Levítico 26:36 - Qheshwa Biblia DC

³⁶ Pikunachus enemigoj llajtampi kausankichejraj chaykunaman sinch'i manchachikuyta qosqaykichej, ayqenkichejtaj sach'a laqhe urmaspa chhaj nejtillan. Ajinata ayqenkichej pipis espadawan qhatishasunkichejman jina. Jinamanta qankunaqa mana pi imanashajtillan urmankichej.

DIOSPA QHELQACHISQAN DEUTEROCANONICAL

³⁶ Pikunachus awqaykichejpa llajtanpi kawsashajraj qhepakojkunata sinch'ita manchachisaj. Chayrayku sach'a laqheta urmajta uyarispalla ayqenqanku. Qankunaqa pipis wañuchinapaj espadawan qhatiykachashanman jina ayqenkichej. Mana pipis qhatiykachashajtillan urmankichej.

DIOSPA QHELQACHISQ

³⁶ Pikunachus awqaykichejpa llajtanpi kawsashajraj qhepakojkunata sinch'ita manchachisaj. Chayrayku sach'a laqheta urmajta uyarispalla ayqenqanku. Qankunaqa pipis wañuchinapaj espadawan qhatiykachashanman jina ayqenkichej. Mana pipis qhatiykachashajtillan urmankichej.

Levítico 26:36 Iomraidhean Croise

Génesis 35:5

Paykuna chaynejmanta llojsejtinkutaj Dios qorqa manchachikuyta, chay qayllasnimpi kaj llajtas manchachikunankupaj. Chayrayku Jacobpa wawasninta mana qhaterqankuchu.

Génesis 4:12

Kunanqa llank'ashajtiykipis jallp'aqa manaña poqosqanta jinachu poqonqa. Qanqa mundontimpi muyuskiri kanki, mana jayk'aj samarikuyta tarejtaj.

2 Crónicas 14:14

Chaymantataj atipallarqankutaj Gerar qayllaspi karqanku chay llajtastapis, tukuyninkutaj Señorpa ñaupaqempi manchachikuyta qallarerqanku. Judamanta kajkunaqa chay llajtasmanta orqhorarqanku tukuy imas kajta, qhapaj imasta.

Job 13:25

Noqaqa wayraj apaykachasqan laqhe jina kani; imaraykutaj chay jinata chinkachiyta munawankiri? Noqaqa ch'aki ichhu jina kani, imaraykutaj qhatiykachallawankipuniri?

Salmos 53:5

Mana imapis manchachikunapaj kashajtimpis, paykunaqa manchachikuywan kharkatenqanku. Diosqa ayllumpa enemigosnimpa tullusninta t'akaranqa. Paykunaqa p'enqaypi rikhurenqanku Dios qhesachasqanrayku.

Salmos 53:6

Ichapis Sión orqomanta, Israelpaj salvacionnin chayamunman, Señor ayllunta kacharichispa pusakampojtin. Jacobpa mirayninmanta kajkuna, Israel ayllumanta kajkunapis kusikonqanku.

Salmos 89:43

Espadanta muthuman tukucherqanki, manataj maqanakupi yanaparqankichu.

Proverbios 28:1

Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

Isaías 30:17

Uj enemigota rikuspalla waranqa runas ayqekunkichej, phishqa enemigosta rikuytawan tukuyniykichej ayqekunkichej, uj orqopi sapan sayashaj k'aspi jinalla qhepakunaykichejkama, chayrí uj lomapi uj wiphayla jina qhepakunaykichejkama.

Isaías 7:2

Chaytataj Judapi rey Acazman willamorqanku: Siriamanta kajkunawan, Efrainmanta kajkunapiwan ujllaman ujchakusqankuta, nispa. Chayta uyarispataj reywan, runasninwanqa maytapuni qharakatiterqanku, wayramojtin orqo sach'as kuyunku jinata.

Jeremías 37:10

Qankunaman yaykumushasunkichej chay caldeo soldadostapis atipawajchej chayqa, manañapis runas campamentopi qhepakunmanchu, manachayqa uj mashkha nanachisqas kajkunallaña kanman chaypis, chay runas atinkumanraj jatarimuyta ninata llajtaman jap'iykuchiyta.

Jeremías 46:16

Soldadosniyki misk'akunku, urmankutaj, ujkuna ujkunamantaj ninakunku: Kaymanta jaku ripunachej, kutipunachej jallp'anchejman, chay nacekusqanchej jallp'aman. Sinch'i maqanakuy ch'ajwayninmanta ayqenachej.

Lamentaciones 1:3

Judá llajtapi tiyakojkunaqa karuman apachisqas karqanku; chaypeqa may ñak'arichisqas kanku, mana ruway atina kamachipitaj. Waj nacionespa chaupimpi tiyakojqa, manataj samakuyta jap'iyta atinchu. Tukuynin enemigosnenqa ujllata qhatiykuspa, uj k'ullkupi jina jap'erparerqanku.

Lamentaciones 1:6

Siompa ususimpata tukuy k'achita kaynenqa chinkaporqa; kurajkunasnenqa pastota mana tariy atej tarukas jina karqanku; qhatiykachajkunaj ñaupaqenta kalpi kalpilla ñak'ayllataña ayqekorqanku.

Lamentaciones 4:19

Noqaykuta tukuchinawaykupaj qhatiykachajkunaqa, ankasmantapis astawan sinch'ita phinkiykachanku. Tukuy orqospi mask'awayku, jap'inawaykupajtaj tukuy ch'inkunaspi misk'anasta churanku.

Ezequiel 21:12

Qantaj, sonqo nanayta qhapariy, imaraykuchus kayqa aylluyta wañurachinapaj wakichisqa kashan, tukuy Israelta kamachejkunapajtaj. Paykunaqa aylluywan khuska wañuranankupaj juchachasqas kanku, chayrayku llakiywan pechoykita takakuy.

Ezequiel 21:15

Chay espadaqa ashkha runasta manchachenqa, ashkhatataj wañurachenqa. Tukuy paykunaj wasinkoj punkumpi wañuchej espadata churarqani. Espadaqa sumaj llosq'ochasqa lliphipirinampaj, wañurachinapaj sumaj afilasqa kashan.

Ezequiel 21:7

Imamantachus waqasqaykita tapurisojtinkutaj ninki: Uj llakiy imas chayamunanmanta yachaspa waqashani. Chaypachataj tukuy runaspa sonqon mancharenqa, makisnintaj llauch'iyanqanku. Tukuy runaspa qonqorisninkutaj manchariywan kharkatitenqanu. Chay p'unchayqa chayamushanña, chayqa jinapuni kanqa. Noqa Señor chaytaqa nini.

Oseas 8:3

Jinapis Israelqa allin kajta qhesachan, chayraykutaj enemigosnin payta qhatiykonqanku jap'inankupaj.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Levítico 26:35

Raqayaypi kanankama jallp'aqa samakonqa, qankuna chaypi tiyashajtiykichej mana samakushankumanta.

Deuteronomio 1:44

Chaykunapi tiyakoj amorreostaj qankunawan maqanakoj jamorqanku, atipaspataj qhatiykamusorqachej wayronqos jina, Seirpi atipaspa Hormakama.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

Josué 7:5

Chaypacha wañucherqanku kinsa chunka sojtayoj israelitasta. Wakintataj qhatiykorqanku llajta punkumanta canteraskama, wakintataj chay tukuy uraypi mayta waqacherqanku. Chayrayku israelitasqa maytapuni q'ewakorqanku, manaña maqanakuyta munarqankuchu.

1 Samuel 17:24

Tukuy israelitasqa chay runata rikuytawan mayta mancharikuspa ayqej kanku ñaupaqenmantaqa.