Levítico 10:1 - Qheshwa Biblia DC

¹ Aarompa wawasnin, Nadabwan, Abiuwan, sapa ujninku juch'uy braserosta oqharispa, chaykunamantaj ninata inciensotawan churaykorqanku. Chaytataj Señorman jaywarqanku millaypaj qhawasqa ninata, mayqentachus Señorqa mana kamacherqachu, chay ninata larwachinankuta.

DIOSPA QHELQACHISQAN DEUTEROCANONICAL

¹ Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

DIOSPA QHELQACHISQ

¹ Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Levítico 10:1 Iomraidhean Croise

1 Reyes 18:38

Chantaqa Señormanta nina uraykamuspa q'olaykorqa chay ñak'asqa torota, llant'ata rumista, jallp'ata, lark'api yakutapis ch'akirpayacherqa.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Éxodo 24:1

Moisesman Señorqa nerqa: Maypichus noqa kashani chayman wicharimuy Aaronwan, Nadabwan, Abiuwan, israelitasmanta qanchis chunka kurajkunapiwan, karumantapachataj qonqorikunkichej.

Éxodo 24:9

Chaymantataj Moisesqa orqoman wicharerqa Aaronwan, Nadabwan, Abiuwan, israelitasmanta qanchis chunka kurajkunawan khuska.

Éxodo 27:3

Altarpi imachus apaykachana kajta tukuyninta broncemanta ruwanki: Ushpha orqhona paylasta, palasta, jatuchaj vasosta, trinchesta, brasasta apaykachanatawan.

Éxodo 28:1

Wauqeyki Aaronta wajyachispa kamachiy, wawasnintawan, Nadabta, Abiuta, Eleazarta, Itamartawan, paykuna israelitas ukhupi sacerdotesniy kanankupaj.

Éxodo 31:11

Chaymantaqa jawina aceiteta, q'apashaj inciensota Diospaj tiyanan toldopaj. Chaykunata paykuna ruwanqanku imaynatachus kamachisusqayman jina.

Éxodo 37:29

Chaymantataj Bezaleel ruwarqa Diospaj t'aqanapaj jawina aceiteta. Jinallataj inciensotapis k'acha q'apayniyojta, imaynatachus perfumeta ruwajkuna ruwanku ajinata.

Éxodo 38:3

Broncellamantataj imaschus chay mesapi kanan karqa chaykunata: Ushphirusta, palasta, tazasta, tenedoresta, brasasta apaykachanasta ima.

Éxodo 40:27

Chay altar patapitaj inciensota ruphacherqa, imaynatachus Moisesman Señor kamachisqanman jina.

Éxodo 6:23

Aaronqa casararqa Elisabetwan, mayqenchus karqa Aminadabpa ususin, Naasompa panan. Pay wawasta rejserqa Nadabta, Abiuta, Eleazarta, Itamartawan.

Éxodo 8:27

Noqaykoqa rinayku tiyan kinsa día puriyta ch'in pampaman, chaypi Señor Diosniykuman rikuchikuta jaywamunaykupaj, Pay kamachiwasqaykuman jina.

Jeremías 19:5

Chaymantataj, altarkunasta sayaricherqanku, wawasninkuta chaypi Baalpaj ruphachipunankupaj. Chayta noqaqa paykunaman mana kamacherqanichu, nitaj nillarqanipischu, ni yuyaynillaypis karqachu.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Jeremías 44:15

Chantá tukuy runas, warmisninku inciensosta waj dioskunaman q'osñichisqankuta yachajkuna, chaypi tukuy warmis kajkuna, jinataj Judamanta runaspis Egiptopi Patros chaynejpi tiyakojkuna ima ashkhas tantaykukuspa Jeremiasman kuticherqanku: Señorpa willachimuwasqaykuta mana kasusqaykuchu.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Jeremías 7:31

Ben-hinom vallepi Tofetpa altarninta jataricherqanku, qhari wawasninkuta, jinataj warmi wawasninkutapis ruphachinankupaj, chayta noqa mana kamacherqanichu, nitaj yuyallarqanipischu.

Levítico 16:1

Señorqa Moisesman parlarqa Aarompa iskaynin wawasnin wañusqankumantaña. Paykunaqa wañorqanku Señorpa ñaupaqenman qayllaykusqankurayku.

Levítico 16:12

Chaymantaqa incienso q'osñichinata apamonqa nina brasas junt'ayojta, Señorpa ñaupaqempi kashan chay altarmanta. Apamullanqataj iskay maki q'apiy kutasqa sumaj inciensota. Jinaspataj chayta apanqa maypichus velo kashan chaypa wasanman.

Levítico 22:9

Niy paykuna kamachiykunasniyta junt'anankuta, ama chaykunasrayku juchachasqas qhepakunankupaj, amataj mana kasukusqankurayku wañunankupaj. Noqamin Señorqa kani, noqapaj t'aqarqani chay.

Levítico 9:24

Señorpa ñaupaqenmantataj nina lauray llojserqa, chaytaj rupharqa altar patapi kasharqa chay jaywasqa uywasta, wirastawan. Chayta rikuspataj tukuynin israelitas kusiywan qhaparerqanku, k'umuykorqankutaj pampaman umasninkuta chayachinankukama.

Números 16:46

Jinaytawantaj Moisesqa Aaronman nerqa: Incienso q'osñichinaykita apamuy, chaymantaj churay altarpi kashan chay ninata, patanmantaj inciensota jich'aykuy. Chayta oqhariykukuspataj runaspa ñaupaqenman usqhayta riy, Diosmanta perdonta mañamuy, ñapis Señorpa k'ajaj phiñakuynenqa llojsimunña, wañuypis qallarinña, nispa.

Números 26:61

Nadabwan, Abiuwanqa Señorpa ñaupaqempi wañorqanku millaypaj qhawasqa ninata jaywasqankurayku.

Deuteronomio 12:32

Kay tukuy kamachiykunamanta willasqasniyta ruwaychejpuni, ama yapaspa, nitaj qhechuspa.

Deuteronomio 17:3

Ichapis waj dioskunata yupaychaj rinman, chaykunaman qonqorikuspa, chayri intiman, killaman, tukuy estrellasmampis, Señorpa kamachisqanta p'akispa.

Deuteronomio 4:2

Kunanqa ima palabrastachus qankunaman nishaykichej, chaymanta ama pisiyachinkichejchu, nitaj yapankichejchu. Junt'aychej ari Señor Diosniykichejpa kamachisqanta, qankunaman nisqayta.

Hebreos 9:4

Chaypitaj qorimanta incienso q'osñichina karqa. Diospa ruwasqan trato cajontaj nisqaj cajonintaj qoriwan tukuynejmanta forrasqa, ukhumpitaj uj juch'uy qori wich'i karqa Maná nisqa t'antayoj. Chaypi kallarqataj Aarompa taunan. Chaytaj t'ikarqa. Kallarqataj p'alta rumispi escribisqa ley ima.