Levítico 26:39 - Qheshwa Biblia DC

³⁹ Chanta pikunachus kausasqankichejraj enemigosniykichejpa jallp'asnimpi chaykunaqa, juchasniykichejrayku umphuyankichej. Tatasniykichejwan khuska wañunkichej paykuna juchachasusqankurayku.

DIOSPA QHELQACHISQAN DEUTEROCANONICAL

³⁹ Chantá pikunachus awqaykichejpa jallp'ankupi kawsashajkunarajqa juchaykichejrayku wañunkichej. Tata mamaykichej millayta ruwaspa purisqankurayku, paykunawan khuska wañunkichej.

DIOSPA QHELQACHISQ

³⁹ Chantá pikunachus awqaykichejpa jallp'ankupi kawsashajkunarajqa juchaykichejrayku wañunkichej. Tata mamaykichej millayta ruwaspa purisqankurayku, paykunawan khuska wañunkichej.

Levítico 26:39 Iomraidhean Croise

2 Crónicas 34:24

Ajinata noqa Señorqa nini: Uj jatun llakiyta apachimusaj kay cheqaman, chaypi tiyakojkunamampis, imaynatachus Judáj reynimpa ñaupaqempi leenkichejña chay libropi, llakiykunas jamunanmanta nisqanman jina.

Esdras 9:7

Unaymantapacha kunankamaqa may jatun juchapi kausayku. Sajra kausayniykurayku, noqayku, jinallataj reykunasniykupis, sacerdotesniykupis jap'ichisqas karqanku, waj llajtamanta reykunaj makisnimpi. Chantapis nanachisqas, wijch'usqas, suwasqas, p'enqachisqastaj karqanku. Kunankamataj jinallapuni kausashayku.

Nehemías 1:9

Sitajchus qanman kutirikamuspa kamachiykunasniykita junt'aykuman, nisqasniykitataj ruwaykuman chayqa, kay pachaj k'uchusninmampis ch'eqerasqas kaykuman chaypis, qan chaykunamanta kutichimuspa, maypichus sutiyki jatunchasqa kanampaj ajllakorqanki chay cheqaman watejmanta tantaykunawaykuta.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

Isaías 14:21

Wakichiychej wawasninkuta wañuchinaykichejpaj, tatasninku juchallikusqankurayku; amaña oqharikuspa jallp'ata jap'ikunankupaj, nitaj kay pachata llajtaswan junt'achinankupaj.

Isaías 24:16

Kay mundoj k'uchusninmantapacha takejta uyariyku: Cheqanchajqa jatunchasqa kachun, nispa. Noqataj nerqani: Ay, kay llakiy kasqaymanta. Ay, kay llakiy kasqaymanta! Wasanchajkunaqa mana sayk'uspa wasanchanku.

Jeremías 29:12

Chantaqa qankuna noqaman qhaparikuwankichej, mañakojtaj jamuwankichej, noqataj uyarisqaykichej.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 31:29

Jaqay p'unchaypeqa manaña ninakonqankuchu: Tatasqa mikhunku k'allkusqa uvasta, wawasninkurí kirusninkuta chañachikunku, nispa.

Lamentaciones 1:3

Judá llajtapi tiyakojkunaqa karuman apachisqas karqanku; chaypeqa may ñak'arichisqas kanku, mana ruway atina kamachipitaj. Waj nacionespa chaupimpi tiyakojqa, manataj samakuyta jap'iyta atinchu. Tukuynin enemigosnenqa ujllata qhatiykuspa, uj k'ullkupi jina jap'erparerqanku.

Lamentaciones 4:9

Espadaswan wañuchisqa kajkunaqa allin wañuyta wañunku, yarqhaywan ch'ayñaspa wañojkunamanta nisqaqa. Kaykunasqa pisimanta pisi kay jallp'a patapi mana mikhuna kajtin wañorqanku.

Ezequiel 18:19

Qankuna tapurikunkichejchá: Imaraykutaj wawaqa tatampa juchasninmanta mana paganmanchuri? Imaraykuchus wawaqa maychus kajta, cheqanta ruwarqa. Tukuy leyesniyta waqaycharqa, junt'arqataj. Chayrayku payqa kausanqa.

Ezequiel 20:43

Chaypitaj yuyarikunkichej tukuy mana allinta purisqaykichejmanta, sajra imasta ruwaspa ch'ichichakusqaykichejmantawan. Qankuna kikiykichejtataj millachikunkichej tukuy juchasniykichejmanta.

Ezequiel 24:23

Uyaykichejta mayt'ukunkichej, ujut'astapis churakunkichej. Manaña llakikunkichejchu, nitaj waqankichejchu. Manachayqa sajra ruwayniykichejrayku tukukunkichej, ujkuna ujkunawantaj waqapayanakunkichej.

Ezequiel 33:10

Runa, qan Israel aylluman niy: Qankunaqa kay jinata parlakunkichej: Mana kasukusqanchejqa, juchasninchejpis patanchejpi kanku, chaykunarayku kausayninchejpi tukukushanchejña, imaynata kausayta atisunmanri?, nispa.

Ezequiel 36:31

Chaypachataj, mana allin purisqaykichejmanta, sajra imasta ruwasqaykichejmantawan yuyarikunkichej. Qankuna kikiykichej sajra purisqaykichejmanta, mana allin imasta ruwasqasniykichejmantawan p'enqakunkichej.

Ezequiel 4:17

Yakoqa paykunapaj pisiyanqa, jinallataj mikhuypis, ujkuna ujkunaqa may manchasqas qhawanakonqanku. Juchasninkurayku kausayninkupi chinkayman renqanku.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Zacarías 10:9

Tukuy llajtasnejta noqa ch'eqeracherqani, chaywampis may karupi kashaspapis noqamanta yuyarikuwanqankupuni. Uj p'unchaytaj kutimonqanku wawasninkuwan khuska.

Números 14:18

Imamantapis mana usqhayta phiñakusqaykita, munakuyniykeqa may jatun kasqanta, ima sajra juchamantapis perdonasqaykita, jinallataj qampa contraykipi oqharikojtapis. Nillarqankitaj juchayojtapis mana jasut'isqaykita, manachayqa tatasninkoj juchasninta jasut'isqaykita, wawasninkuta allchhisninkuta, allchhisninkoj wawasninkuta, allchhisninkoj allchhisninta ima.

Deuteronomio 28:65

Chay nacionespi mana sonqo tiyasqa kayta atinkichejchu, nitaj uj cheqallapi kakuytapis. Señorqa sustullichisonqachej, tukuchisonqachejtaj waqay ñawisniyojman, llakisqa sonqosniyojman ima.

Deuteronomio 30:1

Kay tukuy nisqasniy qankunaman jamojtin, bendicionchus, chayri maldicionchus, ñaupaqeykichejpi churasqay chaykuna chay nacionespi, maymanchus Señor Diosniykichej wijch'usorqachej, chaypi sichus kaykunapi umachakuwajchej chayqa, sichus qankuna wawasniykichej ima Señorman kutirinkichej kasuspa tukuy sonqoykichejwan, tukuy almaykichejwampis kunan noqa kamachishaykichej chayman jina.

Deuteronomio 5:9

Ama chaykunaman qonqorikunkichu, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chanta allchhisninkupi, nieto allchhisninkupi ima.

Deuteronomio 8:20

Imaynatachus Señor nacionesta ñaupaqeykichejmanta chinkachenqa, ajinallatataj qankunatapis Diosqa chinkachisonqachej, sichus payta mana kasunkichejchu chayqa.