Jueces 7:22 - Qheshwa Biblia DC

²² Chaykamataj chay kinsa pachajnintin israelitasqa chay pututusninkutaqa waqachishallarqankupuni, Señortaj madianitas purata maqanacherqa, llojsispataj ayqekorqanku Bet-sitakama, Zerera ñanninta rispa, Tabat qayllapi Abel-mehola tinkuykama.

DIOSPA QHELQACHISQAN DEUTEROCANONICAL

²² Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

DIOSPA QHELQACHISQ

²² Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Jueces 7:22 Iomraidhean Croise

1 Reyes 19:16

Nimsej allchhin Jehuta jawiykunki Israelpi kamachej kanampaj; Abel-meholamanta Safatpa wawan Eliseotataj jawiykullankitaj qampa cuentaykipi profeta kanampaj.

1 Reyes 4:12

Ahiludpa wawan Baanataj Taanacpi, Meguidopiwan, tukuynin Bet-seampi, Saretán qayllapi, Jezreelmanta aswan urapi, Bet-seanmanta Abel-meola chaykama, Jocmeanmanta chay uj ladonkamataj.

2 Crónicas 20:23

Chaypacha amonitasqa, moabitaswan ima Seir orqomanta kajkunata maqaj llojserqanku, tukuyninkutataj wañuracherqanku. Chanta paykuna purataj wañuchinakorqanku.

Salmos 83:9

Paykunatawan ruway imaynatachus, Madianta ruwarqanki jinata. imaynatachus Sisarata ruwarqanki ajinata; imaynatachus Cisón wayq'opi Jabintapis ruwarqanki ajinata.

Isaías 19:2

Chaypacha egipciospurata maqanachisaj, sapa ujninkuta wauqesninkutawankama, sapa ujta runa masintawan, uj llajtata waj llajtatawan, uj nacionta waj naciontawan.

Isaías 9:3

Señor, qanqa jatun kusiyta apamunki, may jatumpuni kusikuytaqa. Tukuy kusikonqanku cosechapi kusikunku, ajinata; maytapuni kusikonqanku, qhapaj imasta rak'inakuspa kusikunku, ajinata.

Isaías 9:4

Qan Señorqa phashkaranki yugonkumanta, lijrasninkupi k'aspismanta, sinch'i llakiypi jarap'asqa kayninkumanta ima. Chayta qanqa urmachinki, imaynatachus Madianta urmacherqanki, ajinata.

Ezequiel 38:21

Tukuynin alto lomasnimpi Gogpa contranta wañurachejkunata wajyasaj nin Señorqa. Paykunapura wauqepura wañunachikonqanku.

Habacuc 3:14

Wañucherqanki chay kurajninkuta kikin wach'inasninllawantaj maypachachus chay maqanakojkunasnin caballosninkupi phinkiykorqanku sinch'i wayra jina ch'eqerachispa phiñasqas chay mana imawan jark'aykuyta atejkunata; jinamanta pakayllamanta wañuchinankupaj.

Hageo 2:22

Mundopi atiykunata t'unaykusaj, tiyanasninkutataj urmarachisaj. Urmarachillasajtaj guerraman purina carrosta, chay carrospi purejkunatawan. Caballospis wañullanqankutaj lloq'ajkunasnintin, sapa uj wañonqa hermanompa espadanwan t'ojsisqa.

Zacarías 14:13

Jaqay p'unchaypi Señorqa mayta manchachenqa. Sapa uj wajpa makinmanta jap'enqa, oqharenqankutaj makinkuta ujkuna ujkunaj contrampi.

2 Corintios 4:7

Chaywampis, tiyapuwayku qhapaj kayniyku t'uru vasospi jallch'asqa, jatun atiy rikusqa kanampaj Diosmanta jamusqanta, manataj noqaykumantachu.

Josué 3:16

Pata mayumanta jamoj yakoqa kikimpi sayaykorqa qocha jina, Adán nisqa llajtapi, chayqa kashan jark'ana, Saretán llajtawan khuska. Ñaupajman p'itikoj yakutaj Wañusqa Qocha nisqaman uraykorqa tukukunankama. Ajinata yakoqa mayupi iskayman t'aqarpayakorqa. Israelitastaj chayninta chimparqanku Jericó llajta cheqaman.

Josué 6:16

Qanchis kuti sacerdotes pututusninkuta waqachejtinku, chaypacha Josueqa israelitasman nerqa: Qhapariychej! Señormin llajtataqa makisniykichejman jaywasunkichej.

Josué 6:20

Runasqa jatunmanta qhaparerqanku, sacerdotespis pututusninkuta waqacherqanku, Israelitastaj chay pututus waqamusqanta uyariytawan, kunkankoj atisqanta qhapariyta qallarerqanku. Llajtaj kancha perqasnintaj pampaman loqhekorqanku. Chaymantataj llajta cheqanta phinkiykorqankupacha, chanta jap'irarqankutaj.

Josué 6:4

Qanchis sacerdotes renqanku, Señorpa trato ruwasqan cajompa ñaupaqenta, sapa ujninkutaj renqanku carnerospa wajrasninmanta pututusniyoj. Qanchis kaj p'unchaypitaj qanchis kutita llajtata muyurinkichej, sacerdotestaj chaykama pututusninkuta tocanqanku.

1 Samuel 18:19

Chaywampis mayk'ajchus Merabta Davidpa warmin kanampaj qopunan p'unchay chayamojtin, Saulqa chay wawanta Meholamanta Adrielman qoporqa.