Levítico 16:26 - Qheshwa Biblia DC

²⁶ Pichus chay chivota aparqa ch'in pampaman kacharpayamunampaj Azazelpaman chayqa, p'achasninta, ukhusninta ima yakuwan mayllakonqa. Chaymantataj jaramanqa yaykuyta atenqa.

DIOSPA QHELQACHISQAN DEUTEROCANONICAL

²⁶ Pichus Azazelpaj ch'in pampaman kacharparinanpaj chivota aparqa, chay runaqa p'achanta t'ajsakonqa, chantá ukhunta yakuwan mayllakonqa. Chaymantaraj jaraman yaykupuyta atenqa.

DIOSPA QHELQACHISQ

²⁶ Pichus Azazelpaj ch'in pampaman kacharparinanpaj chivota aparqa, chay runaqa p'achanta t'ajsakonqa, chantá ukhunta yakuwan mayllakonqa. Chaymantaraj jaraman yaykupuyta atenqa.

Levítico 16:26 Iomraidhean Croise

Levítico 11:24

Kay jinata ruwaspa millaypaj qhawasqa kankichej: Chay wañusqa animalesta llankhaspa ch'ichipaj qhawasqas kankichej ch'isiyaykuykama.

Levítico 11:25

Pillapis chay wañusqa animalesta oqharejqa p'achasninta t'ajsakonqa, ch'isiyaykuykama ch'ichipaj qhawasqa kanqa.

Levítico 11:27

Ima tawa chakiyoj uywasllapis chaki plantasninkuwan purinku chayqa, chay animalesta qhawankichej ch'ichi uywapaj. Chanta pillapis chay wañusqa uywasta llankhajqa, ch'isiyaykuykama ch'ichipaj qhawasqa kanqa.

Levítico 11:28

Kikillantaj pillapis chay uywas wañusqata oqharejqa, p'achasninta t'ajsakonqa, ch'isiyaykuykama ch'ichipaj qhawasqa kanqa. Qankunaqa chay animalesta ch'ichipaj qhawanaykichej tiyan.

Levítico 11:31

Tukuy animalesmantaqa chaykunata ch'ichipaj qhawankichej. Pillapis chay wañusqa animalesta llankharejqa ch'isiyaykuykama ch'ichipaj qhawasqa kanqa.

Levítico 11:32

Jinallataj imamanchus chay wañusqas urmaykonqanku, chaypis ch'ichillapajtaj qhawasqas kanqanku. Tukuy ima maderamanta, p'achas, qaras, costales, llank'anapaj herramientaspis yakuman churasqas kanqanku, ch'ichipajtaj qhawasqas kanqanku ch'isiyaykuykama, chaymantataj llimphuman tukonqanku.

Levítico 11:39

Sichus mikhunaykichej kaj uywa wañunman chayqa, chaytataj pipis llankhajqa, ch'isiyaykuykama ch'ichichasqa kanqa.

Levítico 11:40

Pichus chay wañusqa animalpa aychanta mikhojqa, p'achasninta t'ajsakonqa, ch'isiyaykukamataj ch'ichichasqa kanqa. Pichus chay wañusqa animalta aysarejpis p'achasninta t'ajsakonqa, ch'isiyaykuykamataj ch'ichichasqa kanqa.

Levítico 14:8

Pichus llimphuchakojqa p'achasninta t'ajsakonqa, jinallataj pelosninta ruthukonqa, ajinamanta llimphuchasqa kanqa. Chaymantaraj yaykonqa jaraman, chaywampis qanchis diastaraj paypa toldonmanta jawapi tiyakonqa.

Levítico 15:27

Pillapis chay imasta llankhajqa mana llimphupaj qhawasqachu kanqa. Chay llankhajqa p'achasninta t'ajsakunan tiyan. Paypis yakuwan mayllakunan tiyan. Ch'isiyaykamataj mana llimphupajchu qhawasqa kanqa.

Levítico 16:10

Mayqen chivomanchus chayanqa Azazelpaj choqasqa suerte, kausashajta Señorpa ñaupaqenman apanqa, juchasmanta perdonta tarinampaj. Chaymantataj ch'in pampaman kachariponqa, maypichus Azazel kashan chayman.

Levítico 16:25

Juchaspa cuentanmanta ofrendaj wirasnintataj altar patapi ruphachenqa.

Levítico 16:28

Pichus chaykunata rupachimojqa p'achasninta t'ajsakuchun, ukhusnintawan yakuwan mayllakuchun. Chaymantaraj jaramanqa yaykuyta atenqa.

Levítico 16:8

Jinaspataj chay chivos patapi suerteta choqanqa. Ujnin kajqa Señorpaj kanqa, ujnin kajtaj Azazelpaj kanqa.

Números 19:21

Kay leyqa wiñaypaj churasqa kanqa. Pichus llimphuchakuy yakuwan wajta ch'ajchojqa p'achasninta t'ajsakunan tiyan. Jinallataj chay yakuta llankhajpis ch'isiyanankama ch'ichipaj qhawasqa kanqa.

Hebreos 7:19

Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.