Levítico 19:18 - Qheshwa Biblia DC

¹⁸ Ama llajta masiykimanqa ima sajramanta ayñita kutichinkichu. Runa masiykita ama chejninkichu. Astawanqa, paykunata munakuy qan kikiykita jina. Noqamin Señorqa kani.

DIOSPA QHELQACHISQAN DEUTEROCANONICAL

¹⁸ Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

DIOSPA QHELQACHISQ

¹⁸ Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

Levítico 19:18 Iomraidhean Croise

Génesis 4:23

Uj kuti Lamecqa nerqa warmisninman: Ada, Zila, sumajta uyariwaychej imatachus nisqayta: Warmisníy: Uj runata wañuchini wajtawasqanrayku; uj waynatataj sajmawasqanrayku.

2 Samuel 13:22

Absalonqa mana imatapis nerqachu Amnontaqa, chaywampis payta sinch'ita chejnikorqa, panan Tamarpa honranta t'akasqanmanta.

2 Samuel 13:28

Absalontaj kamachi runasninta kamachisqa: Sumajta qhawankichej Amnonta, umanta vino muyuchejtinñaqa, noqa nisqaykichej wañuchinaykichejta, qankunataj chaypacha wañuchinkichej. Ama manchachikunkichejchu chayta ruwayta, noqa jinata kamachisusqaykichejrayku. Ajinaqa kallpachakuychej wapuchakuychejtaj.

Salmos 103:9

Ama qhesachawaychu achachiña kajtiy. Ama saqerpariwaychu manaña kallpayoj kajtiy.

Éxodo 20:16

Ama qhasimanta runa masiykej contranta llullakuspa parlankichu.

Proverbios 20:22

Amapuni jayk'ajpis parlankichu sajramanta aynita kutichiytaqa; Señorman atienekuy, paymin atipachisonqa.

Levítico 19:34

Paykunata qankuna kikiykichejta jina qhawaychej, paykunata munakuychej, imaraykuchus qankuna kikillantaj. Qankunapis yuyarikuychej, karu llajtayoj jinallataj Egipto jallp'api tiyakusqaykichejta. Noqamin Señor Diosniykichejqa kani.

San Mateo 19:16

Chaypacha, Jesusman uj runa qayllaykuspa nerqa: [K'acha] Maestro, ima sumaj kajtataj ruwasaj wiñay kausayniyoj kanaypajri?

San Mateo 19:19

Tataykita, mamaykitapis respetay, runa masiykitapis munakunki qan kikiykita jina.

San Juan 13:34

Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej.

Hechos 16:28

Pablotaj sinch'ita qhaparerqa: Ama imanakuychu, tukuyniyku kaypi kakushayku, nispa.

Romanos 12:17

Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi.

Romanos 12:19

Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa.

Romanos 13:4

Kamachejqa Diospa kamachisqanta ruwan, qampa allinniykipaj. Chantá mana allinta ruwanki chayri, manchachikuy, imaraykuchus kamachejqa manamin qhasipajchu espadataqa apaykachan. Payqa Diospa kamachinmin; jasut'iwantaj sajrata ruwajta kutichinampaj.

Romanos 13:9

Leyqa jinata nin: Ama qhenchachakunkichu, ama wañuchinkichu, ama suwankichu, [ama qhasimanta tumpankichu,] ama wajpa imanta munapayankichu. Mayqen kamachillapis kay nisqapi junt'akun: Runa masiykita munakunki qan kikiykita jina.

Gálatas 5:14

Tukuy leyqa kay kamachiyllapi junt'akun: Runa masiykita qan kikiykita jina munakunki.

Efesios 4:31

Qankunamanta qhechukuychej tukuy jaya sonqowan kayta, phiñakuyta, k'araj phiñakuyta, qhaparqachayta, runaj contranta parlayta, tukuy sajra yuyaytawan.

Deuteronomio 32:25

Guerra chayamojtin callespi wawasninkoqa wañonqanku, wasi ukhuspitaj manchay manchachikuy kanqa. Jinata wañonqanku waynas, sipaskuna, machu runas, ñuñoj wawas ima.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Colosenses 3:8

Kunanqa saqeychej kay tukuy imasta: Phiñakuyta, phiñapayayta, sajra yuyayta, Diospaj rimayta, millay parlaykunata ima.

Hebreos 10:30

Yachanchejtaj pichus chayta nerqa: Noqa cheqanchasaj, kutichisajtaj. Ujtawan nillarqataj: Señor ayllunta juchasninmanta taponqa.

Santiago 2:8

Cheqamantachus junt'awajchej jatun leypa nisqanta, imaynatachus Escriturapi nin: Runa masiykita munakuy qan kikiykita jina, nispa. Chayta ruwawajchej chayqa, allinta ruwankichej.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

1 Juan 4:21

Jesucristoqa kay kamachiyta qowarqanchej: Diosta munakojqa, wauqentapis munakullachuntaj.