Levítico 5:16 - Qheshwa Biblia DC

¹⁶ Chay runaqa Señorpaj t'aqasqa kajmanta mana qosqanta qopunan tiyan. Chaymantataj valorninmanta sapa phishqamanta ujta yapaykonqa, chaytataj sacerdoteman jaywanqa. Chay rikuchiku jaywasqa ovejawantaj sacerdoteqa perdonta tarenqa chay juchachakoj runapaj. Jinamanta chay runaj juchasnin pampachasqa kanqa.

DIOSPA QHELQACHISQAN DEUTEROCANONICAL

¹⁶ Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.

DIOSPA QHELQACHISQ

¹⁶ Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.

Levítico 5:16 Iomraidhean Croise

Salmos 69:4

Ashkha kanku qhasillamanta chejnikuwajkunaqa, umaypi chujchasniymantapis astawan. Yanqhallamanta chejnikuwaj runasqa, aswan atiyniyojman tukunku. Mañawankutaj mana suwasqayta qopunayta.

Éxodo 22:1

Sichus pipis wakata suwakun, chayri ovejata, ñak'antaj chayri vendentaj chayqa, chay suwa qopuchun phishqa wakasta; ovejasmantarí tawa ovejasta.

Levítico 22:14

Sichus mayqellampis pantaspa mikhuykunman chay Señorpaj nisqa mikhunasmanta chayqa, sacerdoteman kutichinan tiyan chay mikhusqanmanta phishqamanta t'aqaspa chay uj t'aqata mikhunastawan khuska.

Levítico 27:13

Sichus chay uywata orqhokapuyta munan chayqa, sapa phishqamanta ujtawan qonan tiyan, mashkhachus qonan karqa chaytawan khuska.

Levítico 27:15

Sichus chay wasinta qojqa watejmanta rantikapuyta munan chayqa, sapa phishqamanta ujtawan qonan tiyan, mashkhatachus sacerdote nerqa valesqanta chaytawan khuska. Waseqa chay runallamantaj kutiponqa.

Levítico 27:27

Sichus mana llimphupaj qhawasqa animal kanman chayqa, rantikapuyta atenqa maychus valesqanman jina, yapaspa sapa phishqamanta ujtawan. Sichus mana rantikapunmanchu chayqa, vendekunan tiyan mashkhatachus ninku kananta chayman jina.

Levítico 27:31

Sichus pipis chaykunamanta uj chhikallatapis rantikapuyta munanman chayqa, sapa phishqamanta ujta qonan tiyan, chay mashkhachus valesqantawan.

Levítico 4:20

Kay torillowanqa ruwakonqa, imaynatachus juchasapaj cuentanmanta kaj torillowan ruwarqanku ajinata. Sacerdoteqa ajinamanta chay rikuchikuta jaywanqa paykunaj juchasninkumanta. Juchasninkutaj pampachasqa kanqa.

Levítico 4:26

Chivoj tukuynin wirasnintataj altar patapi ruphachenqa, imaynatachus allinyakuy rikuchiku wirawan ruwanku ajinata. Sacerdoteqa ajinamanta chay rikuchikuta jaywanqa, kuraj kajpa juchasninmanta, juchasnintaj pampachasqa kanampaj.

Levítico 5:10

Ujnin kajtataj sacerdoteqa ruphachenqa kamachisqa kasqanman jina. Sacerdoteqa ajinamanta chay rikuchikuta chay runaj juchasnin pampachasqa kanampaj jaywanqa.

Levítico 5:13

Ajinamanta sacerdoteqa chay runaj ima jucha ruwasqasninmantapis perdonachenqa. Kay rikuchikumanta puchojqa sacerdotespaj kanqa, imaynatachus ch'aki mikhuy rikuchikuswan ruwakorqa ajinata. Chayqa juchaspa cuentanmanta rikuchiku.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Números 5:7

Chantapis chay runamanqa kikillantataj kutichipunan tiyan, chaymantaj yapapunan tiyan phishqamanta ujnin kajtawan, pejpa contrampichus juchallikusqanmanta.

Números 5:8

Sichus chay mana allimpi rikhurichisqa runa wañupunña, nitaj ima ayllumpis kanchu, chayllamampis qopunampaj chayqa, imatachus qonan kajqa Señorpaj kanqa sacerdotej allinnimpaj. Uj carnerotawan qonan tiyan sacerdote, chayta Señorman jaywanampaj, chay runa juchasninmanta perdonasqa kanampaj.

San Lucas 19:8

Chantá Zaqueoqa, sayaykukuspa Señorman nerqa: Señor, tukuy kapuwasqanta qosaj khuskanninta wajchasman. Pimantachus ch'aukiyaspa imatapis suwarqani chayqa, tawa jinatawan kutichipusaj.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

1 Samuel 6:3

Paykunataj kuticherqanku: Diospa trato cajonninta kutichipuspaqa ama ch'usajllataqa kutichiychejchu, manachayqa imallatapis Señormanqa jaywariychejpuni juchasniykichejmanta. Chaypacha qankunaqa chay onqoymanta thañinkichej, yachankichejtaj imaraykuchus Diosqa jasut'isorqachej chayta.