Levítico 3:1 - Qheshwa Biblia DC

¹ Maypachachus mayqempis Señorman apamunman uywasninmanta uj wakata, chayri uj torota allinyakuy rikuchikuta jina, chay uywaqa sumajnin kaj kanan tiyan mana imanasqa.

DIOSPA QHELQACHISQAN DEUTEROCANONICAL

¹ Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

DIOSPA QHELQACHISQ

¹ Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

Levítico 3:1 Iomraidhean Croise

1 Crónicas 21:26

Chaypitaj Señorpaj uj altarta oqharerqa, uywasta ñak'aspa q'olachipunampaj, allinyakuy jaywanastawan qonampaj. Chaymantataj, Señorta wajyakorqa. Señortaj kuticherqa cielomantapacha runata apachimuspa, q'olachina altar pataman.

Éxodo 20:24

T'urumanta altarta ruwapuwankichej, chay patapi ruphachina rikuchikusta jaywawankichej, allinyanakuy ofrendata, wakasta, ovejasta ima apamuwasqaykichejta. Maypichari kay jinasta ruwaspa sutiymanta yuyarikunkichej chayqa, chayman jamuspa bendicisqaykichej.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Éxodo 29:28

Chay t'asqasqataj kanqa Aarompaj wawasnimpajwan. Chayqa ley israelitaspaj wiñaypaj. Chay ofrendata qospaqa israelitas ruwanqanku uj yanapata, uj allinyakuna rikuchinkuta Señorman qospa.

Proverbios 7:14

Noqa uywa ñak'asqata qonayta nerqani, chaytataj kunan p'unchay junt'ani.

Ezequiel 43:27

Chay p'unchaykunata junt'aspataj, pusaj kaj p'unchaymanta jaqaymanqa, sacerdotes chay altar patapi uywasta wañuchiytawan ninapi ruphachispa Diosman jaywanqanku, jinallataj allinyakuy jaywanatapis. Chaypacha noqa tukuy sonqo qankunawan allinyakusaj. Noqa Señormin kaytaqa nini.

Ezequiel 45:15

Sapa iskay pachaj ovejasmantaqa, uj sumaj ovejata, Israelpi sumachej pastosninmanta t'aqankichej. Kaytaj kanqa granosmanta ofrendaspaj. Ruphachispa jaywanapaj, allinyakuy ofrendasta jaywanapaj ima, juchasmantapis jaywanapajwan kanqa. Chayta noqa Señor kamachini.

Levítico 1:10

Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata.

Levítico 1:3

Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa.

Levítico 17:5

Israelitasqa Señorman apamuchunku uywasninkuta, campopi ñak'ayta yachanku chayta Dioswan tinkukuna toldo punkupi sacerdote allinyanakuy ofrendata jaywanankupaj, jinamanta ama maypipis chay uywasta ñak'anallankupaj.

Levítico 3:6

Maypachachus mayqempis Señorman apamunman uywasninmanta, orqotapis chinatapis allinyakuy rikuchikuta jina chayqa, chay uywaqa sumajnin kaj kachun mana iman imanasqa.

Levítico 9:18

Chanta Aaronqa ñak'allarqataj israelitaspa allinyakuy apamusqanku torota, corderotawan. Wawasnintaj payman yawarta jaywarqanku, paytaj chay yawarwan ch'ajchumorqa, altarta tukuy muyuynintawan.

Levítico 9:4

Jinallataj apamuchunku uj torota, uj corderotawan Señorpa ñaupaqempi ñak'anankupaj uj allinyakuy rikuchikuta jina. Apamullachunkutaj aceitewan chayasqa ch'aki mikhuy rikuchikuta, imaraykuchus Señorqa kunan paykunaman rikhurenqa.

Amós 5:22

Mana noqaqa munanichu rikuchikusta sutiyrayku ruphachipuwasqaykichejta, ch'aki mikhuykunamanta ofrendasta apamuwasqaykichejtapis mana munanichu. Manallataj jap'isqaykichejchu sumachaj wira waka uñasta allinyakunawaykichejpaj ruphachisqaykichejtapis.

Malaquías 1:14

Maldicisqa kachun nejqa mana onqosqa uywata jaywanawanta, nishaspa, chantá onqosqa kajtataj jaywawajqa. Noqaqa jatun Reymin kani, tukuy llajtaspa respetasqantaj kani. Ajinata Tukuy Atiyniyoj Señorqa nin.

Malaquías 1:8

Yuyaspataj noqaman jaywayta onqosqa uywasta, ciegosta, chakin p'akisqasta ima. Riychej ari, qankunata kamachej runasman, jaywamuychejtaj chay onqosqa uywasta, chanta yachankichej, paykuna kusiywanchus chay jaywasqaykichej uywasta jap'ikonqanku chayta.

Números 15:8

Sichus Señorman qonquchej rikuchikuta uj novillota, chayri waj rikuchikuta, chayri allinyakuy ofrendata, chayri imata qosaj nisqaykichejta junt'aspa chayqa, chayman yapankichej uj litro aceitewan chajrusqa sumajnin kaj ñut'u jak'uta.

Números 6:14

Chaypitaj uj watayoj corderota mana iman imanasqata Señorman jaywamonqa ruphachisqa kanampaj. Uj watayoj malta ovejatataj mana iman imanasqata juchasninmanta Señorman jaywamonqa. Uj carnerotataj sumajnin kajta mana iman imanasqata jaywallanqataj allinyakuy richuchikuta.

Números 7:17

Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderosta. Kay ofrendasqa karqanku Aminadadpa wawan Naasompata.

Números 7:59

Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Pedasurpa wawan Gamalielpa ofrendasnin karqa.

Deuteronomio 12:27

Señor Diosniykichejpa altarnin patapi sumaj q'apashaj rikuchikuta jaywankichej. Chay jaywasqaykichej uywasniykichejpa yawarnintaqa Señor Diosniykichejpa altarnin pataman jich'asqa kanqa. Chay aychastataj atinkichej mikhuyta.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

1 Juan 1:3

Imatachus rikusqaykuta, chay uyarisqaykuta ima, qankunaman willamuyku; qankunapis uj sonqolla noqaykuwan kanaykichejpaj, imaynatachus noqaykupis ujlla kayku Dios Tatawan Jesucristo Churinwampis.

Jueces 20:26

Chaypacha Israelmanta tukuy soldados tukuy Israel ayllupis watejmanta Betelman rillarqankutaj Señorpa ñaupaqempi waqamunankupaj. Chaypitaj tukuy p'unchayta mana mikhusqas karqanku, chanta Señorman jaywarqanku q'olachinasta, chantá allinyakuna jaywanastawan.

Jueces 21:4

Q'ayantintaj israelitasqa tutamanta jatarikorqanku, uj altarta ruwaspa jaywarqanku q'olachinasta, chantá allinyakuna jaywanastawan.