Levítico 1:13 - Qheshwa Biblia DC

¹³ Chanta chay runa mayllanqa, uywaj ch'unchulasninta, chakisnintapis. Chaymantataj sacerdoteqa, tukuy chaykunata ruphachenqa altar patapi. Chay ruphachispa jaywasqampa q'apaynenqa Señorpaj allin kanqa.

DIOSPA QHELQACHISQAN DEUTEROCANONICAL

¹³ Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

DIOSPA QHELQACHISQ

¹³ Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:13 Iomraidhean Croise

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

2 Crónicas 4:6

Ruwallarqataj chunka yaku p'urunkusta mayllanapaj, phishqaqa paña ladoman churasqas, phishqataj lloq'e ladoman churasqas; chaykunapi mayllaj kanku q'olachinasta, chay jatun yaku churanaspitaj sacerdotes mayllakoj kanku.

Ezequiel 40:38

Uj wasi kallarqataj yaykuna punkuman k'askasqa. Chaypi uywasta wañuchispa mayllaj kanku Diosman jaywanankupaj.

Levítico 1:9

Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Levítico 2:11

Chay tukuy ch'aki mikhuy rikuchikusmanqa amapuni levadurata churankichejchu, Señorman jaywamunaykichejpaj. Levadurayojta, chayri misk'iyoj kajtapis amapuni Señorpaj altar patapi ruphachimunkichejchu.

Levítico 2:2

Chaymantaqa aaronita sacerdotesman jaywachun. Ujnin kaj sacerdotetaj uj k'ispiña jak'uta, aceiteyoj tukuynin inciensota ima altarpi ruphachenqa yuyarikunapaj rikuchikuta jina. Chay ruphachispa jaywasqampa q'apaynenqa Señorpaj allin kanqa.

Levítico 3:5

Chaytaqa sacerdotes ruphachenqanku altarpi llant'a patapi ruphachisqa rikuchikutawan khuska. Chay ruphachispa jaywasqampa q'apaynenqa Señorpaj allin kanqa.

Levítico 4:31

Chaymantaqa cabraj tukuy wirasninta wirachanqa, imaynatachus ruwanku allinyakuy rikuchiku wirawan ajinata. Sacerdoteqa ajinamanta chay rikuchikuta jaywanqa, chay runaj juchasninmanta. Juchasnintaj pampachasqa kanqa. Chay ruphachispa jaywasqampa q'apaynenqa Señorpaj allin kanqa.

Levítico 6:14

Kay jina kanqa ch'aki mikhuy rikuchikusmantaqa: Aarompa miraynin sacerdotes kay rikuchikustaqa altar qayllapi: jaywanqanku Señorpa ñaupaqempi.

Levítico 8:21

Chaymantataj ñak'asqa corderoj ch'unchulasninta, piernasnintawan, tukuyninta altar patapi ruphacherqa. Chay ruphachispa jaywasqampa q'apaynenqa Señorpaj sumaj karqa, Señorqa Moisesman kamachisqanman jina.

Números 28:11

Killaj qallarikuynin p'unchaypi sumaj q'apashajta q'olachispa Señorman jaywankichej iskay waka uñasta, uj carnerota, uj watayoj qanchis corderostawan sumachajnin kajta mana iman imanasqasta.

Números 28:8

Ujnin kaj ovejatataj ch'isi yaykuyta q'olachenqanku, chaymantaj yapanqanku ch'aki mikhuymanta jaywana kajta, vino jaywanatawan tutamanta jaywanku ajinata. Chayta Señorpaj sumaj q'apashajta q'olachenqanku.

Deuteronomio 12:27

Señor Diosniykichejpa altarnin patapi sumaj q'apashaj rikuchikuta jaywankichej. Chay jaywasqaykichej uywasniykichejpa yawarnintaqa Señor Diosniykichejpa altarnin pataman jich'asqa kanqa. Chay aychastataj atinkichej mikhuyta.