Jueces 3:15 - Qheshwa Biblia DC

¹⁵ Chaypacha Señorta qhaparikorqanku, Paytaj jataricherqa uj kacharichejta. Chay kacharichejtaj karqa Benjamimpa ayllunmanta Geraj wawan Aod sutiyoj, payqa lloq'e runa nisqa karqa. Uj p'unchaytaj israelitasqa Aodwan apacherqanku uj t'inkata rey Eglonman.

DIOSPA QHELQACHISQAN DEUTEROCANONICAL

¹⁵ Chantá Tata Diosman qhaparikorqanku, paytaj churarqa uj juezta paykunata kacharichinanpaj. Chay juezqa Benjamín jatun ayllumanta Geraj churin Aod sutiyoj karqa, paytaj lloq'ero karqa. Uj kuti israelitakunaqa Aodwan apacherqanku, Moabta kuraj kamachej Eglonman impuesto pagananku karqa, chayta.

DIOSPA QHELQACHISQ

¹⁵ Chantá Tata Diosman qhaparikorqanku, paytaj churarqa uj juezta paykunata kacharichinanpaj. Chay juezqa Benjamín jatun ayllumanta Geraj churin Aod sutiyoj karqa, paytaj lloq'ero karqa. Uj kuti israelitakunaqa Aodwan apacherqanku, Moabta kuraj kamachej Eglonman impuesto pagananku karqa, chayta.

Jueces 3:15 Iomraidhean Croise

2 Samuel 20:10

Amasaqa mana qhawarikorqachu Joab makimpi espadata jap'ishasqantaqa. Jinallamanta Joabqa chaywan wijsampi t'ojsirparerqa, tukuynin wijsantaj thallikamorqa. Wañorqataj Joab mana ujtawan t'ojsejtillan. Chaymantataj Joabwan hermanon Abisaiwan imaqa Bicrej wawan Sebata qhatillarqankupuni.

2 Samuel 20:9

Chaypachataj Joabqa Amasaj sunkhasinmanta paña makinwan jap'erqa much'anampaj, tapurerqataj: Walejchu risunki hermanóy?, nispa.

1 Crónicas 12:2

Paykunaqa wach'ina arcosniyoj karqanku, rumista choqaytataj yacharqanku, flechastapis kachariyta yacharqanku pañawantaj, lloq'ewantaj. Saulpa ayllun Benjamimpa ayllunmanta kaykuna karqanku: Kamachejninku Ahiezer Joaspiwan. Paykunaqa Gabaa llajtamanta Semaj wawasnin karqanku; Azmavetpa wawasnin Jezielwan Peletwan. Anatot llajtamanta Beracawan Jehuwan.

1 Crónicas 8:3

Belaj wawasnintaj karqanku: Adar, Gera, Abiud, Abisua, Naamán, Ahoa, Gera, Sefufán, Hirám ima.

2 Crónicas 9:24

Sapa wata Salomonman t'inkata apamoj kanku, kaykunata: Qorimanta ruwasqa kajkunata, qolqemanta ruwasqa qhatakuna p'achasta, maqanakunapaj armasta, q'apashaj jawinasta, caballosta, mulasta ima.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Salmos 78:34

Dios wañuchejtin chaypacharaj mask'aj kanku, payman kutirispa mana samarispa mask'aj kanku.

Salmos 90:15

Chhika kusikuy watasta qowayku, chhika llakiy watasta kasqaykuman jina.

Proverbios 18:16

Runaj qosqanqa tukuy punkusta kicharin, jinamanta kuraj kaj runaman yachachin.

Proverbios 19:6

K'acha runa kajtaqa tukuy runas mask'anku, tukuy runas kausaqen kayta munanku khuyakoj kasqanrayku.

Proverbios 21:14

Pakaypi t'inkata jaywayqa jina sinch'i phiñakuytapis thasnun.

Isaías 36:16

Qankunaqa ama Ezequiasta kasuychejchu. Chayrayku, qankunaman nimusunkichej Asiriamanta rey: Noqawan tratota ruwaychej, noqawan ujchakuychej. Chaywanqa sapa ujniykichej kikin uva sach'asniykichejmanta, jinallataj higostapis sach'asniykichejmanta mikhunkichej, yakutapis sapa uj pujyuykichejmanta ujyankichej.

Jeremías 33:3

Mañakuway, uyarisqaykitaj, willasqaykitaj jatuchaj imasta, mana yachasqayki imastataj yachachisqayki.

Jueces 2:16

Chaypachataj Señorqa, kuraj runasta jataricherqa, chay pischus suwajta munajkunamanta israelitasta kacharichinankupaj.

Jueces 20:16

Chay tukuyninku ukhupi wajpuni kallarqankutaj qanchis pachaj lloq'es nisqa, paykunaqa warak'awan lloq'e kaj makiwan rumita warak'aspa uj chujchamampis jap'ichejpuni kaj kanku, mana jayk'aj pantaspa.

Jueces 3:14

Chunka pusajniyoj watasta israelitasqa rey Eglonta sirverqanku.

Jueces 3:16

Aodtaj iskay puntayoj espadata ruwakorqa khuskan metroyoj jinata. Chaytataj paña kaj chakanejman p'achan uraman churakorqa.

Jueces 3:9

Chaypacha Señorta qhaparikorqanku. Señortaj jataricherqa uj kacharichejta. Kaytaj Cenazpa wawan Otoniel karqa, Cenaztaj Calebpa sullk'a hermanon karqa:

Jueces 4:3

Jabimpata isq'on pachaj fierromanta carrosnin karqa, iskay chunka watastaña israelitasta sinch'i llakiypi ñak'arichisqa, chayrayku paykunaqa Señormanta yanapayninta mañakuspa qhaparikorqanku.

1 Samuel 10:27

Wakin sajra runas parlarerqanku: Kaychu noqanchejta salvayta atiwasunman?, nispa. Qhesacharqankutaj mana ni ima t'inkata qospa. Chaywampis Saulqa paykunata mana rikojman tukorqa.