Levítico 26:32 - Qheshwa Biblia DC

³² Llajtaykichejta t'unasaj, chaymantaj tiyakoj jamonqanku enemigosniykichej. Paykunataj t'ukushaj qhepakonqanku.

DIOSPA QHELQACHISQAN DEUTEROCANONICAL

³² Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

DIOSPA QHELQACHISQ

³² Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

Levítico 26:32 Iomraidhean Croise

1 Reyes 9:8

Kay wasitaj chhika sumaj qhawasqa kashaspapis chayninta tukuy pasajkuna t'ukonqanku asikonqankutaj: Imajtintaj Señorqa kay wasita jallp'antapis kay jinata ruwanrí?, nispa.

Isaías 24:1

Señorqa kay jallp'ata ch'usajllata, q'arallatataj saqenqa. Jallp'a patataj tijranqa, chaypi tiyakojkunatataj ch'eqerachenqa.

Isaías 5:6

Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

Isaías 5:9

Tukuy Atiyniyoj Señorqa niwan, ashkha wasis thuñisqas kananta; manañataj pipis chay wasispi tiyakunanta, jatuchajpis kachun, k'achituspis kachun.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Isaías 64:10

Ajllakusqayki llajtasqa chay jina ch'impacha. Sión llajtaqa ch'impacha, Jerusalempis raqaykunalla kashan.

Jeremías 12:11

Ch'in pachata, q'ara pampatataj saqerparinku. Tukuynin jallp'a ch'inyachisqa kashan, manataj pipis imanej kanchu.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 19:8

Kay llajtata uj ch'inman tukuchisaj, uj imamanta t'ukunapaj jinataj tukuynin phirisqa kasqanmanta.

Jeremías 25:11

Tukuy kay llajta phishqa kanqa, raqaykunasmantaj tukuchisqas kanqa. Qanchis chunka watas junt'ata kay naciones Babilonia reypa makisnimpi kanqa.

Jeremías 25:18

Chay copata jaywarqani Jerusalenman, Judá llajtaman, reykunasninkuman, jinataj kurajkunasninkumampis. Chaykunata tukuchinaypaj, raqaykunasllataña saqeranaypaj, may t'ukunapaj, mancharikunapaj jina, tukuy rikojkuna wananankupaj jina.

Jeremías 25:38

Imaynatachus uj leonqa thapanmanta llojsin ajinata llojserqa, paykunaj jallp'ankutaj raqaykunasllapiña rikhurerqa, Señorpa phiñakuynin jap'iykukusqanrayku, uj sinch'i maqanakutataj paykunaman apacherqa.

Jeremías 33:10

Señorqa nin: Qankuna ninkichej kay cheqan ch'in kasqanta, chaypi runas nitaj uywaspis mana kasqankuta; Jerusalempa callesnin Judajpa llajtasnimpis ch'usaj pacha kasqankuta, ni runaspis, nitaj uywaspis chaypi kasqankuta.

Jeremías 44:22

Señorqa manapuni rikuyta aterqachu qankunaj chay millay ruwasqasniykichejta, chay ruwasqasniykichejqa payman mana allimpajchu rijch'an. Chayraykumin qankunaj jallp'aykichejqa ch'inyachisqa kashan, mana runayoj; tukuy yachaqakunampaj jina maldicisqa mancharikunapaj jina kashan.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Lamentaciones 4:12

Manapuni jayk'ajpis kay mundopi kaj chhika reyes, nitaj tukuy runaspis yuyarqankuchu, Jerusalén llajtaj punkunta enemigos, contraypi kajkuna ima chay jinatapuni junt'aykunankutaqa.

Lamentaciones 5:18

Sión orqoqa ch'impacha, atojkunallaña chaykunapeqa purishanku.

Ezequiel 5:15

Maypachachus noqa qanta jasut'isqayki, k'ajaj phiñakuyniywan sinch'ita ñak'arichisqayki chaypacha, tukuy runakuna alqochakusonqanku, mana allimpajtaj qhawasonqanku. Muyuyniykipi kaj naciones millachikusonqanku, jatun manchachikuyninkupajtaj kanki. Noqa Señormin kaytaqa nini.

Daniel (hebreo) 9:18

Diosniyku, uyarillawayku ari. Qhawariy kay jina mana imayoj rikhurisqaykuta, jinallataj sutiykita yupaychana llajtatapis. Mana kausayniykupi cheqanta ruwasqaykuta creekuspachu qanmanta majakushayku, mana chayqa qampa jatun khuyakuyniykipi creespa.

Daniel (hebreo) 9:2

Ñaupaj kaj watata rey kashajtin, noqa Daniel, Diospa palabranta leekusharqani profeta Jeremiaspa librompi, qanchis chunka watas junt'akuna kasqanta Jerusalén urmanampaj, profeta Jeremiasman Señorpa nisqanman jina.

Habacuc 3:17

Chaypachamari kusiywan junt'a kasaj Salvawajniy Señorniyrayku. Payta yupaychasaj amapis higo sach'as t'ikachunkuchu, amapis uvaskuna nitaj olivospis poqochunkuchu; campopi chajraspis amapis poqochunkuchu, tropamanta ovejaspis tukukapuchunku, amañapis wakas kachunkuchu wasisninkupi.

San Lucas 21:20

Jerusalén llajtata soldadoswan muyurisqata rikuspa, loqhekuynin chayamusqanta yachankichej.

Deuteronomio 28:37

Chantaqa maymanchá Señorqa apachisonqachej chay llajtaspi, millaypaj qhawasqas kankichej, imaymanatataj kajta mana kajta parlakusonqachej, asipayasonqachejtaj.