Levítico 1:3 - Qheshwa Biblia DC

^3-4 Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa.

DIOSPA QHELQACHISQAN DEUTEROCANONICAL

³ Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

DIOSPA QHELQACHISQ

³ Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 1:3 Iomraidhean Croise

Génesis 22:13

Jinamanta Abrahamqa qhawarerqa, rikorqataj uj carnero wajrasninmanta sach'as ukhupi jarap'asqata. Rispataj carnerosta aysarimuytawan altar patapi wañuchispa wawampa cuentanmanta Señorpaj q'olacherqa.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

Génesis 22:8

Abrahamtaj nerqa: Dios maymantapis rikhurichimullanqa paypaj ovejata q'olachinanchejpaj, wawáy. Jinamanta khuska rillarqankupuni.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

2 Crónicas 29:32

Tukuy runas uywasta q'olachinapaj apasqankoqa karqanku qanchis chunka toros, pachaj carneros, iskay pachaj corderospiwan. Kay tukuyqa karqa Señorpaj q'olachinapaj.

2 Crónicas 35:12

Chaymantataj ruphachinapaj kajta orqhomorqanku tukuynin ayllu familiasninkuman jina Señorman jaywanankupaj, Moisespa librompi kamachisqa kasqanman jina. Torilloswampis kikillantataj ruwarqanku.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Salmos 40:8

Diosníy, tukuy sonqo munayniykita ruwayta munani. Yachachiwasqasniykita sonqoypi jap'ini.

Éxodo 12:5

Chay uywaqa kanan tiyan mana imanasqa, chantá kanan tiyan orqo, uj watayojllataj. Chaytaj kanan tiyan uj corderitopis, chayri cabritopis.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Éxodo 29:18

Jinaytawantaj tukuynin aychasninta altar patapi ruphachinki uj rikuchikuta jina sumaj q'apashajta Señorpa munasqanman jina, uj ofrendata Señorman jaywaspa.

Éxodo 29:4

Chaymantaj pusanki Aaronta wawasnintawan Diospa tiyakunan toldoman, chaypitaj chakisninkuta yakuwan mayllanki.

Éxodo 29:42

Kay ruphachisqa ofrendaqa ñaupaqeypi noqaman jaywasqapuni kanqa wiñaypaj, tinkuna toldo punkupi, maypichus tinkukusunchej parlasunaypaj.

Éxodo 32:6

Q'ayantenqa tutamanta jatariytawan ofrendata, allinyakuy chay rikuchikustawan jaywarqanku. Chaymantataj runasqa tiyaykukuspa mikhorqanku, ujyarqankutaj, sayariytawantaj mayta kusikorqanku.

Éxodo 35:21

Chaymantataj ofrendasta apamorqanku mashkhatachus tukuy sonqowan qoyta munarqanku chayta, astawanqa apamorqanku Dioswan tinkukuna toldo nisqa ruwakunampaj, imaswanchus kanan karqa chaykunata, imasninchus kanan karqa chaykunapaj; sacerdote p'achasta ima.

Éxodo 35:29

Ajinata tukuy qharis warmis ofrendasninkuta israelitasqa apamorqanku maskhatachus tukuy sonqowan, kusiywantaj qosqankuta, imaynatachus Moisesman Señorqa kamachisqanman jina imastachus ruwanankupaj.

Éxodo 35:5

Qankuna ukhupi ofrendata Señorpaj oqhariychej tukuy runas, tukuy sonqowan maytachus qoyta munasqankuman jina apamonqanku qorita, qolqeta, bronceta, telasta; lilata, puka pantita, pukata, sumajnin kaj linota, cabra pelosmanta ruwasqata, pukaman teñisqa oveja qarasta, qowi qarasta, acacia maderasta, k'anchachinapaj aceiteta, sumaj k'achata q'apaj imasta jawina aceitepaj, k'achata q'apashajta inciensopaj, ónice rumita, efodta k'acha rumiswan k'achanchanapaj, sacerdotej ima k'achanchanapajwan.

Éxodo 36:3

Chaymantaqa paykuna oqharerqanku tukuy ofrendasta Moisespa ñaupaqenmanta, mayqenkunatachus israelitas apamorqanku Señorpaj, Diospa wasimpi imaschus kanan kashan chaykunata ruwanankupaj. Chaymantaqa israelitas apamullarqankupuni ofrendasta tukuy sonqo sapa paqarin.

Éxodo 38:1

Bezaleelqa ruwallarqataj rikuchikusta ruphachina altarta acacia maderamanta. Sayt'unman karqa iskay chunka phishqayoj centimetrosniyoj, kikillantaj kinrayninman karqa, patamantaj karqa uj metro iskay chunka phishqayoj centimetrosniyoj.

Isaías 1:11

Señorqa nin: Imapaj apamuwankichej chay chhika rikuchikusta? Millachikuniña chay rikuchiku carnerosta, waka uñaspa wirasninta, millayta q'apaykuwan torospa yawarnin, jinataj ovejaspata, chivospata ima.

Ezequiel 20:40

Señorqa kay jinata nin: Ajllakusqay orqopi, Israelpa jatun lomampi tukuynin Israel aylloqa yupaychawanqa. Chaypi noqa tukuy sonqowan jap'ikapusqaykichej. Chayllapitaj qankunamanta mañasqaykichej rikuchikusniykichejta jaywanawaykichejta, ñaupajta poqojkunata apamunawaykichejta, imastachus qonawaykichejpaj t'aqankichej chaykunatawan.

Ezequiel 40:39

Punku yaykuna corredorpi tawa mesas karqanku. Sapa ladopi iskaykama churasqa karqanku. Chay mesas patapi wañuchej kanku, uywasta ruphachispa Diosman jaywanankupaj, jucharayku wañuchispa jaywanata.

Levítico 1:10

Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata.

Levítico 14:10

Pusaj kaj p'unchaypitaj iskay sumachaj kaj corderosta apamonqa mana imanasqasta, uj watayoj china ovejata mana iman imanasqata. Chantapis sojta kilos khuskanniyoj sumaj kaj jak'uta aceitewan ñat'usqata jaywasqa kanampaj khuskan botella aceitewan.

Levítico 16:7

Chaymantataj chay iskay chivostañataj Señorman jaywanqa Dioswan tinkukuna toldo punkupi.

Levítico 17:8

Kikillantataj niy: Mayqen israelitallapis, chayri karu llajtayoj qankunawan tiyakoj ruphachikupaj rikuchikunta, chayri ima rikuchikullatapis jaywanman chayqa, manataj apamunmanchu Dioswan tinkukuna toldo punkuman rikuchikusninta Señorman jaywanampaj chayqa, chay runaqa ayllun ukhumanta chinkachisqa kanqa.

Levítico 23:12

Ima p'unchaychus Señorman chay trigo marq'ay rikuchikuta qonkichej, chay p'unchayllapitaj uj watayoj sumajnin kaj corderota jaywankichej Señorpaj ruphachisqa kanampaj.

Levítico 23:18

T'antatawan khuska apankichej qanchis corderosta uj watayojta mana iman imanasqata, uj torillota, iskay carnerostawan. Chantaqa ch'aki mikhuykunamanta rikuchikusta, vinotawan jaywanapaj Señorman sumaj q'apashajta ruphachispa.

Levítico 3:1

Maypachachus mayqempis Señorman apamunman uywasninmanta uj wakata, chayri uj torota allinyakuy rikuchikuta jina, chay uywaqa sumajnin kaj kanan tiyan mana imanasqa.

Levítico 4:15

Chaypitaj Israelpa kurajkunasninku makisninkuta churanqanku torilloj umanman Señorpa ñaupaqempi, chay kikimpitaj ñak'anqanku.

Levítico 4:23

Reparakuytawan juchayoj kasqanta, apamuchun juchampa cuentanmanta uj chivota sumajnin kajta, mana iman imanasqata.

Levítico 4:3

Sichus aceitewan jawisqa sacerdote juchallikun, runastawan juchallichin chayqa, pay Señorman apamuchun uj torillota sumajnin kajta mana iman imanasqata, chay juchampa cuentanmanta rikuchiku kanampaj.

Levítico 4:32

Sichus mayqempis juchampa cuentanmanta apamunman uj ovejata chayqa, apamuchun sumajnin kaj china ovejata mana ima imanasqata.

Levítico 5:18

Chayrayku apamunan tiyan ovejasninmanta uj sumajnin kaj mana imanasqa corderota. Chay juchanmanta cuentata qonqa. Chaypa valornintataj churanki; chaytataj sacerdoteman apanqa juchampa cuentanamanta rikuchikuta. Ajinamanta chay runaqa perdonta tarenqa juchasninmanta mana reparakusqanmanta. Chay juchantaj pampachasqa kanqa.

Levítico 6:8

Señorqa Moisesman parlallarqataj kay jinata nispa: Kayta kamachiy Aaronman, mirayninmanwan kay jinata rikuchikusta ruphachinankupaj: Rikuchikoqa tutantin kanan tiyan altar pata brasaspi. Ninaqa laurallanqapuni.

Levítico 7:16

Sichus pipis mana pejpa nisqalla uj uywata apamun, chantapis noqa qosaj nisqanraykupis chayqa, chay kikin p'unchaypacha mikhusqa kanqa. Chaymanta puchojtataj q'ayantin mikhuyta atenqanku.

Levítico 8:18

Chaymanta Moisesqa nerqa qayllachinankuta rikuchiku jaywasqa corderota ruphachisqa kanampaj. Chay uywaj umanmantaj Aaronwan, wawasninwan makisninkuta churarqanku.

Levítico 8:21

Chaymantataj ñak'asqa corderoj ch'unchulasninta, piernasnintawan, tukuyninta altar patapi ruphacherqa. Chay ruphachispa jaywasqampa q'apaynenqa Señorpaj sumaj karqa, Señorqa Moisesman kamachisqanman jina.

Levítico 9:2

Aaronmantaj nerqa: Juchasrayku ñak'asqa kanampaj apamuy uj waka uñata, uj sumajnin kaj mana imanasqa corderotawan ruphachisqa kanampaj. Chaykunata Señorpa ñaupaqenman apay.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Malaquías 1:14

Maldicisqa kachun nejqa mana onqosqa uywata jaywanawanta, nishaspa, chantá onqosqa kajtataj jaywawajqa. Noqaqa jatun Reymin kani, tukuy llajtaspa respetasqantaj kani. Ajinata Tukuy Atiyniyoj Señorqa nin.

Números 15:8

Sichus Señorman qonquchej rikuchikuta uj novillota, chayri waj rikuchikuta, chayri allinyakuy ofrendata, chayri imata qosaj nisqaykichejta junt'aspa chayqa, chayman yapankichej uj litro aceitewan chajrusqa sumajnin kaj ñut'u jak'uta.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Números 23:27

Balacqa nillarqataj: Jina kajtenqa, jaku wajmanñataj risunchej. Ichapis Diospajqa allillan kanman chayllamantapis israelitasta maldicipunawayki.

Números 23:3

Chaymantataj Balaamqa Balacman nerqa: Qanqa kayllapi qhepakuy chay jaywanapaj wañuchisqa uywaswan khuska. Noqataj chaykama Señorta tapurimusaj, ichapis imatata niwanqa. Jamuspataj willasqayki imatachus niwanqa chayta. Chaymanta Balaamqa uj ch'in lomaman wicharerqa.

Números 23:30

Balactaj kikinta ruwarqs Balaampa nisqanman jina; sapa uj altarman uj waka uñatawan, uj carnerotawan churarqa.

Números 28:11

Killaj qallarikuynin p'unchaypi sumaj q'apashajta q'olachispa Señorman jaywankichej iskay waka uñasta, uj carnerota, uj watayoj qanchis corderostawan sumachajnin kajta mana iman imanasqasta.

Números 28:19

Señorman q'olachispa jaywankichej iskay waka uñasta, uj carnerota, qanchis corderosta uj watayojtakama mana iman imanasqasta sumachajnin kajta.

Números 28:31

Chay jaywanastaqa sapa kuti qonkichej, ch'aki mikhuy jaywanata, vino jaywanata, sapa p'unchay jaywanatawan khuska. Chantapis chay uywasqa mana iman imanasqa kanqa.

Números 29:13

Ñaupaj kaj p'unchaypi sumaj q'apashaj q'olachinata Señorman jaywankichej chunka kinsayoj waka uñasta, iskay carnerosta, chunka tawayoj uj watayojtakama corderosta mana iman imanasqasta.

Números 29:2

Señorman jaywankichej q'olachinata uj waka uñata, uj carnerota, qanchis corderosta, uj watayojtakama sumachajnin kajta mana iman imanasqata. Chaykunata Señorpaj ruphachinkichej sumaj q'apashajta.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

San Juan 1:36

Juantaj, chaynejpi Jesús purishajtin, payta rikuspa nerqa: Kayqa, Diospa Corderon kaypi kashan.

San Juan 10:7

Jesús uj kutitawan paykunaman nillarqataj: Cheqamanta, cheqamanta niykichej: Noqa punku kani.

San Juan 10:9

Noqa punku kani: Noqanejta yaykojqa salvasqa kanqa; yaykonqataj, llojsenqataj, pastostataj tarenqa.

2 Corintios 8:12

Sichus uj runa munanman cheqamanta qoyta chayqa, Dios jap'enqa chay ofrendata tiyapusqanman jina. Payqa mana mañanchu mana imayojmantaqa.

2 Corintios 9:7

Sapa uj churachun sonqompa yuyasqanman jina, ama llakikuspa, nitaj kamachisqa jinachu; imaraykuchus Diosqa munakun pichus kusiywan qojta.

Efesios 2:18

Paynejta judiospis, mana judiospis uj Espiritunejta Dios Tataman yaykusunchej.

Efesios 5:27

Pay kikimpaj rikuchinampaj uj sumaj qhawasqa iglesiata, mana ch'ichiyojta, mana k'usuyojta, nitaj chay imasman rijch'akojta. Manachayqa juchamanta t'aqasqata, llimphuchasqatataj rikuchinampaj.

Deuteronomio 12:27

Señor Diosniykichejpa altarnin patapi sumaj q'apashaj rikuchikuta jaywankichej. Chay jaywasqaykichej uywasniykichejpa yawarnintaqa Señor Diosniykichejpa altarnin pataman jich'asqa kanqa. Chay aychastataj atinkichej mikhuyta.

Deuteronomio 15:21

Sichus chay uywaqa wist'u kanqa, chayri ciego, chayri imallampis imanasqa kanman chayqa, ama chayta Señorman rikuchikupaj jaywankichejchu.

Deuteronomio 17:1

Señor Diosniykichejmanqa rikuchikupaj ama apankichejchu imanasqa torosta, chayri ovejasta. Chayqa millay paypajqa kanman.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.