Jueces 3:7 - Qheshwa Biblia DC

⁷ Israelitasqa qonqaporqanku Señor Diosninkuta, Paypa mana munasqantataj ruwarqanku, yupaycharqankutaj Baalman Astartemanwan tukuy laya rijch'aj lantista.

DIOSPA QHELQACHISQAN DEUTEROCANONICAL

⁷ Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

DIOSPA QHELQACHISQ

⁷ Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 3:7 Iomraidhean Croise

1 Reyes 16:33

Acabqa Asera nisqa uj lantita ruwallarqataj, paymanta aswan ñaupajta kamacherqanku chaykunamanta nisqaqa astawampuni payqa ruwarqa, ajinamanta Israelpa Señor Diosninta phiñachispa.

1 Reyes 18:19

Kamachiy ari kunanqa, tukuynin israelitas Carmelo orqoman tantakamunankuta, Baalpa tawa pachaj phishqa chunkayoj profetasninta, Aseraj tawa pachaj profetasnintawan ima, pikunachus Jezabelpa mesanmanta mikhunku chaykunata.

2 Reyes 23:14

Chay lantista reyqa p'akirarqa, Aseraj lantisninta urmacherqa, chaykunamantaj runa tullusta junt'aykucherqa.

2 Reyes 23:6

Señorpa wasinmanta lantistapis wijch'ucherqa, Jerusalenmanta jawaman, Cedrón wayq'oman. Chaypitaj ruphaykucherqa ushphaman kutinankama, chay ushphatataj runa ayasta p'ampana chay pataman jich'arqayarqa.

2 Crónicas 15:16

Chay jawataj rey Asaqa, jatun maman Maacamantaqa reina kayninta qhechurparerqa, Asera lantita ruwachikusqanrayku. Asaqa t'unarparerqa chay lantitaqa. Juch'uykunasman t'unaraytawantaj Cedrón mayupi ruphachimorqa.

2 Crónicas 24:18

Paykunaqa ñaupa tatasninkoj Señor Diosninkoj yupaychana wasinta saqerparerqanku, Asera lantisman, waj lantismanwan yupaychaykunata qorqanku. Chay juchankuraykumari Señorqa phiñakorqa Judapaj, jinataj Jerusalempajpis.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

2 Crónicas 33:3

Watejmanta jataricherqa tatan Ezequías urmacherqa, lomas patapi lanti wasista. Chaykunata jatarichillarqataj altaresta chay Baal lantispaj. Asera lantistapis ruwallarqataj, yupaycharqa, sirverqataj janaj pachapi kaj tukuy ch'askakunata.

2 Crónicas 34:3

Pusaj watastaña kamachisqanmantataj, waynallaraj kashaspa, ñaupa tatan Davidpa Diosninta mask'ayta qallarerqa. Chunka iskayniyoj watasta kamachisqanmantataj, Judamanta, Jerusalenmantawan qhechuyta qallarerqa lomas patapi yupaychana wasista, Asera lantisninta, llajllasqa lantisninta, metalmanta jich'asqa lantistapis.

2 Crónicas 34:7

Thuñerqa altaresta, Asera lantista, llajllasqa lantistawan ñut'uta ruwaraspa. Tukuy Israel jallp'api incienso q'osñichina altarestapis phiricherqa. Chaymantataj Jerusalenman kutiporqa.

Salmos 106:35

Astawampis paykunaqa Diosta mana rejsej runaswan chajrukorqankuña, ususninkutataj ruwarqanku.

Salmos 106:36

Yanqha mana kaj dioskunata yupaycharqanku, chaytaj paykunataqa lastayman chayacherqa.

Salmos 106:7

Tatasniykoqa Egiptopi, jatuchaj ruwasqasniykimanta mana unancharqankuchu. Ashkha munakuyniykimanta qonqaporqanku, astawanqa puka mar qocha qayllapi contraykipi oqharikorqanku.

Éxodo 34:13

Manachayqa qankuna urmarachinkichej altaresninkuta, rumisninkuta p'akirankichej, yupaychananku k'ullustapis khuchurankichej.

Jeremías 23:27

Chay ujkuna ujkunataj mosqokusqasninkumanta willanakusqasninkuwan, aylluyta noqamanta qonqachiyta munanku, imaynatachus ñaupa tatasninkupis qonqarpariwarqanku, Baalpa qhepantataj riporqanku, ajinata.

Deuteronomio 16:21

Señor Diosniykichejpaj altarta ruwaspalla, chaypa ñaupaqempi ama ima yupaychana k'ullutapis, chayri sach'atapis ruwakunkichejchu.

Deuteronomio 4:9

Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.

Deuteronomio 8:11

Señor Diosniykichejta amapuni qonqankichejchu. Kamachiykunasninta junt'aychejpuni, chantá nisqasninta, leyesninta ima, mayqenkunatachus kunan kamachiykichej chayta.

Deuteronomio 8:18

Señor Diosniykichejmanta yuyarikunkichejpuni, yuyaspa pay jallp'ata qhapajyanaykichejpaj qosusqaykichejta. Ajinamanta junt'anqa imastachus qosqaykichej nisqanta ñaupa tatasniykichejwan tratota ruwaspa, kunan kashan ajinata.

Jueces 3:8

Chayraykutaj Señorqa paykunaj contrampi sinch'ita phiñakorqa, Mesopotamiamanta rey Cusan-risataimwantaj saqerqa atipachikojta. Pusaj wata junt'a israelitasqa rey Cusan-risataimta sirverqanku.

Jueces 6:25

Chay ch'isipacha Señorqa Gedeonman nerqa: Tataykej wakasninmanta uj torota apamuy, qanchis watayoj sullk'a kaj torota, tataykejpata kaj Baalpa altarninta phiriy. Ajinallatataj chay Baalpa altarnin qayllapi kashan Aserapaj t'aqasqa k'ullutapis llant'ay.

Jueces 8:33

Gedeompa wañupusqanmanta qhepamanqa, israelitasqa Diosmanta qonqapuyta qallarillarqankuñataj Baalpa tukuy laya lantisninman yupaychaj rinankupaj. Baal-berit lanti nisqatataj ajllakorqanku diosninku kanampaj.

Jueces 8:34

Señor Diosninkumantataj qonqakaporqanku, Paymá tukuy enemigosninkumantaqa kacharicherqapis.

1 Samuel 12:10

Chaypacha paykunaqa Señorman willakorqanku juchallikusqankumanta, Señorta saqerparispa Baalman, jinataj Astarteman rijch'akojkuna lantista yupaychasqankurayku. Paykunataj Señormanta mañakorqanku chay enemigosninkumanta kacharichisqas kanankuta, nerqankutaj Señor sapallantaña yupaychanankuta.

1 Samuel 12:9

Chay ñaupa tatasniykichejtaj Señor Diosninkumanta qonqaporqanku, Señortaj Sisaraj makisninman jaywaykorqa, chay karqa Hazorpa reynin Jabimpa soldadosnimpa kamachejnin. Chanta jaywallarqataj filisteosman, jinataj Moabpa reyninmampis. Paykunaqa ñaupa tatasniykichejwan maqanakorqanku.