Levítico 17:5 - Qheshwa Biblia DC

⁵ Israelitasqa Señorman apamuchunku uywasninkuta, campopi ñak'ayta yachanku chayta Dioswan tinkukuna toldo punkupi sacerdote allinyanakuy ofrendata jaywanankupaj, jinamanta ama maypipis chay uywasta ñak'anallankupaj.

DIOSPA QHELQACHISQAN DEUTEROCANONICAL

⁵ Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

DIOSPA QHELQACHISQ

⁵ Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

Levítico 17:5 Iomraidhean Croise

Génesis 21:33

Abrahamtaj uj tamarisco sach'ata chaypi tarporqa. Beersebapi Abrahamqa wiñay kausayniyoj Señor Diosmanta mañakorqa.

Génesis 22:13

Jinamanta Abrahamqa qhawarerqa, rikorqataj uj carnero wajrasninmanta sach'as ukhupi jarap'asqata. Rispataj carnerosta aysarimuytawan altar patapi wañuchispa wawampa cuentanmanta Señorpaj q'olacherqa.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

Génesis 31:54

Chaymantaqa Jacob uj rikuchikuta Diosman qorqa chay orqopi, jinaspataj tukuy ayllusninta wajyarqa mikhunankupaj. Ajinata tukuyninku mikhorqanku, chay orqopitaj karqanku sut'iyanankama.

1 Reyes 14:23

Paykunaqa ruwallarqankutaj lomas patapi altaresta tukuynej alto orqospi, jatuchaj thansa sach'a uraspipis.

1 Reyes 3:2

Chaykamataj runasqa chay lomas patapi altaresllapiraj uywa ñak'asqasta jaywaj kanku, imaraykuchus manaraj karqachu Señorpa sutimpi uj wasi ruwasqa chay p'unchaykunaskamaqa.

1 Reyes 3:3

Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

2 Reyes 16:4

Ajinallatataj uywa ñak'asqastapis jaywaj, inciensotapis chay lomas patapi altarespi q'osñichej, jatuchaj thansa sach'a urapi ima.

2 Reyes 17:10

Tukuynin alto orqospi, thansa sach'as urapiwan sayacherqanku rumi lantista, Asera lantistawan.

2 Crónicas 28:4

Chay jawaqa uywa wañuchisqasta jaywarqa, inciensosta q'osñicherqa lanti churanasninku alto pataspi, jinataj loma pataspi, thansa sach'as urapipis.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Ezequiel 22:9

Kay llajtapi llullata parlaj runas kajtinku, wakin runas wañuchisqas karqanku. Lomaspi dioskunaman jaywasqa imasmanta mikhumoj rerqanku, millay imastataj ruwanku.

Ezequiel 43:27

Chay p'unchaykunata junt'aspataj, pusaj kaj p'unchaymanta jaqaymanqa, sacerdotes chay altar patapi uywasta wañuchiytawan ninapi ruphachispa Diosman jaywanqanku, jinallataj allinyakuy jaywanatapis. Chaypacha noqa tukuy sonqo qankunawan allinyakusaj. Noqa Señormin kaytaqa nini.

Ezequiel 44:15

Aswampis, Sadocpa mirayninmanta levitasmanta kaj sacerdotes wasiypi imachus ruwanasta waqaycharqanku, Israel ayllu noqamanta karunchakusharqanku chaypacha. Chayrayku paykunaqa ñaupaqeyman qayllamuspa imatapis ruwapuwanqanku. Chantá ñaupaqeypipuni kanqanku untu wirasta, yawartawan jaywanawankupaj, nin Señorqa.

Levítico 17:6

Sacerdoteqa chay uywaspa yawarninwan altar patata ch'ajchumonqa, mayqenchus kashan Dioswan tinkukuna toldo punku yaykuypi. Wirasnintataj Señorpaj ruphachenqa, chay ruphachispa jaywasqampa q'apaynintaj Señorpaj allin kanqa.

Deuteronomio 12:2

Chay jallp'asman yaykuspaqa maynejpichus yupaychaj kanku chay cheqasta chinkachinkichej. Maypichus chay nacionesqa dioskunasninkuta yupaycharqanku chaykunata, jatuchaj orqospi kajkunata, lomaspi kajkunata, laqherara sach'a uraspi kajkunata ima.