Levítico 26:44 - Qheshwa Biblia DC

⁴⁴ Chay tukuywampis enemigoj llajtampi tiyakushajtiykichejpis, noqaqa mana qhesachasqaykichejchu, mana tukuchisqaykichejchu, nitaj ñaupa tatasniykichejwan tratota ruwasqaytapis p'akisajchu. Noqamin kani qankunaj Señor Diosniykichejqa.

DIOSPA QHELQACHISQAN DEUTEROCANONICAL

⁴⁴ Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani.

DIOSPA QHELQACHISQ

⁴⁴ Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani.

Levítico 26:44 Iomraidhean Croise

Génesis 17:7

Kay tratota qanwan ruwasqayqa mirayniykej mirayninman ima chayanqa; noqa qampa Diosniykipuni kasaj, jinallataj paykunajtapis.

2 Reyes 13:23

Paykunamantataj Señorqa khuyakorqa, khuyaqaspataj paykunata qhawarerqa, Abrahamwan, Isaacwan, Jacobwan ima uj tratota ruwasqanrayku, paypa ñaupaqenmanta manataj wijch'uyta, chinkachiytapis kunankama munarqachu.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Nehemías 9:31

Chaywampis jatun khuyakuyniykirayku mana paykunataqa tukuyninkutachu tukucherqanki, nitaj saqerparerqankichu; khuyakoj Dios, munakuyniyojtaj kasqaykirayku.

Salmos 103:13

P'enqaypi rikhurichunku, kausayniypa enemigosnin. P'enqaypipuni rikhurichunku, mana allin kayniyta munajkunaqa.

Salmos 89:33

Chaywampis Davidta munakullasajpuni, paywan trato ruwasqaymantapis yuyarikullasajpuni.

Salmos 94:14

Señorqa mana ayllunta saqenqachu, nitaj wawasnintapis qonqanqachu.

Jeremías 14:21

Sutiyki may jatunchasqa kasqanrayku, ama qhesachawaykuchu ari, amataj aylluykita sajra ñawiwan qhawaychu, maypichus may uyarisqa tronoyki kashan chaytaqa, yuyarikuy noqaykuwan tratota ruwasqaykita.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Ezequiel 16:60

Noqataj sipas kashajtiyki qanwan tratota ruwasqayta yuyarikusaj, chantá uj tratota qanwan wiñaypaj ruwasaj.

Romanos 11:2

Diosqa ayllunta mana qhesachanchu, imaraykuchus ñaupajmantapacha rejserqa. Chayrí, manachu yachankichej escribisqapi imatachus Eliasmanta nisqanta? Imaynatachus pay Israelpa contranta Diosman willakusqanta?, nispa: Señor, profetasniykita wañurachinku, altaresniykitapis urmarachinku, noqallaña qhepakuni; kunanrí noqatañataj wañuchiwayta munashanku.

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

Jueces 2:1

Señorpa angelnin rerqa Gilgalmanta Boquinman, israelitasmantaj nerqa: Noqa Egiptomanta orqhomorqaykichej qankunata, ñaupa tatasniykichejman qosqaykichej nerqani chay jallp'akama pusamorqaykichej, chaypacha paykunaman nerqani: Mana jayk'ajpis qankunawan tratoyta p'akisajchu, sichus qankuna chay llajtayojkunawan waj tratota mana ruwankichejchu chayqa, manachayqa altaresninkuta phirinkichej nerqani. Qankunataj mana kasuwarqankichejchu. Imaraykutaj jinata ruwarqankichejrí?