Levítico 18:30 - Qheshwa Biblia DC

³⁰ Chayrayku, noqaj nisqayta sumajta waqaychankichej. Ama qankunaqa urmankichejchu, qankunamanta ñaupajta karqanku chay runaspa millay ruwasqasninkuta ruwaspaqa. Nillataj chaykunawan ch'ichichakunkichejchu. Noqaqa Señor Diosniykichejqa kani.

DIOSPA QHELQACHISQAN DEUTEROCANONICAL

³⁰ Chayrayku kamachisqaykunata kasuychej. Ama qankunaqa millay ch'ichita ruwaychejchu, imaynatachus qankunamanta ñawpajta tiyakojkuna ruwarqanku, jinataqa. Ama chaykunata ruwaspa ch'ichichakuychejchu. Noqa Tata Diosmin, Diosniykichej kani, nispa.

DIOSPA QHELQACHISQ

³⁰ Chayrayku kamachisqaykunata kasuychej. Ama qankunaqa millay ch'ichita ruwaychejchu, imaynatachus qankunamanta ñawpajta tiyakojkuna ruwarqanku, jinataqa. Ama chaykunata ruwaspa ch'ichichakuychejchu. Noqa Tata Diosmin, Diosniykichej kani, nispa.

Levítico 18:30 Iomraidhean Croise

1 Reyes 14:24

Chay jallp'api warmi jina qhenchachakoj qharis kallarqataj, chaykunata Señorqa israelitaspa ñaupaqenmanta wijch'orqa, paykunarí chay llajtaspa millay ruwasqankuta ruwallarqankutaj.

1 Reyes 21:26

Payqa millaytapuni ruwarqa, lantista yupaychaspa amorreos ruwaj kanku ajinata, chaykunataqa Israelitaspa ñaupaqenkumanta Señor qharkorqa.

Esdras 9:1

Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

Levítico 18:29

Pillapis chay jatuchaj millay juchasta qankuna ukhumanta ruwajqa, ayllun ukhumanta chinkachisqa kanqa.

Levítico 19:1

Señorqa kay jinata Moisesman parlarqa: Niy tukuynin israelitasman: Qankunaqa llimphus kaychej, imaraykuchus noqa Señor Diosniykichejqa, llimphumin kani.

Levítico 20:23

Qankunaqa runaspa ususninkuta ama ruwankichejchu, mayqenkunatachus qankunaj ñaupaqeykichejmanta qharqosaj, chaykunajta. Paykuna chay tukuy imasta ruwarqanku, chayrayku noqaqa manaña aguantayta aterqanichu.

Levítico 22:9

Niy paykuna kamachiykunasniyta junt'anankuta, ama chaykunasrayku juchachasqas qhepakunankupaj, amataj mana kasukusqankurayku wañunankupaj. Noqamin Señorqa kani, noqapaj t'aqarqani chay.

Deuteronomio 11:1

Munakunkichej Señor Diosniykichejta, junt'ankichejtaj tuta p'unchay paypa nisqasninta, leyesninta, yachachisqasninta, kamachiykunasninta ima.

Deuteronomio 12:30

Chay naciones qankunaj ñaupaqeykichejpi chinkachisqas kasqankumantaña. Ama qankunapis ruwasqankuman jina ruwankichejchu. Pajtataj niwajchej: Imaynatachus kay nacionesqa dioskunasninkuta yupaychaj kanku, ajinallatataj noqanchejpis yupaychasun, nispa.

Deuteronomio 12:31

Qankunaqa amapuni jinata ruwankichejchu Señor Diosniykichejpa contranta. Imaraykuchus, imastachus Señor mana munanchu ruwanata, chaykunata chay nacionesqa ruwanku dioskunasninkuta yupachaspa. Chay lantisninkuta ninawan jap'iykuchispa, wawasninkuta jaywanku chaypi ruphachinankupaj.

Jueces 20:6

Chantá warmiypa ayanta khuchuspa t'aqararqani, chay t'aqastataj tukuy Israel aylluman aparacherqani. Jinamanta tukuyniykichej yachanaykichejpaj kay p'enqay wañuchiymanta.