Levítico 14:14 - Qheshwa Biblia DC

¹⁴ Chaymantataj sacerdoteqa chay uywaj uj chhika yawarninwan jawanqa llimphuchakojpa paña ningrimpa urannejman, paña makimpa mama dedonman, paña chakimpa mama dedonmanwan.

DIOSPA QHELQACHISQAN DEUTEROCANONICAL

¹⁴ Chantá sacerdoteqa jucharayku jaywasqa uywamanta uj chhika yawarninwan llimphuchakojpa paña ninrinta, paña makinpa machu ruk'ananta, chantá paña chakinpa machu ruk'anantawan jawenqa.

DIOSPA QHELQACHISQ

¹⁴ Chantá sacerdoteqa jucharayku jaywasqa uywamanta uj chhika yawarninwan llimphuchakojpa paña ninrinta, paña makinpa machu ruk'ananta, chantá paña chakinpa machu ruk'anantawan jawenqa.

Levítico 14:14 Iomraidhean Croise

Éxodo 29:20

Qantaj chay corderota ñak'anki, uj chhika yawarninwantaj Aarompa paña ningrin uraman jawiykunki. Wawasninmampis jawiykullaytaj paña ningrisnin uraman, jinallataj paña makisninkoj machu dedosninkojman, paña chakisninkoj machu dedosninkuman. Chay puchoj yawarwantaj altar patanta tukuy muyuynintawan ch'ajchorqonki.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Levítico 14:19

Chaymantataj sacerdoteqa chay runaj juchasninrayku apamusqan rikuchikutañataj jaywanqa, ajinamanta chay ch'ichichakoj runaqa llimphuchasqa kanqa. Chaymantataj chay apamusqa uywata ñak'anqa ruphachisqa kanampaj, jaywanqataj altar patapi, ch'aki mikhuna rikuchikutawan. Ajinamanta sacerdoteqa chay rikuchikuwan Señormanta perdonta tarenqa chay juchachakoj runapaj, chay runataj llimphuchasqa kanqa.

Levítico 14:25

Chaymanta juchaj cuentanmanta rikuchiku apamusqa corderota ñak'anqa. Chay corderoj uj chhika yawarninta jap'ispa, chaywan jawenqa llimphuchakojpa paña ningrimpa urannejman, paña makimpa mama dedonman, paña chakimpa mama dedonmanwan.

Romanos 12:1

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

Romanos 6:13

Amallataj cuerpoykichejta juchaman qoychejchu, paynejta sajra imasta ruwanapajqa. Astawanqa qankuna kikiykichej wañusqasmanta kausarimusqas jina, Diosman qayllakuychej; cuerpoykichejtataj Diosman qoychej, cheqan kajta ruwanampaj.

Romanos 6:19

Runa jina parlani, pisi kallpayoj kasqaykichejrayku. Ajinamanta qankunaqa ñaupajta cuerpoykichejta qorqankichej, millay kajman, sajra kajmampis. Ajinata kunanqa llimphuchasqas kanaykichejpaj, cuerpoykichejta Diosman qoychej, cheqan kajta kasunaykichejpaj.

1 Corintios 6:20

Diosqa preciowan rantisorqachej. Diosta yupaychaychej cuerpoykichejwan, espirituykichejwan ima; chaykunaqa Diospata kanku.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Deuteronomio 24:8

Lepra onqoymantaqa ruwaychej imaynatachus sacerdote levitas kamachisusqaykichejman jina. Chaytaqa kikintapuni ruwaychej, imaynatachus noqa paykunaman kamachisqayman jina.

Filipenses 1:20

Munasqayman jina suyashani mana imapi p'enqaypi kanayta. Astawanqa tukuy sonqopuni suyashani rikuchisqa kananta cuerpoypi Cristoj may jatun kaynin, kausaypipis, chayri wañuypipis.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.