Levítico 26:6 - Qheshwa Biblia DC

⁶ Qankunaman qosqaykichej allin kakuyta chay jallp'api, manataj pata patallatachu puñunkichej; noqa chay jallp'ata jark'asaj sajra monte animalesmanta, jinallataj ch'ajwasmanta.

DIOSPA QHELQACHISQAN DEUTEROCANONICAL

⁶ Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

DIOSPA QHELQACHISQ

⁶ Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Levítico 26:6 Iomraidhean Croise

2 Reyes 2:24

Eliseotaj qhepanta qhawarikamuspa chay waynuchitusta rikuytawan Señorpa sutimpi maldiciyta qallarerqa. Iskay jukumaristaj sach'as ukhumanta llojsimuspa, chay waynuchitusta tawa chunka iskayniyojta wañuracherqa.

1 Crónicas 22:9

Qampata uj qhari wawayki kanqa. Chaytaj tukuywan allinta kausakonqa. Chay jawaqa, noqa saqesaj tukuy enemigosninwan allinta kausakunanta. Chayrayku, Salomón sutin kanqa. Tiempompitaj Israelman qosaj sonqo samakuyta, kusiyllata tiyakuytawan.

2 Crónicas 20:30

Ajinata Josafat kamachishajtenqa mana ima ch'ajwaspis karqachu, Dios chay qaylla nacioneswan sonqo tiyasqa kausayta qorqa.

Job 11:19

Ni imapis puñushajtiyki mancharichisoj kanqachu, ashkhas jamusonqanku yanapayniykita mask'aspa.

Job 5:23

Rumis ukhupipis chajrasniykeqa poqollanqankupuni, chaykunawampis tratoyoj kawaj jina, phiña animales kausaqesniyki kanqanku.

Salmos 144:14

Wakasninchejqa llank'anapaj kallpayojllapuni kanku, mana ni pi manchachikuspa qhaparinchu callesninchejpi.

Salmos 147:14

Pay jallp'aykiman sonqo tiyakuyta apamun, allin trigowan sajsachisunki.

Salmos 29:11

Señorqa ayllunta kallpachan. Señorqa sonqo tiyasqa kaywan ayllunta bendicin.

Salmos 3:5

Siriykuspa puñusqamanta rijch'arini, imaraykuchus Señorman jap'ikuwan.

Salmos 4:8

Sirikuytawan puñuykapuni, imaraykuchus qanlla, Señor, sajramanta jark'awaspa kausachiwanki.

Salmos 85:8

Uyarisaj imatachus Señor parlanqa chayta. Payqa sonqo tiyakuymanta ayllunman parlanqa, Payqa qhatejkunaman ama watejmanta musphaykachanankupaj.

Éxodo 23:29

Chay runastaqa ñaupaqeykimanta mana uj watallapichu qharqosaj, chay jallp'a ch'umiyanampaj, nitaj chaypi ima monte sajra animalespis chaypi miranankupaj, jinamanta qankunata manchachinasuykichejpaj.

Proverbios 3:24

Puñukapuspaqa ni imamanta manchachikunkichu, sumaj misk'ejta puñurikunki.

Proverbios 6:22

Puriyniykipi pusasonqa, puñushajtiyki waqaychasonqa, rijch'arejtiykikama qanwan parlanqanku.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 35:9

Chaypeqa mana leones tiyanqankuchu, nitaj runa mikhoj animalespis chaynejta purenqankuchu. Chay ñanninta librasqa kajkunalla purenqanku.

Isaías 45:7

Noqa ruwani k'anchayta, laqhayayta. Noqallataj ruwani sonqo tiyakuyta, llakiytapis. Noqa Señorlla chay tukuy imastaqa ruwani.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 31:26

Mosqokushaspa rijch'ariytawan ñawisniyta kicharerqani, puñuyniytaj atipawarqa.

Ezequiel 14:15

Sichus uj llajtaman millay animalesta kachaykamuyman chaypi tiyakojkunata wañurachinampaj, ch'inman tukuchinankama, nitaj pipis chayninta pasayta atinampaj jina chay millay animalesta manchachikuspa.

Ezequiel 14:17

Sichus chay nacionman ch'ajwata chayachimuyman, kamachiymantaj runas, jinallataj animalespis wañuranankuta. Chay kinsa runas chaypi kausashankuman chaypis, manapuni salvayta atinkumanchu, qhari wawasninkuta, nitaj warmi wawasninkutapis, paykunalla kinsantinku salvakunkuman. Noqa Señormin kausayniyrayku jurani.

Ezequiel 14:21

Noqa Señormin nini: Aswanraj kanqa maypachachus noqa tawantin sinch'i jasut'iyniyta Jerusalenman apachimojtiy. Ch'ajwata, yarqhayta, millay animalesta, onqoykunata ima, runata, uywasta ima wañurachinampaj.

Ezequiel 34:25

Sonqo tiyaykuchej tratota paykunawan ruwasaj, jallp'amantaqa tukuy millay khurusta wijch'usaj, ovejasniy mana ima llakiyniyoj ch'in pampaspi tiyakunankupaj. Orqospitaj mana ima llakiyniyoj puñukonqanku.

Ezequiel 34:27

Campospi kaj sach'asqa sumajta poqonqanku. Jallp'astaj sumaj poqoyta qonqanku. Ajinamanta ovejasneyqa kikin jallp'ankupi mana ima llakiyniyoj kausanqanku. Noqa aylluyta kacharichisaj, pikunachus ñak'aricherqanku chaykunaj makisninmanta, chaypacharaj noqa Señor kasqayta yachanqanku.

Ezequiel 5:17

Noqapuni apachimusqaykichej yarqhayta, onqoyta, wañuyta ima. Sajra animalestataj kachamusqaykichej mana wawasniyojta saqesunaykichejpaj, saqesajtaj qankunamanta ashkhas ch'ajwapi wañuranaykichejta. Noqa Señormin chaytaqa nini.

Oseas 2:18

Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

Oseas 2:20

Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

Levítico 25:18

Leyesniyta kasuychej, imatachus kamachisqasniytapis junt'aychej. Chaykunata allinta ruwankichej chayqa, tukuy sonqo allinta tiyakunkichej chay jallp'api.

Levítico 25:19

Jallp'aqa sumajta poqopusonqachej, qankunataj chaykunata mikhurinkichej sajsakunaykichejkama. Jinata tukuy sonqo allinta tiyakunkichej.

Levítico 26:22

Qankunaj jallp'asniykichejman apachimusaj sajra monte animalesta wawasniykichejta mikhunankupaj, uywasniykichejtapis tukuchinankupaj. Jinamanta qankunapis pisiyankichej, ñankunasniykichejpis ch'inllaña qhepakonqanku.

Levítico 26:25

Qankunaj pataykichejman maqanakuta apachimusaj, tratonchejta p'akisqaykichejrayku. Qankunataj ayqekunkichej llajtasniykichejman pakakoj. Noqataj chayman onqoykunata apachimusqaykichej, jinamanta qankunaqa enemigosniykichejpa makisninkuman urmankichej.

Levítico 26:7

Qankunaqa enemigosniykichejta ayqechinkichej, paykunataj ñaupaqeykichejpi espadawan t'ojsisqas wañuranqanku.

Miqueas 4:4

Jinaqa tukuy kausanqanku ni ima manchayniyoj; sapa ujtaj samarikuyta atenqa uvasninku llanthupi, jinataj higueronkoj llanthoj urampi. Kaykuna, Tukuy Atiyniyoj Señorpa kikin palabrasnin kanku.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Hageo 2:9

Kay qhepa kaj temploqa aswan sumaj kanqa, ñaupajta karqa chay templomanta nisqaqa. Chaypachataj kaypi runasman sonqo tiyakuyta noqa qosaj. Noqa, Tukuy Atiyniyoj Señor kaytaqa nini.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

San Juan 14:27

Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

Hechos 12:6

Herodes orqhochimunan kashajtin, chay tuta Pedro iskay soldadospa chaupimpi puñusharqa, iskay cadenaswan watasqa. Waj soldadostaj cárcel punkuta qhawasharqanku.

Romanos 5:1

Fenejta salvasqas kaspa, Dioswan allinyachisqas kanchej, Señorninchej Jesucristonejta.