Levítico 5:7 - Qheshwa Biblia DC

⁷ Sichus chay runajta mana tiyapunchu chay uywasta rantinampaj chayqa, juchampa cuentanmanta apamuchun iskay juruk'utasta, chayri iskay irpasta. Ujnenqa kanqa juchampa cuentanmanta, ujnintaj ruphachisqa kanampaj.

DIOSPA QHELQACHISQAN DEUTEROCANONICAL

⁷ Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa.

DIOSPA QHELQACHISQ

⁷ Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa.

Levítico 5:7 Iomraidhean Croise

Levítico 12:6

Chay warmej llimphuchakuynin p'unchaykuna junt'akojtintaj, chay qhari wawata nacechikusqanmanta, chayri warmi wawatapis, chay warmeqa Dioswan tinkukuna toldo punkuman Señorpaj apamuchun uj watayopj corderota sumaj q'apashajta ruphachinapaj. Apamullachuntaj uj irpa palomatawan, chayri uj jurk'utata juchampa cuentanmanta ruphachisqa kanampaj. Chaykunataqa sacerdoteman jaywanqa.

Levítico 12:8

Sichus chay warmejta mana tiyakunchu corderota apamunampaj chayqa, apamuchun iskay jurk'utasta, chayri iskay irpa palomasta. Ujnin kajqa Señorpaj sumaj q'apashajta ruphachinapaj kanqa, ujnintaj juchasnimpa cuentanmanta rikuchikuta ruphachinapaj kanqa. Chaymantaqa sacerdote chay rikuchikuta jaywasqanrayku warmej juchasnin pampachasqa, llimphuchasqataj kanqa.

Levítico 14:30

Chaymantataj chay llimphuchakoj runa atisqanman jina apamusqanmanta sacerdoteqa ujnin kaj jurk'utata, chayri ujnin kaj irpata Señorman jaywanqa.

Levítico 14:31

Ujnin kajta chay runaj juchasninrayku rikuchikupaj jaywanqa. Ujnin kajtataj ch'aki mikhuna rikuchikutawan khuska ruphachenqa. Ajinamanta sacerdoteqa chay rikuchikuwan Señormanta perdonta tarenqa chay llimphuchakoj runapaj.

Levítico 15:30

Sacerdotetaj chaykunamanta ujninta uj rikuchikuta jina chay warmej juchasninrayku jaywanqa, ujnintataj ruphachenqa. Ajinata sacerdoteqa Señorpa ñaupaqempi ruwanqa chay yawar killayoj warmipaj, llimphupaj qhawasqa kanampaj.

Levítico 16:5

Israel ayllupis Aaronman iskay chivosta apamonqa juchaj cuentanmanta, uj carnerotawan ruphachisqa kanampaj.

Levítico 27:8

Sichus chay runa qosaj nejqa mana kapuyniyoj, manataj chay nisqa qolqeta qoyta atinchu chayqa, sacerdoteman pusachunku, watejmanta ninampaj mashkhatachus qonanta chay runaj nisqanman jina.

Levítico 5:11

Sichus chay runajta mana tiyapunchu iskay juruk'utasta, chayri iskay irpastapis rantikunampaj chayqa, juchampa cuentanmanta apamuchun iskay kilos sumajnin ñut'u jak'uta. Chay ñut'u jak'umanqa amapuni aceiteta, nitaj inciensotapis churanqachu. Chayqa juchaj cuentanmanta rikuchiku apamusqa.

Levítico 7:1

Juchasrayku jaywasqa rikuchikoqa t'aqasqamin. Kaykuna kanku leyes chay imasta ruwanamanta: Juchasrayku apamusqa rikuchiku uywastaqa ñak'anqanku maypichus uywasta ñak'anku ruphachinankupaj chaypi, uywaj yawarninwantaj ch'ajchonqanku chay altar patata tukuy muyuynintinta ima. Chaymantaqa tukuy uywaj wirasninta wirachanqa: Chupa wiranta, ch'unchula wiranta ima, iskay lurunisninta, wirasnintinta, ura wasa wirasninta, kukupi wirata ima, lurunisnintawan khuska khuchuchunku.

Levítico 9:3

Israelitasman niy uj chivota apamunankuta juchasrayku ñak'asqa kanampaj. Jinallatataj uj watayoj waka uñata, uj watayoj corderota mana iman imanasqasta ruphachisqas kanankupaj.

Números 6:10

Pusaj kaj diapi sacerdoteman apanan tiyan iskay tortolasta, chayri iskay irpa palomasta Dioswan tinkukuna toldo punkuman.

Números 6:11

Sacerdoteqa ujnin kajta rikuchikuta Señorman jaywamonqa chay runaj juchampa cuentanmanta, ujnintataj ruphasqa ofrendata jaywanqa. Chaymantataj Señormanta mañaponqa Señor perdonanampaj chay juchasninmanta ayata llankharisqanmanta, umantataj chay diapi llimphuchakonqa.

San Mateo 10:16

Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

San Mateo 21:12

Jesusqa temploman yaykuspa, tukuy vendejkunata, rantejkunata ima, jawaman qharqorqa. Jinallataj qolqe trocajkunaj mesasninkuta, palomasta vendejkunaj tiyanasninkutapis tijrararqa.

San Mateo 3:16

Jesús bautizachikuytawan yakumanta llojserqa. Cielotaj kicharikorqa, rikorqataj Diospa Espiritunta paypa patanman paloma jina uraykamushajta.

San Lucas 2:24

Chayrayku aparqanku Señorpa leyninman jina wañuchinankupaj: Iskay palomasta chayrí iskay irpitasta.

2 Corintios 8:12

Sichus uj runa munanman cheqamanta qoyta chayqa, Dios jap'enqa chay ofrendata tiyapusqanman jina. Payqa mana mañanchu mana imayojmantaqa.