Levítico 26:5 - Qheshwa Biblia DC

⁵ Trigo oqharisqaykichejqa uvas pallanaykichejkama kanqa. Uvasniykichejtaj kapusonqachej tarpuy tiempokama. T'antata mikhunkichej sajsakunaykichejkama. Tukuy sonqo allinta tiyakunkichej chay jallp'api.

DIOSPA QHELQACHISQAN DEUTEROCANONICAL

⁵ Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

DIOSPA QHELQACHISQ

⁵ Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

Levítico 26:5 Iomraidhean Croise

Salmos 144:13

Pirwasninchejqa tukuy imaymana mikhunaswan junt'a kanku. Uywasninchejqa jallp'asninchejpi waranqa waranqasta mirarinku.

Salmos 90:1

Señor, qanmin pakakunayku kanki tukuy mitakunapi.

Éxodo 16:8

Moisesqa nillarqataj: Ch'isiyaykuyta Señorqa aychata qosonqachej mikhunaykichejpaj; tutamantataj t'antata qosonqachej sajsakunaykichejkama mikhunaykichejpaj, imaraykuchus Señorqa uyarimusunkichej paypa contranta rimasqaykichejta. Noqaykoqa, pistaj kaykuri? Qankunaqa mana noqaykoj contraykutachu rimankichej, manachayqa Señorpa contranta rimashankichej.

Proverbios 1:33

Pichus noqata uyariwajqa may kusisqa tiyakonqa, ni ima sajramanta manchachikuspa.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Isaías 1:19

Kasukuyta munankichej chayqa, sumaj jallp'aj poqoyninta mikhunkichej.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Oseas 2:18

Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

Oseas 2:20

Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

Joel 2:22

Campospi kaj animalespis, ama manchachikuychejchu, imaraykuchus watejmanta pastosqa q'omeryanqaña. Sach'aspis poqonqanku. Kallanqataj ashkha higos, jinataj uvaspis atipasonqachej.

Joel 2:26

Sumajta sajsakunaykichejkama mikhunkichej. Tukuy Atiyniyoj Señor Diosniykichejtataj yupaychankichej. Pay jatun t'ukuna imasta ruwan qankunarayku. Llajtayqa mana jayk'ajpis p'enqachisqachu kanqa.

Amós 9:13

Jamushan p'unchaykuna, trigota oqharishallajtinkuraj barbechana p'unchay chayamonqa. Manaraj uvasta ch'irwayta tukushajtinku, ñapis trigo tarpuna chayamonqaña. Chaykamataj vinoqa tukuy orqosta kinraykunasta ima jich'akuspa yaku jina purirenqa.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

Hechos 14:17

Chaywampis Diosqa, allinta runaswan rejsichikorqa: Sumajta ruwaspa, parata apachimun, chajrasta tiempompi poqochin, mikhuna patapi uywasunkichej, sonqoykichejtataj kusiywan junt'achin.

Deuteronomio 11:15

Uywasniykichejpaj camposniykichejpi pastosta wiñachisaj. Qankunapajpis mikhuna kanqa sajsakunaykichejkama.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.