Levítico 14:8 - Qheshwa Biblia DC

⁸ Pichus llimphuchakojqa p'achasninta t'ajsakonqa, jinallataj pelosninta ruthukonqa, ajinamanta llimphuchasqa kanqa. Chaymantaraj yaykonqa jaraman, chaywampis qanchis diastaraj paypa toldonmanta jawapi tiyakonqa.

DIOSPA QHELQACHISQAN DEUTEROCANONICAL

⁸ Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

DIOSPA QHELQACHISQ

⁸ Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Levítico 14:8 Iomraidhean Croise

2 Crónicas 26:21

Rey Uziasqa wañupunankama lepra onqoyniyoj karqa, jinamanta reyqa sapan kausakorqa waj wasipi, Señorpa yupaychana wasinmantaj mana yaykunanta munarqankuchu, wawan Jonatantaj cuentanmanta kamacherqa, tukuy ayllutataj kamacherqa.

Éxodo 19:10

Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku.

Éxodo 19:14

Moisestaj orqomanta uraykamorqa runasta wakichimoj. Paykunataj mayllakorqanku, p'achasninkutapis tukuyninku t'ajsakorqanku.

Levítico 11:25

Pillapis chay wañusqa animalesta oqharejqa p'achasninta t'ajsakonqa, ch'isiyaykuykama ch'ichipaj qhawasqa kanqa.

Levítico 14:9

Qanchis p'unchaypitaj tukuy chujchasninta ruthukonqa, jinallataj sunkhasninta, ñawi pata pelosninta, tukuy ukhumpi kaj pelosnintawan. Chaymantataj p'achasninta t'ajsakonqa, tukuy ukhuntapis mayllakullanqataj. Chaymantaraj payqa llimphuchasqa kanqa.

Levítico 15:13

Sichus chay runaj mujun llojsipullasqanmantapuni thañikun chayqa, chay runaqa qanchis p'unchayta suyanqa llimphuchasqa kanampaj. Chaymantataj p'achasninta t'ajsakonqa, paypis mayllakonqa juturi yakuwan, jinamanta chay runaqa llimphuchasqa kanqa.

Levítico 8:6

Chaymantataj Moisesqa Aaronman, wawasninmanwan nerqa payman qayllanankuta. Qayllajtinkutaj paykunata yakuwan mayllarqa.

Números 6:9

Sichus Nazareo kashajtin pipis paypa qayllampi wañunman chayqa, chay chujchasninta ch'ichichanqa. Jina kajtin Nazareoqa llimphuchakunan qanchis p'unchaynimpi, chay chujchasninta ruthuchikunan tiyan.

Números 8:7

Llimphuchakushajtenqa kay jinata llimphuchachinki. Llimphuchaj yakuwan paykunaman chhallunki. Chaymantataj paykuna tukuy ukhunkumanta pelosta k'utukonqanku, p'achasninkutataj t'ajsakuchunku; ajinamanta paykunaqa llimphupaj qhawasqas kanqanku.

Deuteronomio 21:12

Chaypacha chay warmita wasinman pusachun. Chaypitaj chay warmeqa chujchasninta ruthukuchun, sillusnintataj k'utukonqa.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.