Levítico 10:3 - Qheshwa Biblia DC

³ Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

DIOSPA QHELQACHISQAN DEUTEROCANONICAL

³ Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

DIOSPA QHELQACHISQ

³ Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Levítico 10:3 Iomraidhean Croise

Génesis 18:25

Señor, tukuchinaykeqa mana allinchu kanman, mana juchayojta juchasapastawan khuska, iskayninkupis juchallatapuni ruwankuman jina. Ama chayta ruwaychu ari. Qan kanki kay mundontinta cheqanchaj, chayrayku, manachu cheqan kajtapuni ruwanayki tiyan?

Job 2:10

Jobtaj payman nerqa: Warmi, ama mana kaj sonserasta parlaychu! Sichus noqanchej Señorpa sumaj imasta apachimuwasqanchejta jap'inchej chayqa, imaraykutaj mana jap'iyta atisunmanchu mana allin imasta apachimuwasqanchejtapis? Chay tukuywampis Jobqa manapuni Diospa contranta siminwan juchallerqachu.

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

Salmos 148:14

Pay ayllunman atiyta qon. Tukuy paypi creejkuna yupaychachunku, israelitas munasqa ayllun. Señor yupaychasqa kachun.

Salmos 39:10

Amaña wisq'awaychu. Makiykej wajtawasqanwan tukukushaniña.

Salmos 39:9

Ch'inlla karqani, mana parlarerqanichu, qan chay ruwaj kasqaykirayku.

Salmos 46:10

K'umuykuycyhej, rejsiwaychejtaj noqa Diosniykichej kani. Tukuy nacionespi noqa yupaychasqa kasaj. Tukuy kay pachapi jatunchasqa kasaj.

Salmos 89:7

Qanqa Diosmin kanki, manchachikunataj, cielopi kausajkunawan muyurisqa.

Salmos 93:5

Señorníy, tukuy qampa kamachisqasniyki sumaj sayasqas kanku. Llimphu kayqa wasiykipi wiñaypajpaj.

Éxodo 14:17

Noqataj egipciospa sonqosninta rumiyachisaj, qhepaykichejta qhatimunasuykichejpaj. Chaypitaj noqa atiyniyta rikuchisaj faraompa soldadosnimpi, carrosnimpi, caballosnimpi, maqanakoj soldadosnimpi ima.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 19:22

Jinallataj tukuy sacerdotespis llimphuchakuchunku noqawan tinkuyta munaspaqa. Mana jinata ruwaspalla jamuwanqanku chayqa, phirita ruwachikuwanqanku.

Éxodo 19:24

Chaymanta Señorqa Moisesman nerqa: Qan rispa uraykuy, qanlla Aaronwan wicharimunki. Sacerdoteswan runaswanqa ama wicharimuchunkuchu señalesta pasaspa, manachayqa Señor paykunataqa phirita ruwarparenqa.

Éxodo 30:30

Chaymantaqa chay aceitewan jawillankitaj Aaronta wawasnintawan, jinamanta t'aqasqas kanqanku, sacerdotesniytaj kanankupaj.

Isaías 39:8

Ezequiasqa Isaiasman kuticherqa: Señorpa palabranta parlasqaykeqa sumajpacha: Noqa kausanaykamallapis k'acha kausakuy, sonqo tiyakuytaj kachun nispa.

Isaías 49:3

Niwarqataj: Israel, qanmin kamacheyqa kanki. Qampi noqaqa jatunchakusaj.

Isaías 52:11

T'aqakuychej, llojsimuychej Babiloniamanta, ama ch'ichi imastaqa llankhaychejchu. Paykunaj chaupinkumanta llojsimuychej; llimphuchakuychej Diospa imasninta apajkuna.

Ezequiel 20:41

Sumaj q'apaj inciensota jina jap'ikapusqaykichej ch'eqerasqa kashankichej chay jallp'asmanta, llajtasmantawan orqhomuspa tantaykusqaykichej, chantapis qankunanejta llimphu kasqayta, tukuy jallp'aspi kaj runasman rikuchisaj.

Ezequiel 38:16

Llojsimunkitaj Israel aylluypa contrampi, yana phuyus jina jallp'ata urphuykuspa. Chay qhepa p'unchaykunapi pusamusqayki jallp'aypa contrampi, waj jallp'asmanta kaj runas qannejta noqata rejsinawankupaj, llimphu kayniyta noqa rejsichisaj ñaupaqenkupi chaypacha.

Ezequiel 40:46

Wichay ladoman punkuyoj wasitaj altarta qhawaj sacerdotespata karqa. Paykunataj Sadocpa wawasnin karqanku. Levéj wawasninmanta kajkunalla Señorta sirvinankupaj wajyasqas karqanku.

Ezequiel 42:13

Runaqa niwarqa: Wichay ladopi kaj wasis, jinallataj uray ladopi kaj wasispis, mayqenkunachus patio wisq'asqapi kashanku chay wasisqa Diospaj t'aqasqas kanku. Señorman qayllaykoj sacerdotesqa chay wasispi jaywasqa imasta mikhunku. Paykunaqa chayllapitaj Diosman jaywasqa imasta churanku, uywa wañuchisqasta, jucharayku jaywasqasta ima, imaraykuchus chay cheqaqa llimphumin.

Levítico 21:21

Aarompa mirayninmanta mana mayqempis, sichus ajina imallankupis mana allinchu kanman chayqa, Señorman qayllachiyta mana atinchu, Señorpaj rikuchiku ofrendasta ruphachipuspa. Chayrayku mana qayllachiyta atenqachu Diosnimpa rikuchiku t'antanta.

Levítico 21:6

Manachayqa Diosninkupaj llimphuchasqas kachunku, Diosninkoj sutinta ama p'enqaypi qhawachichunkuchu; imaraykuchus paykuna rikuchikusta ruphachispa jaywanku. Jinallataj Señorpaj nisqa t'antatapis Diosman jaywanku, chayrayku llimphuchasqapuni kachunku.

Levítico 21:8

Chayrayku paykunaqa tukuy imamanta karunchasqas kachunku, imaraykuchus paykunaqa rikuchiku t'antata Diosniykiman jaywanku. Qampajqa santos kanqanku, imaraykuchus noqa Señorqa santopuni kani, pichus qankunatapis paykunatataj santoyachini.

Levítico 22:9

Niy paykuna kamachiykunasniyta junt'anankuta, ama chaykunasrayku juchachasqas qhepakunankupaj, amataj mana kasukusqankurayku wañunankupaj. Noqamin Señorqa kani, noqapaj t'aqarqani chay.

Levítico 8:35

Chayrayku qankunaqa Dioswan tinkukuna toldo punkupi kanaykichej tiyan tuta p'unchay, qanchis día junt'ata. Señorpa kamachisqanta kasuychej, manataj wañunkichejchu. Ajinata ari Señorqa kamachiwarqa.

Números 16:5

Chaymantataj Coreman, pischus paywan kasharqanku chaykunamanwan nerqa: Q'aya tutamanta Señorqa willawasun, pischus paypata kasqanta, pischus llimphupaj qhawasqa kasqanta, pischus rikuchikusta payman jaywanqa chay kajllata Señorqa ajllanqa.

Números 20:12

Señortaj Moisesman Aaronmanwan nerqa: Qankuna noqapi mana creesqaykichejrayku, nitaj israelitas rikushajtinku jatunchawasqaykichejrayku, kunanqa kay runasta mana pusaykunkichejchu, ima jallp'atachus qosqaykichej nerqani chayman.

San Mateo 10:37

Pichus tatanta, chayrí mamanta, noqamanta astawan munakojqa, mana noqapaj jinachu. Ajinallatataj, pichus churinta, chayrí ususinta, noqamanta astawan munakun chayqa, nillataj noqapaj jinachu.

San Juan 12:28

Tatáy sutiykita jatunchay. Chaypacha janaj pachamanta uj voz yarikorqa: Jatunchaniña, kunantaj ujtawan jatunchasaj, nispa.

San Juan 14:13

Imatachus Dios Tatamanta sutiypi mañakunkichej, chayta noqa ruwasaj, Dios Tata Churinnejta jatunchasqa kanampaj.

Deuteronomio 32:51

Chayqa kanqa qankuna noqaj contrayta juchallikusqaykichejrayku israelitaspa ñaupaqempi, Sin nisqa ch'in pampapi yaku llojsimushajtin Cades Meribapi.

2 Tesalonicenses 1:10

Maypachachus Señor jamonqa ajllasqasninwan yupaychachikoj chaypacha, tukuy creejkuna mayta t'ukonqanku. Qankunataj jaqay p'unchaymanta willasqaykuta cheqamanta creerqankichej.

1 Pedro 4:17

P'unchay chayamunña. Juiciotaj Diospa wasinmanta qallarikunan tiyan. Juiciochus noqanchejmanta qallarikonqa chayqa, Diospa evangelionta mana kasojkuna, imapitaj tukukonqankuri?

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.

1 Samuel 3:18

Samueltaj kuticherqa tukuyninta mana uj chhikanta pakarispa. Elitaj nerqa: Payqa Señorpuni! Ruwachun payman imachus allin rijch'ajta.

1 Samuel 6:20

Bet-semespi tiyakojkunataj nerqanku: Pitaj Santo Señor Diospa ñaupaqempi sayaykuyta atinmanri? Noqanchejmanta ithirikuspaqa pejpa contrampiñataj renqari?