Levítico 20:3 - Qheshwa Biblia DC

³ Noqa chay runaj contran kasaj, chinkachisajtaj ayllusnin chaupimanta, tiyakunayta jinallataj santo sutiytapis ch'ichichasqanmanta wawanta, Molocman jaywaspa.

DIOSPA QHELQACHISQAN DEUTEROCANONICAL

³ Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

DIOSPA QHELQACHISQ

³ Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Levítico 20:3 Iomraidhean Croise

Éxodo 30:33

Pillapis kay aceiteman rijch'akojta ruwajqa, chayri kay aceitewan pitapis jawejqa, israelita ayllun ukhumanta chinkachisqa kanqa.

Ezequiel 20:39

Israel ayllu, kay jinata qankunaman Señorqa nisunkichej: Sichus noqata qankuna mana kasuwankichejchu chayqa, sapa ujniykichej lantisniykichejpa qhepanta ripuychej, paykunata yupaychamuychej. Ama llimphu sutiytaqa ch'ichichaychejchu rikuchikusniykichejta jaywaspa, nitaj lantisniykichejta yupaychaspapis.

Ezequiel 5:11

Chantapis Señorqa nin: Noqa kausayniyrayku jurani, tiyakunay cheqanta chhika millay juchaswan ch'ichichasqaykirayku noqapis qanta qhesachasqayki, mana perdonasqaykichu, nitaj khuyakusqaykichu.

Levítico 15:31

Ajinata qankunaqa israelitasta chay ch'ichi kay ninkumanta karunchachinkichej, chay jinamanta ama wañunankupaj, maynejpichus noqa paykuna ukhupi kashani chayta ch'ichichasqankurayku.

Levítico 17:10

Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

Levítico 18:21

Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

Levítico 19:12

Amamin sutiypi llullakuspaqa jurankichejchu, imaraykuchus jinamanta qankunaqa sutiyta qhesachawajchej. Noqamin Señorqa kani.

Levítico 20:4

Sichus chay llajtayojkuna chay runata mana wañuchinkuchu, qhawallankuman chay jinata ruwajta chayqa, noqa jatarisaj chay runajta, familiampatawan contrampi, jinamanta chinkachisaj ayllun ukhumanta, mayqenkunachus ch'ichichakorqanku Molocta qhatinku chaykunatawan.

Levítico 21:6

Manachayqa Diosninkupaj llimphuchasqas kachunku, Diosninkoj sutinta ama p'enqaypi qhawachichunkuchu; imaraykuchus paykuna rikuchikusta ruphachispa jaywanku. Jinallataj Señorpaj nisqa t'antatapis Diosman jaywanku, chayrayku llimphuchasqapuni kachunku.

Levítico 7:20

Pillapis ch'ichi kashaspa, chay allinyakuy rikuchikuta Señorman jaywasqamanta mikhojqa, ayllun ukhumanta chinkachisqa kanqa.

Levítico 7:21

Pillapis runaj ch'ichisninta, chayri uywaj ch'ichisninta llankhaspa, chayri ima mana allimpaj qhawasqata llujchispa, allinyakuy rikuchiku jaywasqa aychata mikhunman Señorpata karqa chayta chayqa, chay runa ayllun ukhumanta chinkachisqa kanqa.

Números 19:13

Sichus ima runapis ima ayata llankhajqa, manataj llimphuchakunchu chayqa, Dioswan tinkukuna toldota ch'ichichan, chayrayku chay runa israelitas ukhumanta chinkachisqa kanqa. Paypa patanman mana llimphuchakuy yakuwan ch'ajchusqa kasqanrayku payqa ch'ichipaj qhawasqa kanqa.

Números 19:20

Pichus ajina mana ch'isimpaj llimphuchakonqachu chayqa, ayllusnin ukhumanta chinkachisqa kanqa, Dioswan tinkukuna toldota ch'ichichasqanmanta, chay llimphuchakuy yakuwan mana ch'ajchuchikusqanrayku, ch'ichipaj payqa qhawasqa kanqa.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

1 Pedro 3:12

Señorpa ñawisnenqa cheqan kajkunata qhawashan, ningrisnimpis paykunaj mañakusqankuta uyarishan. Astawampis Señorqa sajrata ruwajkunaj contrampi kashan.