Jueces 3:8 - Qheshwa Biblia DC

⁸ Chayraykutaj Señorqa paykunaj contrampi sinch'ita phiñakorqa, Mesopotamiamanta rey Cusan-risataimwantaj saqerqa atipachikojta. Pusaj wata junt'a israelitasqa rey Cusan-risataimta sirverqanku.

DIOSPA QHELQACHISQAN DEUTEROCANONICAL

⁸ Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

DIOSPA QHELQACHISQ

⁸ Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

Jueces 3:8 Iomraidhean Croise

Génesis 24:10

Chaymantaqa patronnimpa sumachaj imasninta ajllaspa wakichikorqa chayta ama uyallanwan chayanampaj, jaywanampaj pi warmiwanchá tinkonqa chayman. Chanta ajllarqa chunka camellostawan. Chayman chajnariykukuytawan jap'ererqa Mesopotamiapi Nacor llajtaman.

Salmos 106:41

Saqerparerqankutaj mana Diosta rejsej runaspa makisnimpi, enemigosninkutaj paykunata kamacherqanku.

Salmos 129:1

Wayna kasqaymantapacha ashkhata llakichiwanku, Kunan chayta Israelqa nichun.

Salmos 44:12

Yanqhallata aylluykitaqa venderparinki, vendespataj ni imatapis tarinkichu.

Salmos 6:1

Señor, phiñasqa kaspa ama k'amiwaychu, sinch'i phiñasqa kaspa ama jasut'iwaychu.

Salmos 85:3

Tukuy sinch'i phiñakuyniykipis chinkapun, k'araj phiñakuyniykitaj tiyaykun.

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Habacuc 3:7

Noqa rikuni Cusanmanta runasta ñak'ariyman urmasqanta, manchachikuywantaj k'umusqasta Madiampi tiyakojkunata.

Romanos 7:14

Yachanchej, leyqa Espirituman jina churasqa kasqanta; noqarí aychamanta kaspa, juchaman qosqa kani.

Deuteronomio 29:20

Señorqa mana munanqachu chay runata perdonayta, manachayqa sinch'i phiñakuyninta payman apachimonqa. Kay libropi qelqasqa kaj tukuy maldicionestaj payman urmamonqa. Jinamanta, Señor chay runaj sutinta kay jallp'a patamanta chinkachenqa.

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Jueces 2:14

Chayrayku Señorqa israelpa contrampi sinch'ita phiñakorqa, tukuy kapuyninkuta suwaswan qhechurparicherqa, chay qayllasninmanta kaj enemigosnintaj maqanakupi atipaykorqanku, paykunataj mana kutichikuyta aterqankuchu.

Jueces 2:20

Chayraykumin Señorqa Israelpa contrampi sinch'ita phiñakorqa, nerqataj: Kay runasqa, ñaupa tatasninkuwan tratota ruwasqayta p'akinku, manataj kasuwayta munankuchu.

Jueces 3:10

Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

Jueces 3:7

Israelitasqa qonqaporqanku Señor Diosninkuta, Paypa mana munasqantataj ruwarqanku, yupaycharqankutaj Baalman Astartemanwan tukuy laya rijch'aj lantista.

Jueces 3:9

Chaypacha Señorta qhaparikorqanku. Señortaj jataricherqa uj kacharichejta. Kaytaj Cenazpa wawan Otoniel karqa, Cenaztaj Calebpa sullk'a hermanon karqa:

Jueces 4:9

Cheqamanta qanwan risaj, nispa, kuticherqa Deboraqa. Kay kutipeqa may uyarisqa kayqa mana qampajchu kanqa, imaraykuchus Señorqa uj warmej makinman Sisarata jaywanqa. Chaypacha Deboraqa Baracwan khuska Cedesman rerqa.

1 Samuel 12:9

Chay ñaupa tatasniykichejtaj Señor Diosninkumanta qonqaporqanku, Señortaj Sisaraj makisninman jaywaykorqa, chay karqa Hazorpa reynin Jabimpa soldadosnimpa kamachejnin. Chanta jaywallarqataj filisteosman, jinataj Moabpa reyninmampis. Paykunaqa ñaupa tatasniykichejwan maqanakorqanku.