Levítico 4:3 - Qheshwa Biblia DC

³ Sichus aceitewan jawisqa sacerdote juchallikun, runastawan juchallichin chayqa, pay Señorman apamuchun uj torillota sumajnin kajta mana iman imanasqata, chay juchampa cuentanmanta rikuchiku kanampaj.

DIOSPA QHELQACHISQAN DEUTEROCANONICAL

³ Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

DIOSPA QHELQACHISQ

³ Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 4:3 Iomraidhean Croise

2 Crónicas 29:21

Aparqankutaj qanchis waka uñasta, qanchis carnerosta, qanchis corderosta, qanchis cabritosta ima. Chaykunata aparqanku reypa ayllumpa juchallikusqanrayku jaywanankupaj, yupaychana wasirayku, jinataj Judá aylluraykupis. Reyqa kamacherqa Aarompa ayllunmanta kaj sacerdotesta, rikuchikusta altar patapi ruphachinanta.

Esdras 8:35

Chay qhepata presochasqamanta kutirimojkuna tukuynin israelitaspa sutimpi qorqanku, chunka iskayniyoj waka uñasta, isq'on chunka sojtayoj carnerosta, qanchis chunka qanchisniyoj corderostawan Israelpa Diosnimpaj q'olachinankupaj. Chunka iskayniyoj chivosta juchaj cuentanmanta jaywarqanku. Tukuyninta q'olacherqanku Señorta jatumpaj qhawaspa.

Éxodo 29:14

Aychantataj, qarantawan, wanusninta imaqa ruphachinki toldo jawapi, imaraykuchus chaykunaqa juchaj cuentanmanta jaywasqas.

Éxodo 29:21

Altar patapi kaj yawarwan, jawina kaj aceitepiwan uj chhikawan Aarompa p'achasnin uraman chhalluriy, jinallataj wawasnimpa p'achasnimpa patasninmampis. Ajinamanta Aaronqa, wawasnin ima Diospaj t'aqasqas kanqanku, jinallataj p'achasninkupis.

Éxodo 29:7

Chaymantataj jawinayki aceitewan umanman jich'aykuspa jawiykunki sacerdote kanampaj.

Éxodo 30:10

Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.

Ezequiel 40:39

Punku yaykuna corredorpi tawa mesas karqanku. Sapa ladopi iskaykama churasqa karqanku. Chay mesas patapi wañuchej kanku, uywasta ruphachispa Diosman jaywanankupaj, jucharayku wañuchispa jaywanata.

Ezequiel 43:19

Levita sacerdotesman, mayqenkunachus Sadocpa mirayninmanta kanku, kayta ninki: Paykunaqa noqaman qayllamuwachunku, nin Atiyniyoj Señorqa. Uj waka uñata paykunaman qonki juchankumanta jaywakunankupaj. Noqa Señor chaytaqa nini.

Ezequiel 44:27

Ukhu patioman yaykuspa, Diosta yupaychana wasipi imatapis ruwaspa junt'anampaj chay p'unchayqa, chay juchanmantaqa uywata wañuchispa jaywanqanku. Noqa Señormin kaytaqa kamachini.

Levítico 1:10

Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata.

Levítico 1:3

Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa.

Levítico 16:11

Chaymantataj Aaronqa torillo ofrendta apachimonqa rikuchikuta Señorman jaywanampaj kikin juchasninmanta, paypa juchasninmanta perdonta tarinampaj, jinallataj familiampajpis.

Levítico 16:3

Aaronqa Dios maypichus kashan chayman yaykuchun uj torillo aysarisqa juchamanta uj rikuchikuta jaywanampaj. Apamullachuntaj uj carnerota ruphachisqa kanampaj.

Levítico 16:5

Israel ayllupis Aaronman iskay chivosta apamonqa juchaj cuentanmanta, uj carnerotawan ruphachisqa kanampaj.

Levítico 16:6

Señorman jaywanqa chay torillota juchaspa cuentanmanta, Señormanta perdonta tarinampaj, paypa juchasninmanta, jinallataj familiampa juchasninmantapis.

Levítico 4:23

Reparakuytawan juchayoj kasqanta, apamuchun juchampa cuentanmanta uj chivota sumajnin kajta, mana iman imanasqata.

Levítico 4:28

Reparakuytawan juchayoj kasqanta, apamuchun juchampa cuentanmanta uj cabrata sumajnin kajta mana ima imanasqata.

Levítico 4:5

Chaymantaqa aceitewan jawisqa sacerdoteqa torilloj yawarninmanta jawispa apanqa, Dioswan tinkukuna toldoman.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Levítico 6:18

Qhepamanqa wiñaypaj tukuy qharis Aarompa mirayninmanta kajkuna kay mikhunasmanta chayaqenkuta mikhuyta atenqankupuni; Señorpaj ruphachisqa rikuchikusmanta, imaraykuchus kayqa kanqa uj ley jina. Pillapis, chaypi imallapis kay rikuchikusman chayajqa llimphuchasqa kanqa.

Levítico 8:12

Chaymanta Moisesqa Aarompa umanman chay ajllaspa jawina aceitewan jich'aykorqa, sacerdotepaj t'aqasqa kanampaj.

Levítico 9:2

Aaronmantaj nerqa: Juchasrayku ñak'asqa kanampaj apamuy uj waka uñata, uj sumajnin kaj mana imanasqa corderotawan ruphachisqa kanampaj. Chaykunata Señorpa ñaupaqenman apay.

Levítico 9:3

Israelitasman niy uj chivota apamunankuta juchasrayku ñak'asqa kanampaj. Jinallatataj uj watayoj waka uñata, uj watayoj corderota mana iman imanasqasta ruphachisqas kanankupaj.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Números 8:8

Chaymantaqa ujnin kaj uña wakata aysamonqanku, ch'aki mikhunamanta sumajnin kaj jak'utawan, aceitewan ñat'usqata. Jinaspataj uj waka uñata aysamonqanku juchaspa cuentanmanta jaywanapaj.

Romanos 8:3

Diosqa ruwarqa imatachus Moisespa leynin mana ruwayta atisqanta, aycha pisi kallpayoj kasqanrayku. Chayrayku Diosqa Churinta kachamorqa juchallikoj runaman rijch'akojta, jucha jawa; chay juchata aychapi chinkachinampaj; leypa cheqan kasqanqa noqanchejpi junt'akunampaj. Noqanchejqa mana aychaj munayninman jinachu purishanchej, astawanqa Espirituman jina.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Hebreos 5:3

Chayrayku, imaynatachus pay kikimpaj uywa wañuchisqasta jaywan; ajinallatataj runaspajpis jaywanan tiyan juchasrayku.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.