Levítico 26:19 - Qheshwa Biblia DC

¹⁹ Wapu wapu runaykachayniykichejta phirita ruwasaj, manataj parachimusajchu, jinamanta jallp'asniykichejpis mana poqonqankuchu.

DIOSPA QHELQACHISQAN DEUTEROCANONICAL

¹⁹ Runaykachayniykichejta p'akinaypaj, mana parachimusajchu. Mana parasqanraykutaj jallp'apis mana poqonqachu.

DIOSPA QHELQACHISQ

¹⁹ Runaykachayniykichejta p'akinaypaj, mana parachimusajchu. Mana parasqanraykutaj jallp'apis mana poqonqachu.

Levítico 26:19 Iomraidhean Croise

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Reyes 8:35

Sichus janaj pacha wisq'akunman manataj paramunmanchu, paykuna qampa contraykipi juchallikusqankurayku, juchasninkumanta kutirikuspa kay wasipi mañakusunkuman, sutiykita oqharispa qan llakichisqaykirayku chayqa, Qanqa janaj pachamanta uyarimunki, kamachisniykej juchasninta pampachaspa, Israel llajtaykejtawan, yachachispa allin ñanniykipi purinankupaj; paratapis jallp'aykiman apachimunki, mayqentachus aylluykiman chayaqenkupaj qorqanki chayman.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Isaías 25:11

Moabqa puraj makisninta jaywatatanqa, imaynatachus yakupi wayt'aj runa makisninta jaywatatan, ajinata. Chaywampis Señorqa jatunchakuyninta chinkachenqa, jinallataj makisnimpaj kallpantapis.

Isaías 26:5

Payqa mayta runaykachajkunata urmachin, mayta runaykachaj llajtata k'umuykachachin, ajinata urmachiytawan jallp'aman tukuchin.

Isaías 28:1

Ay, Samaria, machasqa llajta, Efraimpa runaykachajnin pillun qawisqa t'ikawan jina k'achanchasqa, sumaj valle jallp'aj patampi kaj, vinoj atipasqan llajta!

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Ezequiel 30:6

Señorqa kay jinata nin: Egiptota yanapajkunaqa, ch'ajwapi wañuranqanku. Chay jatunchakoj sonqonqa urmanqa. Migdol nisqa jallp'amantapacha, Asuán nisqa jallp'akama chay ch'ajwapi espadaswan wañurachisqas kanqanku, nin Señorqa.

Ezequiel 33:28

Jallp'ataqa ch'in pampaman tukuchisaj, sumaj thuñisqamantaj. Chinkachisajtaj atienekushan chay atiyninta. Israelpa lomasnenqa ch'impacha qhepakonqa, manataj ima runapis chayninta purej kanqachu.

Ezequiel 7:24

Noqa Señor waj nacionesmanta sajra runasta pusamusaj, paykuna llajtapi wasista jap'ikaponqanku. Atiyniyojkunaj jatunchakuyninta chinkachisaj, yupaychanasninku cheqastataj mana allinman tukuchisaj.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Sofonías 3:11

Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

San Lucas 4:25

Cheqamanta nillaykichejtaj: Ashkha viudas karqanku Israelpi Eliaspa tiempompi; chaypachaqa kinsa wata sojta killayojta mana pararqachu; chaynejtataj anchapuni yarqhay karqa tukuynejpi.

Deuteronomio 11:17

Chayta ruwankichej chayqa, Señorta sinch'ita phiñachinkichej, paytaj mana parachimonqachu. Jallp'asniykichejtaj mana poqonqankuchu, qankunataj Señorpa qosusqaykichej jallp'amanta usqhayllata chinkachisqas kankichej.

Deuteronomio 28:23

Janaj pachaqa mana parata qosonqachejchu, kay pachapi jallp'aykichejtaj sinch'i, fierro jina kanqa.

1 Samuel 4:11

Diospa trato cajonnintapis apakaporqanku. Elejpa iskaynin wawasninta, Ofnita, Fineesta wañuracherqanku.

1 Samuel 4:3

Maypachachus israelita soldados jarankuman kutiporqanku chaypacha paykunaj kurajkunasninku nerqanku: Imaraykutaj Señorqa filisteoswan atipaykuchiwanchejri? Silomanta apakamusunchej Señorpa trato cajonninta, pay noqanchejpa chaupinchejta rinampaj, enemigosninchejmantataj jark'anawanchejpaj, nispa.