Levítico 19:13 - Qheshwa Biblia DC

¹³ Ama runa masiykita maytapuni llakichinkichu, nitaj paypata kajtapis suwankichu. Ama peonniykej pagonta q'ayantinkama waqaychakunkichu.

DIOSPA QHELQACHISQAN DEUTEROCANONICAL

¹³ Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

DIOSPA QHELQACHISQ

¹³ Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

Levítico 19:13 Iomraidhean Croise

Job 17:5

Pichus kausaqesninta uj imarayku ch'ataykojpata, wawasnimpa ñawisnin yarqhaywan chharpullataña qhawanqanku.

Job 31:39

Sichus pimanta chajrasninta suwarqani chayqa, chayri campo runastachus ch'aukiyarqani chayqa,

Job 7:2

Uj wata runaqa llanthumanta khaykakun, uj llank'aj runaqa pagonta jap'iyta mayta suyan.

Éxodo 20:15

Ama suwakunkichu.

Éxodo 22:13

Sichus ima sajra monte animal mikhuykun chayqa, chay sarwita wañusqa uywayojman rikuchichun, chaywanqa mana paganqachu.

Éxodo 22:15

Chantaqa sichus dueñon rikushajtin uywan wañun chayqa, pichus mañakojqa mana pagananchu tiyan, mashkhamantachus mañakorqa chayllata qopunan tiyan.

Éxodo 22:21

Waj llajtayoj runastaqa ama ch'aukiyankichu, nitaj llakichinkichu, imaraykuchus qankunapis Egiptopi waj llajtayojllataj karqankichej.

Éxodo 22:7

Sichus mayqen pi rejsisqanman qolqenta jap'ichikun, chayri waj imatapis allin valorniyojta, chay runataj kikin wasinmanta suwachikun chayqa, chay suwa uj jinatawan qopunan tiyan, sichus jap'ichikun chayqa.

Proverbios 20:10

Mana cheqan kaj pesasta, mana cheqan kaj chimpustawan, Señorqa chejnikun.

Proverbios 22:22

Ama wajchamantaqa qhechuychu wajchu kasqanraykoqa, juezkunaj ñaupaqempipis amaña k'umuykachachiychu.

Proverbios 3:28

Ama runa masiykitaqa q'ayalla kutimunki niychu, chay kikimpacha jaywayta atishaspaqa.

Jeremías 22:13

Ay, qanmanta sajra ruwasqasniykiwan, manataj cheqan ruwasqasniykiwanchu oqharerqanki palaciosniykita, jatuchaj wasisniykita ima. Wakintataj mana jornalninmanta pagaspalla qhasimanta llank'acherqanki.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Ezequiel 18:7

Mana pitapis ñak'arichinchu, manunman prenda saqesqanta qopun, mana pimantapis suwanchu, yarqhachikojman t'antata qon, mana p'achayojmantaj pachallichin.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Ezequiel 22:29

Llajta runasqa mayta sajrayanku, suwankutaj. Wajcha runasta mana kapuyniyojkunatapis munasqankuta ruwanku. Waj llajtamanta kajkunatapis mana allinta ruwaspa ñak'arichinku.

Levítico 25:14

Sichus jallp'ata vendenkichej, chayri rantinkichej chayqa, ama ch'aukiyanakunkichejchu.

Levítico 25:17

Ni pipis ch'aukiyachunchu ni mayqen runa masintapis. Sapa ujpis Diosniykichejta manchachikuychej. Noqamin qankunaj Señor Diosniykichejqa kani.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 20:8

Ch'isiyaykushajtintaj, uvas chajrayojqa mayordomoman nerqa: Wajyay llank'ajkunata, pagapuytaj qhepata yaykojkunamanta qallarispa, ñaupajta yaykojkunakama.

Marcos 10:19

Diospa kamachisqanta yachanki: Ama qhenchachakuychu, ama runata wañuchiychu, ama suwaychu, ama llullakuspa tumpaychu, amam pitapis ch'aukiyaychu, respetaytaj tataykita, mamaykita ima.

San Lucas 3:13

Paytaj kuticherqa: Kamachisqaman jina maychus kajllata cobraychej, ama astawanqa.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

1 Timoteo 5:18

Escriturapi nin: Erapi trigota saroj wakaman ama ñukuta churankichu. Jinallataj llank'aj runaqa llank'asqanmanta pagoyoj kanan tiyan.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.