Levítico 16:6 - Qheshwa Biblia DC

⁶ Señorman jaywanqa chay torillota juchaspa cuentanmanta, Señormanta perdonta tarinampaj, paypa juchasninmanta, jinallataj familiampa juchasninmantapis.

DIOSPA QHELQACHISQAN DEUTEROCANONICAL

⁶ Chantá Aaronqa chay torillota ñak'aspa, Tata Diosman jaywanqa paypa juchan, jinataj ayllunpa juchan pampachasqa kananpaj.

DIOSPA QHELQACHISQ

⁶ Chantá Aaronqa chay torillota ñak'aspa, Tata Diosman jaywanqa paypa juchan, jinataj ayllunpa juchan pampachasqa kananpaj.

Levítico 16:6 Iomraidhean Croise

Job 1:5

Chay fiestasta tukojtinkutaj Jobqa wawasninta wajyaspa, tutamanta jatariytawan uj uywata ñak'aspa Señorpaj q'olacherqa, sapa ujninku juchasninkumanta llimphuchakunankupaj. Chayta Jobqa ruwajpuni, ichapis wawasniy chay fiestankupi sonqosninkupi Diospa contranta juchallikunku, nispa.

Ezequiel 43:19

Levita sacerdotesman, mayqenkunachus Sadocpa mirayninmanta kanku, kayta ninki: Paykunaqa noqaman qayllamuwachunku, nin Atiyniyoj Señorqa. Uj waka uñata paykunaman qonki juchankumanta jaywakunankupaj. Noqa Señor chaytaqa nini.

Ezequiel 43:27

Chay p'unchaykunata junt'aspataj, pusaj kaj p'unchaymanta jaqaymanqa, sacerdotes chay altar patapi uywasta wañuchiytawan ninapi ruphachispa Diosman jaywanqanku, jinallataj allinyakuy jaywanatapis. Chaypacha noqa tukuy sonqo qankunawan allinyakusaj. Noqa Señormin kaytaqa nini.

Levítico 16:3

Aaronqa Dios maypichus kashan chayman yaykuchun uj torillo aysarisqa juchamanta uj rikuchikuta jaywanampaj. Apamullachuntaj uj carnerota ruphachisqa kanampaj.

Levítico 16:7

Chaymantataj chay iskay chivostañataj Señorman jaywanqa Dioswan tinkukuna toldo punkupi.

Levítico 9:7

Chaymanta Moisesqa Aaronman nerqa: Altarman qayllamuy, Señormantaj juchasrayku rikuchikuta jayway, chay uj uywatawan, juchasniykej cuentamanta, israelitaspa juchasninkoj cuentanmantawan jaywanayki tiyan chayta, ruphachisqa kanampaj. Jaywallaytaj israelitaspa rikuchikunkuta juchasninku pampachasqa kanampaj, Señorpa kamachisqanman jina.

Hebreos 7:27

Payqa mana chay waj kuraj sacerdotes jinachu. Paykunaqa sapa p'unchay ñaupajtaraj uywa wañuchisqasta jaywananku tiyan juchasninkurayku, qhepantataj aylloj juchasninrayku. Kayta Cristoqa uj kutillata wiñaypaj ruwarqa, pay kikin wañuyman qokuspa.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

Hebreos 9:7

Iskay kajmanrí, jatun sacerdotella uj kutita sapa wata yawarwan yaykoj, mana yawarwanqa mana. Chaytataj paypa juchasninrayku, runaspa juchasninraykutaj jaywaj.