Levítico 14:10 - Qheshwa Biblia DC

¹⁰ Pusaj kaj p'unchaypitaj iskay sumachaj kaj corderosta apamonqa mana imanasqasta, uj watayoj china ovejata mana iman imanasqata. Chantapis sojta kilos khuskanniyoj sumaj kaj jak'uta aceitewan ñat'usqata jaywasqa kanampaj khuskan botella aceitewan.

DIOSPA QHELQACHISQAN DEUTEROCANONICAL

¹⁰ Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

DIOSPA QHELQACHISQ

¹⁰ Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 14:10 Iomraidhean Croise

Éxodo 29:40

Chantapis, ñaupaj kaj corderowanqa jaywallankitaj iskay kilo sumaj jak'uta, uj litro olivo aceitewan chajrusqata. Chaymantaj ch'ajchuykunki uj litro ofrenda vinowan.

Levítico 1:10

Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata.

Levítico 1:3

Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa.

Levítico 14:11

Llimphuchayta ruwaj sacerdote, chay llimphuchakoj jamoj runata, chay imastawan khuska, Señorpa ñaupaqenman pusanqa Dioswan tinkukuna toldo punkuman.

Levítico 14:12

Chaymantataj sacerdoteqa ujnin kaj corderota jap'enqa. Chaytataj khuskan botella aceitetawan Señorman jaywanqa chay runaj juchasnimpa cuentanmanta, Señorpa ñaupaqempitaj chay jaywanasta rikuchinampaj.

Levítico 14:15

Chaymantataj sacerdoteqa uj chhika aceiteta lloq'e maki qochanman jich'akonqa.

Levítico 14:21

Sichus chay runa ancha wajcha kasqanrayku mana atinmanchu chay kamachisqa rikuchikuta apamuyta chayqa, apamuchun juchanrayku rikuchikuta jina uj corderota. Chayta sacerdoteman jaywachun juchasnimpa cuentanmanta perdonta tarinampaj. Apamullachuntaj iskay kilota sumajnin kaj jak'uta aceitewan ñat'usqata, ch'aki mikhuy rikuchikuta jina khuskan botella aceitetawan.

Levítico 2:1

Maypachachus mayqempis rikuchikuta ch'aki mikhuymanta Señorpaj apamunman chayqa, ñut'u jak'uta apamuchun. Chay jak'umanqa aceiteta jich'aykuchun, inciensotataj churaykuchun.

Levítico 2:11

Chay tukuy ch'aki mikhuy rikuchikusmanqa amapuni levadurata churankichejchu, Señorman jaywamunaykichejpaj. Levadurayojta, chayri misk'iyoj kajtapis amapuni Señorpaj altar patapi ruphachimunkichejchu.

Levítico 2:13

Señorman qonaykipaj chay tukuy rikuchikusman kachita churankipuni. Kacheqa runata yuyarichin Dioswan tratota ruwasqanta. Tukuy rikuchikusniykimanqa kachita churankipuni.

Levítico 23:13

Chanta apamullankichejtaj sumajnin kaj ñut'u jak'uta tawa kilos khuskanniyojta aceitewan ñat'usqata, chayta Señorpaj ruphachenqa. Chay ruphachispa jaywasqampa q'apaynenqa Señorpaj allin kanqa. Chantapis apamullanqankutaj uj litro vinota jaywaspa ch'ajchunampaj.

Levítico 4:32

Sichus mayqempis juchampa cuentanmanta apamunman uj ovejata chayqa, apamuchun sumajnin kaj china ovejata mana ima imanasqata.

Levítico 9:1

Pusaj kaj p'unchaypi Moisesqa Aaronta, wawasnintawan wajyarqa, israelitaspa kurajkunasnintawan.

Números 28:20

Chay jaywanasta apamunkichej sumajnin kaj ñut'u jak'uta aceitewan ñatusqata. Sapa waka uñapaj kanqa sojta kilos jak'u, tawa kilostaj uj carneropaj.

Números 6:14

Chaypitaj uj watayoj corderota mana iman imanasqata Señorman jaywamonqa ruphachisqa kanampaj. Uj watayoj malta ovejatataj mana iman imanasqata juchasninmanta Señorman jaywamonqa. Uj carnerotataj sumajnin kajta mana iman imanasqata jaywallanqataj allinyakuy richuchikuta.

Números 7:43

Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan parlana toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

San Mateo 8:4

Jesustaj nerqa: Uyariway, amataj ni piman willankichu; rispa sacerdoteman rikuchikamuy. Moisespa kamachisqanman jinataj, ofrendaykita jaywamuy, runas yachanankupaj.

San Lucas 5:14

Jesustaj nerqa: Ama ni piman willankichu; sacerdotellaman qhawachikoj riy; llimphuchasqa kasqaykimantataj ofrendata qoy, Moisespa kamachisqanman jina; chaywantaj thañisqaña kasqayki yachakunampaj.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

San Juan 6:33

Janaj pachamanta Diospa t'antan uraykamojqa, mundoman kausayta qon.

San Juan 6:51

Noqa janaj pachamanta uraykamoj t'antaqa kani. Pillapis kay t'antamanta mikhojqa, wiñaypaj kausanqa. Noqa qosaj chay t'antaqa aychay; chayta qoni mundo kausanampaj.