Levítico 18:21 - Qheshwa Biblia DC

²¹ Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

DIOSPA QHELQACHISQAN DEUTEROCANONICAL

²¹ Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

DIOSPA QHELQACHISQ

²¹ Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

Levítico 18:21 Iomraidhean Croise

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

1 Reyes 11:7

Chanta Salomonqa Moabpa millay lantin Quemospaj uj altarta wakicherqa, Jerusalempa chimpan orqopi; Amonitaspa chay millay lantin Molocpajpis uj altarta wakichillarqataj.

2 Reyes 16:3

Israelmanta reyespa ñankunasninkupitaj payqa purerqa, kikin wawastapis ninapi q'olacherqa, imaynatachus chay waj llajtayoj runas millaykunata ruwaj kanku ajinata. Chaykunata Señorqa Israel jallp'amanta qharqorqa.

2 Reyes 17:31

Ava runastaj Nibhazta, Tartactawan; Sefarvainmanta runastaj wawasninkuta ninapi ruphacherqanku Adramelectawan, Anamelectawan yupaychanankupaj.

2 Reyes 21:6

Wawantapis ninapi ruphachispa jaywaykorqa, sajra espiritusta wajyayman churakorqa, suerte qhawayman, wañusqasta tapuyman layqeriosman ima. Ajinapi ashkha sajra imastapuni ruwaspa Señorta phiñaricherqa.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

2 Crónicas 28:3

Chaykunaman inciensota q'osñicherqa Ben-hinom Vallepi, wawasnintapis uywa wañuchisqata jina jaywaspa ruphacherqa, imaynatachus chay nacionespi ruwayta yachasqankuman jina. Chaykunatataj Señorqa israelitaspa ñaupaqenmanta wijch'orqa.

Jeremías 19:5

Chaymantataj, altarkunasta sayaricherqanku, wawasninkuta chaypi Baalpaj ruphachipunankupaj. Chayta noqaqa paykunaman mana kamacherqanichu, nitaj nillarqanipischu, ni yuyaynillaypis karqachu.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Jeremías 7:31

Ben-hinom vallepi Tofetpa altarninta jataricherqanku, qhari wawasninkuta, jinataj warmi wawasninkutapis ruphachinankupaj, chayta noqa mana kamacherqanichu, nitaj yuyallarqanipischu.

Ezequiel 20:26

Saqerqani ch'ichichakunankuta lantisman jaywanasta apaspa, kuraj wawasninkuta wañuchispataj ninapi ruphachispa jaywanankuta. Chayta ruwarqani paykunaj p'enqayninkupaj, rejsinawankupajtaj noqa Señor kasqayta.

Ezequiel 20:31

Rikuchikusniykichejta jaywaspa, jinataj wawasniykichejta wañuchispa ninapi ruphachispa imaqa kunankama ch'ichichakushallankichejpuni lantisniykichejwan. Ajina kashaspachu Israel ayllu noqata tapukoj jamuwankichej? Noqa Señorqa kausayniyrayku jurani, qankunawanqa mana tapuchikusqaykichejchu.

Ezequiel 23:37

Paykunaqa qhenchachakorqanku, makisninkutaj yawarwan ch'ichichasqas kashanku. Qhasi mana kaj dioskunasninkuta yupaychaspa wasanchawarqanku. Noqapaj wawasta nacechikorqanku, chay wawasninkutapis ninawan enqhaspa dioskunasninkuman jaywarqanku.

Levítico 19:12

Amamin sutiypi llullakuspaqa jurankichejchu, imaraykuchus jinamanta qankunaqa sutiyta qhesachawajchej. Noqamin Señorqa kani.

Levítico 21:6

Manachayqa Diosninkupaj llimphuchasqas kachunku, Diosninkoj sutinta ama p'enqaypi qhawachichunkuchu; imaraykuchus paykuna rikuchikusta ruphachispa jaywanku. Jinallataj Señorpaj nisqa t'antatapis Diosman jaywanku, chayrayku llimphuchasqapuni kachunku.

Levítico 22:32

Ama llimphu sutiyta p'enqaypi qhawachinkichejchu, imaraykuchus ajinamanta noqaqa israelitaspa chaupimpi jatunchasqa kasaj. Noqamin Señorqa kani, pichus t'aqarqaykichej chay, Diosniykichej kanampaj Egipto jallp'amanta orqhomusorqachej, chay. Noqamin Señorqa kani.

Levítico 24:15

Kunanqa israelitasman niy: Mayqellampis Diosnimpa sutinta maldicejqa juchachasqa kanqa.

Amós 2:7

Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

Amós 5:26

Kunanqa, Sicut reyniykichejta Quiyún qoyllurta q'epirikunaykichej tiyan, dioskunasniykichej lantista, mayqenkunatachus qankunallataj ruwankichej.

Miqueas 6:7

Kusikunmanchu Señor, waranqa corderoswan chayri chunka waranqa aceite mayuswampis chimpajtiy? Kusikunmanchu, kuraj kaj qhari wawaytapis jaywajtiy, sajra kayniymanta jinataj juchaymanta paganaypaj?

Malaquías 1:12

Qankunataj sonqoyta nanachiwankichej, imaraykuchus ninkichej Señorpa mesan millay kasqanta, nillankichejtaj mikhuna kajtaqa qhesachana kasqanta.

Hechos 7:43

Qankunaqa Molocpa toldontaraj astawan apaykacharqankichej, Refán nisqa diosniykichejpa qoyllurnintawan. Chay lantista qankunallataj ruwakorqankichej, paykunaman k'umuykunaykichejpaj. Chayrayku llajtaykichejmanta pusachisqaykichej, Babilonia llajtamantapis aswan karumanraj.

Romanos 1:23

Diospa mana tukukoj jatun kayninta tukucherqanku ismoj runaj lantinman, p'isqosman, tawa chakiyoj uywasman, katarisman ima.

Romanos 2:24

Escribisqa kasqanman jina, juchaykichejrayku qankunanejta Diospaj sajrata rimanku.

Deuteronomio 12:31

Qankunaqa amapuni jinata ruwankichejchu Señor Diosniykichejpa contranta. Imaraykuchus, imastachus Señor mana munanchu ruwanata, chaykunata chay nacionesqa ruwanku dioskunasninkuta yupachaspa. Chay lantisninkuta ninawan jap'iykuchispa, wawasninkuta jaywanku chaypi ruphachinankupaj.

Deuteronomio 18:10

Amapuni ni mayqenniykichej wawasniykichejta rikuchikuta jina qonkichejchu ninapi ruphachispa. Amapuni ni mayqenniykichej suerte watunata ruwankichejchu, ni qhepaman imachus kananmantapis yachaj tukunkichejchu, layqakuytapis ama yachankichejchu, ama mayqentapis t'ukuchinkichejchu, ama suerteta watojkunata tapukunkichejchu, ama almasta wajyachinkichejchu. Amallataj wañusqastapis tapuchinkichejchu.