runasmanta ujnin tapuwaspa, niwarqa: Chay yuraj p'achaswan p'achallisqas, pikunataj kanku, maymantataj jamorqankuri?